مين بيبتدي يومه بالبسكويتة ولا البقسماطة
(الحركة دي مشهورة جدا بين الامهات وهم بيحضروا اللانش بوكس)
او البقسماطة الشهيرة مع كوب الشاي وبعدين ندور حنفطر ابه
البقسماطة دي مؤشرها الجلايسيمي 100 بتفرز انسولين كتير يحرق كل السكر ويسيبك بتضور جوعا بعد حبة وقت ويا أهلا بالرمرمة والجوع

عايز تسيطر على جوعك بقية اليوم وتحد من كمية الجوع وال craves عندك حل من3
-فطار فيه على الاقل15جم بروتين، دهون معتدلة معاه أو من غير نشويات
ما أنا مش بكون جعان الصبح
-متفطرش أيوة الفطار بيساعد إنك تتحكم ف شهيتك باقي اليوم بس لو فطار صحي بروتين كتير ودهون كويسة ونشويات معقدة

انما البقسماطة ولا شوية السيريالز ولا البسكوتة دول مش فطار ومش صحي 😁 والفطار مش أهم وجبة ف اليوم ولا حاجة
لا م أنا لازم أحط حاجة ف بؤي عشان أشرب القهوة/السيجارة أو عشان بتصحى هبطان وعايز حاجة صغيرة
-ابتدي يومك بشوية مكسرات 20 جم مثلا أو معلقة كبيرة زبدة مكسرات
ده حيشبعك

ويديك طاقة والدراسات اثبتت إن المكسرات صباحا بتقلل نهم الاكل وال craves وبتساعدك ع التحكم ف شهيتك طول اليوم
بس ركز ف الكمية 20جم أو معلقة كبيرة عشان المكسرات كالوريز عالية جدااااا
#يوميات_طبيبة_تغذية