لو شايف الظروف صعبة لازم تعيد ترتيب اولويات مصاريف الاكل و تبدأ تتجنب الرفاهيات او تقلل منها و تخلي اكلك ف البيت و اه انزل بلانش بوكس ، مثلا ساندوتش فرايد تشكين متوسط سعره ١٠٠ جنيه بتاكله مرتين فالاسبوع ممكن تشتري بيه كيلو صدور و كرتونه بيض و هيساعدوك تكمل احتياج البروتين ل اسبوع

لو الزبادي اليوناني غالي اشتري جبنه قريش و دور علي طرق تحضير تخيلك تتقبلها بتمن علبتين هتشتري كيلو جبنه قريش ، فمهما كان دخلك انت تقدر تختار تاكل صح او لا حسب ميزانيتك و الموضوع كله ترتيب اولويات مش اكتر و طبعا المكملات تجنبها حتي الواي بروتين و اعتمد علي اكلك اخرك تشتري كيرياتين

بدل ما تشتري كيلو رز بسمتي ب ٤٠ ٥٠ جنيه اشتري بطاطس ارخص و حاول تدخل بروتين نباتي ف وجباتك مع الحيواني دايما بيكون سعره ارخص يعني كل فول مع البيض و بقوليات مع الفراخ و حاجة زي الترمس مع الجبنة القريش

لو انت من الناس الي بتقول هعيش مره واحدة و عاوز انبسط و مش هضيق علي نفسي ف الكلام مش موجه ليك يا صديقي و بتمنالك حياه كلها سعادة و تاكل و انت مبسوط عادي بس ملكش دعوه ب الي بيحاول يظبط اكله و يوصل لوزن صحي و يبني لايف ستايل صحي هو عارف قيمته و عارف العائد منه كويس.