بما ان رمضان جاي الله يبلغنا نبي هذي التغريده تكون مرجع لمصابين السكر في رمضان ، هنا بعض الخطوات الي تفيدني بالصيام ، وشاركونا ايش الاشياء الي تسوونها برمضان لضبط السكر 🌙✨ #سكري_الان #السكري
اول واهم خطوة ضبط موعد المنظم ( طويل المفعول ) بحيث ماتصادف ذروته وقت الصيام ، بالنسبه لي احب اخلي وقت المنظم على العصر او المغرب ( لان المنظم يكون في اقل نشاط له وقت العصر ومايجيني هبوط قبل الإفطار)
حساب الكارب راح يريحكم كثير اذا تعلمتوه بشكل صحيح راح تاكلون الي بخاطركم من اطباق رمضان وبسكر بالنطاق بإذن الله ، بس حابه انبه على نقطه نحاول نستبدل المقليات ببدائل صحيه مثل السمبوسة نحطها بالقلايه الهوائيه او الفرن ( لان الدهون والزيوت تأخر هضم الكربوهيدرات )
واذا تأخر الهضم راح نضطر نقسم الجرعه او ناخذ جرعه تصحيحه فالأفضل وحتى صحياً نستبدلها ببدائل صحيه قدر الامكان ، ومهم نتأكد ان معاملاتنا مضبوطه
شرب الماء والسوائل برمضان خصوصاً ماتتخيلون قد ايش مهم ، عشان مايجينا جفاف وندخل حموضه دم لاسمح الله ، هالنقطة مهمه جداً ماتتخيلون قد ايش الجفاف يضر الجسم #سكري_الان
ضروري نتأكد من الدكتور اذا نقدر نصوم رمضان ونشوف السكر التراكمي عشان مايكون فيه اذى للنفس ، فيه اشخاص كثير السكر التراكمي المرتفع عندهم يمنعهم من الصيام فتأكدوا من هالنقطه
اذا لاسمح الله حصل انخفاض او ارتفاع قوي وقت الصيام أحل الله الافطار للمصابين وكثير فتاوى تمنعهم من الصيام اذا فيه مشقة او مشكله ( لاتكملون على حساب انفسكم وتقولوا نتحمل ) #سكري_الان
اذا حسيتو بتعب او يأس مع السكري عليكم بالصبر والمحاوله ، صبرنا على الجرعات وحساب الكارب والتحليل المستمر مارح تروح عبث عند الله ، دائماً تذكروا هذي الآيه اسأل الله انه يجعلنا جميعاً من اهل الجنه 🤍 #سكري_الان
جاري تحميل الاقتراحات...