هو أنا محتاج احسب الماكروز بتاعتي ف دايت؟
الماكروز هم
-نشويات: المصدر الرئيسي والمفضل للطاقة
بروتين: بناء والحفاظ على الكتلة العضلية، العظام والانسجة
دهون: مصدر للطاقة وشديد الأهمية لوظائف الهورمونات
جرام النشويات والبروتين =4كالوريز
جرام الدهون =9كالوريز
دايت =عجز سعرات

بغض النظر عن نوع النظام الغذائي اللي إنت ناوي تتبعه كيتو، لو كارب، دايت متوازن من غير عجز سعرات مش حتخس
طيب هل لازم احسب حاجتي من كل الماكروز؟
في حاجتين محتاج تحسبهم
طبعا الكالوريز بغض النظر عن نسب الماكروز لازم تكون أقل م اللي جسمك محتاجه ودي اكلمنا عنها ف ثريد سابق

البروتين
ليه نحسب بروتين؟
-البروتين له أكبر تأثير حراري ف كل الاكل 10-30% وكمان بيخليك تفضل شبعان وقت أطول
-البروتين مهم ف الحفاظ وبناء كتلة عضلية ودي حاجة كلنا محتاجيناها بالذات وقت الدايت
-لما تحسب كالوريز وبروتين صعب،جدا تاخد نشويات ودهون اكتر من حاجتك
#يوميات_طبيبة_تغذية