من الممكن انه ما تم تكريمي على هذا الانجاز، ممكن ما اخذت اي ميدالية، وهذا شيء من ناحية شخصية غير منتظر، هذا شيء انا سويته لنفسي فقط وانا ممتن لنفسي اني بديت قبل ٨ سنوات، تحت هذي التغريدة راح اعكس تجربتي كيف قدرت اتحول من مراهق وزنه ١٧٨ كيلو الى مدرب شخصي معتمد وملاكم محترف
قبل لا ابدأ اتكلم بأي شيء فيه سؤال انسئلته كثير وللاسف اني ما راح اجاوب عليه ولكن بعطيك افتراضين بترضي غرورك وبتخليك ما تتعذر، هل انت مسوي تكميم؟ لو افترضنا ان الجواب ايه، كلنا نعرف ان بناء العضلات عمره ما كان بالتمرين فقط وتغذيتك هي الاهم، هل شخص بنص معده ما يقدر ياكل قدر يبني…
المعرفه اللي كلنا نعرفها ان كل شخص له حد من الاحتياج اليومي للسعرات الحرارية، اكلك مخيس بتسمن، اكلك كويس وتتمرن بتنحف، كلنا نعرف هذا الشيء لكن هل نلتزم فيه؟ لا، الكلام كله سهل وما راح اقول لك انا وش سويت عشان اوصل لهذي المرحلة، بقول لك وش الاشياء اللي حطيتها براسي عشان قدرت التزم…
الاشياء اللي راح تقراها هي اشياء انا شخصياً طبقتها وخلتني اوصل لهذي المرحلة، بتشوفها صح بتشوفها غلط هذا شيء راجع لك، يمكن تضبط معي يمكن ما تضبط معك، يمكن تاخذ شيء وتترك شيء، اللي بسويه اني انقل لك تجربة شخصية فقط لا اكثر ولا اقل (ممكن علمياً هي خطأ)
الصعوبة، اكيد اي شيء راح تبدأ فيه في البداية بيكون صعب بالنسبة لك لانك راح تطلع من ال(comfort zone) وخصوصاً بالمجال الرياضي، اللي انا سويته اقنعت نفسي قناعه تامه ان الشيء هذا صعب ولانه صعب ما فيه احد بيقدر يسويه الا انا واذا انا ما سويته فأنا شخص غير مميز ومثلي مثل غيري واذا انا…
مافيه طريق سهل، مهما حاولت اقنع نفسي والف وادور مستحيل فيه حل سهل غير اني اكمل بالمجال هذا، مافيه عمليه بتوصلك، مافيه ابر بتساعدك، مافيه حبوب بتسهل لك، مهما كان مافيه اي وسيلة ممكن توصلك للصحة اللي انت تتمناها غير انك تصدم بالجدار اللي قدامك وتحفر فيه
الاولوية، لازم تقنع نفسك ان هذي اولويتك، بتقول الاكل غالي، بتقول ما عندي وقت، بتقول دوامي طويل، للاسف انه مافيه اي اولوية بتجيك قبل صحتك، اذا صحتك الجسدية تعبانه، مخك بيتعب، واذا تعب مخك حياتك بتخرب
الاقتناع، انت دب؟ ايه دب، بتروح النادي الناس بيستغربون بيقولون وش يبي ذا؟ ايه نعم بيصير هالشيء، بتستحي في البداية؟ ايه بتستحي وبتخاف، اي شيء سيء ممكن بيجي في بالك بيصير ومب لازم تتجهز ولا انا بخوفك ولكن هذا جزء من الحياة ولازم تجربه وتعرف شعوره
التعذر، من حسن حظي اني قارىء كتب، واهم معلومه تعلمتها اللي هي انه قبب ملايين السنين جسم الانسان مهندس ومبرمج على صيد الفرائس والجوع لايام بدون اكل، القدرة اللي موجوده بجسمك الحين مستحيل تستوعبها، اذا حسيت انك تعبان هذا التعب في راسك فقط ماهو بجسمك، جتني ايام كنت اركض لاكثر من ٩…
البدايات المثالية، ببدأ الأحد، ببدأ بعد الاختبارات، ببدأ بعد العيد، اليوم تعبان ما نمت زين، اليوم عندي اختبار لازم اذاكر، اللي يبي عذر بيلقاه، (مستحيل) بتلقى يوم بيكون مثالي بالنسبة لك انك تبدأ فيه، ولا فيه حالة جسمك بيكون فيها قوي وجاهز للتمرين، قررت تبدأ سم بالله ورح اقرب نادي…
الرفاهية، وش احسن اشترك بالنادي هذا ولا هذا؟، وش افضل براند ملابس رياضية؟، وش اشتري اي بروتين؟، وش رايك في الساعة الفلانيه؟، اسئلة مالها اي داعي ومضيعة وقت وكلها اعذار تخلقها لنفسك عشان تتأخر، للأسف انه لازم تسد حلقك وتتمرن لو في بجامتك وحوش بيتك، سواء دخلك ١٠ ريال او ٥٠ الف…
الاكل، كثير مننا يعامل الاكل وكأنه شيء ضروري، لازم اجرب هذا المطعم لازم استلذ بالاكل لازم اروح اذوق هذا الحلى والخ، الاكل هو وقود لجسمك فقط لا اكثر ولا اقل، وماهو شيء ضروري انك تستلذ فيه او تستطعمه، تاخذ حاجتك من الاكل اللي هي الطاقة بافضل جودة ممكنه وما يهم الطعم
مافيه شيء حرفي طبقته تماماً مثل ما قريته او تعلمته، مستحيل اقرأ عن دايت او تمرين او رياضة جديده بدون ما اجرب على نفسي، جربت كل انواع الدايت، جربت كل انواع التمرين، جربت كل اوقات النوم، الى ما عرفت ايش انسب شيء لي انا شخصياً ويخليني ما اتعطل عن يومي وحياتي
شهادات التدريب الشخصي اكيد فادتني كثير وعلمتني، لكن للاسف العلم متغير وكل تطلع لك دراسة جديده، خصوصاً مع السوشال ميديا ما تدري وش الصح و وش الخطأ وكل يطلع لك شيء جديد، فلذلك انسب شيء سويته انه اي اشوفه او اقراه اطبقه على نفسي قبل كل شيء (حتى لو كنت مقتنع انه خطأ قبل لا اسويه)
اصدقائي واهلي واقاربي كانوا جداً متساعدين وداعمين لي، صحيح اكيد في البدايات بيصير فيه تشرّه ليه ما تاكل معنا، ليه ما تطلع معنا، ليه تتمرن بالويك اند والخ، ولكن بعد ما شافوا الجدية والالتزام من طرفي كانوا جداً متساعدين وهذا شيء انا ممتن له وسهل لي كثير
في الختام، انا في بداياتي كنت طالب وطفران ولا عندي اي علم او معرفه في عالم الرياضة، انزرفت كثير وكل المدربين في هذاك الوقت فقط يبي يستغلك وياخذ منك فلوس، في ال٣ سنوات الاخيرة كنت مقفل التدريب الشخصي العام بسبب تركيزي على الاحتراف في رياضة الملاكمة وكنت ادرب فقط نفسي واهلي…
في حال كنت شخص طفران او فقط تبي تاخذ معلومة (بدون مقابل) او في حال كنت شخص تبي (تلتزم) وتشترك وتصرف فلوس على هذا الشيء، هذا رابط التسجيل وتأكد اني بحاول افيدك بأي شيء اقدر عليه سواء كنت تبي تشترك او تبي تاخذ استفسار: forms.gle
جاري تحميل الاقتراحات...