طيب بم ان الزبادي اليوناني بقي بعشرين جنيه أنا قررت النهاردة اقولكوا الوصفة بتاعته اللي باديها للمرضي بتوعي 😁
فيه طريقتين، واحدة لو حنعمله في البيت from scratch ووصفة تانية مختصرة ..
From scratch :نقلب في لتر لبن دافي يادوب نقدر نحط فيه صباعنا اتنين معلقة كبيرة زبادي بلدي و نحطه في حلة زبادي كهربا لمدة ٦ ساعات او ندخله في فرن دافي و مطفي من باليل للصبح
From scratch :نقلب في لتر لبن دافي يادوب نقدر نحط فيه صباعنا اتنين معلقة كبيرة زبادي بلدي و نحطه في حلة زبادي كهربا لمدة ٦ ساعات او ندخله في فرن دافي و مطفي من باليل للصبح
الصبح نصفيه من المية (الشرش) اللي طلع منه و دة ممكن نشيله في برطمان في التلاجة و نزوده علي سمووزي او عجين بعد كدة دة بيبقي whey protein و نحطه في مصفاة متبطنة بشاش و ندخلها التلاجة ٤-٥ ساعات تتصفي و دة يبقي هو الزبادي اليوناني نشيله في علبة في التلاجة بيقعد أسبوع
الطريقة المختصرة: نجيب زبادي بلدي كويس كتير لانه كميته بتقل في الآخر تقريباً ٦٠٪..نفضيه كله في حاجة بايركس او فخار و ندخله فرن دافي و مطفي برضو من باليل للصبح و نصفيه الصبح بنفس الطريقة
اننا نسيبه وقت أطول من العادي يتخمر او ندخل الزبادي المتخمر أصلاً في فرن دافي تاني دة بيزود فيه كمية البكتيريا المفيدة للجهاز الهضمي و المناعة و دي بتاكل باقي اللاكتوز اللي فيه فا يبقي فيه بروتين أعلي و كارب أقل
جاري تحميل الاقتراحات...