ثريد عن "إزاي تبدأ دايت لو وزنك عالي"
ناس كتير لما يكون الوزن عالي بيبدأ يفقد الامل و يعتبر ان مشكلة زيادة الوزن هتفضل ملازماه طول عمره ف مفيش حل غير انه يتقبل دا او لو معاه فلوس أو حتي يدبر مبلغ و يعمل عملية علي أمل ان دا يحل المشكلة و كل الافكار دي هي السبب ان الشخص دا هيفضل وزنه عالي طول عمره إلا لو عمل شفط دهون
لكن مش بياخد باله من المميزات الي هتخليه يخسر وزن بشكل افضل من اي شخص وزنه مش اوفر ويت بشكل كبير زي انه ممكن ياكل ٣٠٠٠ و ٢٥٠٠ كالوري كل يوم و يخس احسن من أي حد وزنه اقل و دا عشان بيكون عاوز نتيجة سريعة بتخليه يقرر غلط و بدل ما كان شخص بياكل ٥٠٠٠ و ٦٠٠٠ كالوري كل يوم ياكل ٦٠٠ بس
و بيكون شوية العزيمة و النشاط ف الاول بيقنعوه انه هيقدر يكمل و يقدر يسيطر علي جسمه و يتحكم فيه و يقنعه انه عادي ياكل ٦٠٠ بدل ٥٠٠٠ و النتيجة انه حتي بعد ٣ ٤ شهور مع اول مره بيخرج عن النظام بيدمر كل حاجة و يستهلك ف اسبوع واحد سعرات تزود وزنه اعلي مما بدأ تاني و خصوصا ان جسمه بيكون
مستعد جدا انه يزيد ف الوزن و مش بس يرجع لوزنه الابتدائي لا هيزيد عنه عشان لو دا اتكرر و حاول يخسر وزن ميخسرش كل الوزن دا عشان جسمك مش فارق عنده غير انك عمال تخزن ف دهون و دي البيئة المستقرة و الامنه ليه ان طول ما انت عندك طاقة زياده متخزنة علي شكل دهون ف انت كده ف امان
ف لازم تتعامل مع جسمك بذكاء و تنسي انك لازم تخس و تفتكر انك عاوز تغير من سلوكيات حياتك مش بس تخس عشان لو خسيت من غير ما تتعلم من تجربتك و ايه الي وصلك للوزن دا هتلاقي انه مهما طال الزمن و فالاغلب بيكون سنتين بالكتير هترجع لوزنك تاني ان مكنش اعلي ف اول حاجة لازم تنساها هي التحديات
و اه ممكن تخس ٣٠ كيلو ف الشهر بس مش هتحافظ عليهم و ممكن تخس من ٦ ل ١٠ كيلو ف الشهر و تحافظ عليهم ف اتعلم متبقاش شخص نظرتك محدودة و بالعامية بتبص تحت رجلك بدل ما تشوف اخر الطريق قدامك و اكيد علي مدار حياتك جربت تخس بالطريقة دي و منفعتش ف بأي منطق عاوز تكرر نفس الاسلوب تاني و مستني
نتيجة مختلفة ؟
خلي بالك هتكون ضحية تلاعب كل شخص همه يكسب من وراك فلوس و عارف انت محتاج ايه و هيفضل يوهمك ان عنده الحل السحري و عارف انك هتدفع عشان نفسك تخس بسرعة ف هتلاقي النصب كتير ، حقن و حبوب و اعشاب و مراهم و جلسات و كيتو دايت و صيام متقطع و زيرو كارب و نظام دايت سحري و رجيم
خلي بالك هتكون ضحية تلاعب كل شخص همه يكسب من وراك فلوس و عارف انت محتاج ايه و هيفضل يوهمك ان عنده الحل السحري و عارف انك هتدفع عشان نفسك تخس بسرعة ف هتلاقي النصب كتير ، حقن و حبوب و اعشاب و مراهم و جلسات و كيتو دايت و صيام متقطع و زيرو كارب و نظام دايت سحري و رجيم
فاكهه و رجيم خضار و دايت التمر و دايت التفاح و دايت الشوربة و دايت قراطاي و دايت بيرج و دايت بإسم كل دكتور دايت عامله لايك علي فيسبوك و انستجرام و تيك توك و حتي عمليات تحويل مسار و تكميم معده و كبسولة سحرية بتملي معدتك و تخسسك
بس ف الواقع كل دا اشتغالات و فلوسك بس الي هتخس!
بس ف الواقع كل دا اشتغالات و فلوسك بس الي هتخس!
طيب تبدا ازاي ؟
خليني اقولك ان عندك فرصة ناس كتير بتتعب سنين و مستحيل تجيلك تاني ان عندك كتلة عضلية لو حافظت عليها هتلاقي انك لما تخس هيبقي كأنك بقالك ٣ ٤ سنين بتشيل حديد و عامل فورمة يحلم بيها اي حد ف اه انزل جيم من اول يوم و شيل حديد ب شده عاليه من اول يوم و زيد ف الوزن عضلات
خليني اقولك ان عندك فرصة ناس كتير بتتعب سنين و مستحيل تجيلك تاني ان عندك كتلة عضلية لو حافظت عليها هتلاقي انك لما تخس هيبقي كأنك بقالك ٣ ٤ سنين بتشيل حديد و عامل فورمة يحلم بيها اي حد ف اه انزل جيم من اول يوم و شيل حديد ب شده عاليه من اول يوم و زيد ف الوزن عضلات
و دا عكس الي هيقوله ليك اغلب الدكاتره انه اصبر لما تخس شوية عشان حضرتك كل هامك الميزان و عاوز تشوف رقم اقل ف تعالي نعمل دايت فيه كالوريز بيبي و تخسرلك ٥ كيلو عضل كل شهر مع ٥ دهون و شوية ميه ف مبروك خسيت ١٥ كيلو ف الشهر و لو كملت كده هتلاقي انك جلدك كله باظ و محتاج عملية قص جلد
و ترهلات ف احسن ظروفك هتفضل مخلياك كاره شكل جسمك مده طويلة و عاملك مشكلة ثقه ف انك تقدر تقلع قدام اي شخص و كل دا بسبب انك بتدور علي انك تنجز و خلاص و مش فارق معاك غير رقم ميزان عاملك هوس و من الناحية التانية شخص معندوش ضمير بيضغط عليك و من كل ناحية هتلاقيه محوطك و عاوز يقلب فلوسك
ف لو هقولك نصيحة واحدة انه ابعد عن اي شخص يمشيك ف الطريق دا و خس لوحدك حتي من غير ما تروحله و عك و اتعلم ف نفسك لكن لو عاوز تخس صح ف لازم تلتزم بالي هقوله ليك و صدقني عمرك ما تتخيل/ي الشيب الي هتوصل ليه ف الاخر و انا عارف انك مش هتصدق عشان دا عكس كل معتقداتك و معلوماتك عن الدايت
١.ابدأ بدايت معتدل جدا اعمل عجز ٥٠٠ كالوري بس من الاكل و الرياضة متقلش عن ٥ الاف خطوة يوميا و تمرين حديد ٣ مرات ف الاسبوع و بعد اول شهر ممكن تزود الخطوات و ايام التمرين لكن الاكل هيفضل زي ما هو
٢.بروتين عالي لو راجل مش اقل من١٥٠ و ياريت٢٠٠ جرام و لو سيده مش اقل من ١٠٠ و ياريت ١٥٠
٢.بروتين عالي لو راجل مش اقل من١٥٠ و ياريت٢٠٠ جرام و لو سيده مش اقل من ١٠٠ و ياريت ١٥٠
و اه التكلفه عاليه بس افتكر انك كنت بتجيب حبوب و اعشاب تخسيس ب ال٥٠٠ و ال١٠٠٠ و بتعمل جلسات ب اضعاف الارقام دي ف اعتبر انك بتدفع عادي بس المرادي ف حاجة مفيدة ليك
٣.اوعي تقطع كارب مهما اتقالك لازم تاكل كميه محترمه و اغلب الاوزان العاليه معايا بياكل رغيفين عيش و ٣٠٠ جرام رز يوميا
٣.اوعي تقطع كارب مهما اتقالك لازم تاكل كميه محترمه و اغلب الاوزان العاليه معايا بياكل رغيفين عيش و ٣٠٠ جرام رز يوميا
و بيخس عادي و بيعمل احسن نتايج و بياكل كل اصناف الاكل و بكميات عاليه بس محسوبة و معروف محتواها الغذائي و ملتزم بيها ف بيشوف نتيجة عادي عشان دا علم مش سحر.
٤. اطلب الدعم من الي حواليك و خلي كل دوايرك الاجتماعية القريبة تساعدك و يوفرو ليك البيئة المناسبة و لو مش هيعملو دا ف
٤. اطلب الدعم من الي حواليك و خلي كل دوايرك الاجتماعية القريبة تساعدك و يوفرو ليك البيئة المناسبة و لو مش هيعملو دا ف
ف لازم يحترمو قرارتك و محدش يحبطك او يقول رأيه ف الي بتعمله و لازم تتعلم ازاي تحمي حدودك و متخليش حد يأثر عليك مهما كان قريب منك لازم ترد و تحمي نفسك حتي لو دا هيتطلب ردود عنيفة ف بدل ما تخاف علي زعلهم خاف علي مجهودك و انهم دورهم يساعدوك مش يكونو ضدك
٥. لازم تركز ٩٠% ازاي تغير عقليتك و ازاي تبني عادات و ١٠% ف الاكل عشان تغيير العادات و تغيبر ثقافة و تراكم عادات السنين هو الحل الوحيد انك تقدر تحافظ علي نتايجك و اه متمشيش ورا سكه العمليات عشان هتخس اه و كتير بس مش هتحافظ علي وزنك دا و غير معاناتك ف الاكل الي هتوصل لترجيع من ميه
لسوء تغذية و نقص كل معادن و فيتامينات جسمك و بعد دا كله هتزيد ف الوزن تاني عشان انت محلتش المشكلة الاساسية كأنك عندك جرح بدل ما تنضفه و تعقمه خدت مسكن و كده بقيت متخيل انك بتحل المشكلة بس ف الحقيقة انت بتشتغل نفسك لو كنت عارف او غيرك بيشتغلك لو مش عارف ف بلاش أحسن من الاول.
عشان هتلاقي نفس الدكتور بعدها بيقولك يلا نعمل مره كمان و يلا نعمل عمليه قص جلد و يلا نعالج الترهلات و مفيش مانع من شوية جلسات لحد ما تزهق انت و تغير رأيك و تفقد الامل و ممكن تلاقيه بيتعامل معاك ب اسلوب سيء و يقولك كلام مؤذي عشان طبعا هو عارف مصلحتك اكتر منك و انت الي مقصر
الموضوع مش سحر و مفيش طريق مختصر ولا حاجة انت مش عارفها ف متخليش حد يوصلك الاحساس دا و يقنعك انه معاه الحل الي هيريحك و يخلصك من كل همومك ، مطلوب منك بس انك تستمر و تكمل و تتقبل الرحلة بجزأها السيء قبل الحلو و تتقبل وقوعك اوقات و تحتفل بنجاحك اوقات تانية عشان دي الحياة.
جاري تحميل الاقتراحات...