موظف تحصيل الديون المعدومة
في البطاقات الائتمانية
يقول الإدارة عندنا جابرتنا
نعمل 120 اتصال #تارقت_الاتصال_بالعميل
يعني 120 عميل
يقول الشغله متعبه لكن غصبن عنا نسوي الاتصالات يقول المضحك ان الإدارة تحاسبنا اذا جوال العميل مفصول
من الخدمة أو مقفل أو لم يتم الرد !

وايضا يقول يحاسبونا على العملاء الأجانب اللي يتحدثون اللغة الانجليزية يقول احنا ما نعرف نتكلم انجليزي ومحسوبين علينا في التارقت ومعطينا عملاء جوالاتهم مفصوله ويعاقيونا على #التارقت طيب جيبوا أرقام العملاء الصحيحه يقولون له ما معك إلا كذا
حصل الديون واذا مو عاجبك
قدم استقالتك

وغير المحاسبة على التارقت نهاية الشهر اذا ما جاب الموظف 100000 الف
في البطاقات الائتمانية نهاية الشهر يرسلون للموظف ما هي الأسباب التي ادت إلى عدم تحقيق التارقت الهدف
ولو جاب 70000 من التارقت ما يآخذ ريال واحد لازم يجيب 100000 الف عشان يعطونه بونص شهري

ولو يجيب نسبة 88% من 100% نهاية السنة يعطونه تقييم الأداء الوظيفي غير مرضي والسنة اللي بعدها يستقعدون للموظف عشان يقدم استقالته ويعطونه مهلة ثلاثة أشهر يوقع عليها الموظف انا اقول لك موظف انتبه لا توقع شي بخصوص التارقت انك ما قفلته
#التنمر_على_الموظفين_بالتارقت
#سوط_التارقت