إزاي تدير مديرك وتطوره؟
أيوة، انت قريت صح، الإدارة مش بس Managing Down أو إدارة مرؤوسيك لكن كمان Managing Up أو إدارة مديرك. 🧵
أيوة، انت قريت صح، الإدارة مش بس Managing Down أو إدارة مرؤوسيك لكن كمان Managing Up أو إدارة مديرك. 🧵
٢/ عشان أوضح، كل مدير ممكن يكون زيك لسه بيتعلم. وكل مدير ممكن يبقى مدير أحسن مع فريق شاطر.
هتقولي هو أنا هعمل شغلي وأطور نفسي وكمان أدير مديري؟ أيوة لأنه ده هينعكس بشكل كبير على شغلك.
هتقولي هو أنا هعمل شغلي وأطور نفسي وكمان أدير مديري؟ أيوة لأنه ده هينعكس بشكل كبير على شغلك.
٣/ افتكر دايما انت نجاحك ف الشغل مبيحصلش لما بتنفذ المطلوب منك وبس. لما بتحسن ف كل حاجة حواليك بتتحول من موظف نقدر نجيب غيره لواحد من أعمدة الفريق اللي منقدرش نخسره.
٤/ حاول دايما تخلي مديرك عارف انت بتعمل ايه من غير ما يسألك، خلي تبادل المعلومات Push مش Pull. طبعًا مش هتعمل معاه اجتماع كل يوم تقول له بتعمل ايه. إعمل Document على Google Docs مثلا واعمل لها Share معاه.
٥/ وكل يوم اكتب انت اشتغلت على ايه وايه اللي اتعلمته أو ايه الفشل اللي واجهك واتعملت منه ايه وايه الحاجات اللي هتشتغل عليها بعد كده. لو فيه موضوعات مستمرة (ongoing) ممكن تحطها ف section لوحده…
٦/ فايدة ده ليك انه هيقلل العبء اللي على مديرك ف انه يتابع وراك ويسألك كل شوية. ده بالتالي هيفضيه أكتر عشان يساعدك تحل مشاكلك اللي في الشغل. ده كمان هيزود ثقته فيك مع الوقت لانك واضح وهو مطمن انه عارف كويس انت بتعمل ايه طول الوقت.
٧/ متستناش مديرك يطلب، طلب انت اجتماع دوري بينك وبينه (1on1) مرة كل أسبوع. ممكن بعدين يبقى مرة كل أسبوعين أو حتى كل شهر بس لازم تبقى قناة الاتصال دي مفتوحة. تجنب انك تتكلم ف المشاريع وركز على الكلام عن نفسك. ده هيساعده انه يفهمك أكتر ويعرف يتعامل معاك بشكل أسهل.
٨/ اطلب Feedback وادي Feedback. قلل أو الغي المفاجئات. لو فيه حاجة مضايقاك اتكلم عنها معاه وشوف رأيه. اسأله عن رأيه ف شغلك كل كام أسبوع أو بعد تسليم مشروع أو أي Milestone. اكتب الحاجات دي في ال Document بتاعة ال 1on1 اللي بتعمله معاه بشكل دوري.
٩/ ده مفيد ليك عشان تتجنب واحد من أخطر ال cognitive biases اللي هو ال Recency Bias. ببساطة وبعيدًا عن الكلام المكلكع لو حصل انك عملت غلطك ومديرك قالك انت غلطاتك كتير تطلع ال document وتقول له شاور لي على غلطاتي اللي بتتكلم عنها…
١٠/ الكلام ده برضه هيساعدك ف التقييم الربع/النص/السنوي لما تيجي تطلب ترقية أو زيادة ف المرتب.
١١/ اسأل مديرك في ال 1on1 عن المشاكل اللي بتقابله هو ولو تقدر تاخد حاجة ولو بسيطة من الشغل اللي عليه وتعملها. ده هيزود ثقته فيك ولما ييجي اليوم اللي محتاج حد يترقى عشان يمسك شغل أكتر هيبقى اسمك من أول الأسامي اللي هتيجي ف باله.
١٢/ اقرا عن الإدارة عشان كتير من الحلول اللي المديرين بيحتاجوها تفيدك انت كمان في إدارة مديرك وممكن ف وقت لما تسأله عن المشاكل اللي بتواجهه يبقى عندك انت حل لمشاكله وتبقى فعلًا بتعلمه طرق الإدارة.
١٣/ أرشح لك كتب زي: The Manager’s Path by Camille Fournier وكتاب The Making of a Manager by Julie Zhou وكمان The Five Dysfunctions of a Team by Patrick Lencioni. ده هيساعدك انت انك تاخد دروس عملي مجانية ف الإدارة فتبقى مدير أحسن لما ف يوم من الأيام تبقى مدير أو حتي كمرؤوس أحسن.
١٤/ لما تشوف مشكلة ف الفريق أو بيئة العمل أو ال Processes متروحش ترميها لمديرك وبس كده. حاول تقرأ عن الحلول وتحاول تختار الحلول المناسبة وتعرض الاتنين مع بعض لمديرك: المشكلة والحلول. معظم المديرين بيترمي عليهم مشاكل كتير ويبقى المتوقع منهم هو ايجاد وتنفيذ حلول.
١٥/ لما تدي لمديرك المشكلة مع شوية حلول ده مش بس بيساعده لكن كمان بيساعدك لانه بنسبة كبيرة ممكن يطلب منك تحط تصور لحل منهم ويمكن كمان يفوضك (delegate) تنفذ الحل. ده هيديك خبرات كبيرة وبينقلك لقدام كتير.
١٦/ خليك مرن ومتاح لمديرك لما يبقى فيه طوارئ ف الشغل. مرن انك ممكن تعمل حاجة مش بتاعتك عشان الموقف يعدي، متاح بإنك تكون أول واحد توضح لمديرك انك ممكن تسيب اللي ف إيدك لو هو محتاجك تساعد ف حل المشكلة أو حالة الطوارئ.
١٧/ ماتاخدش القرار بنفسك وتسيب شغلك عشان تحل مشكلة. اعرض المساعدة بس استنى لما مديرك يطلب منك تتدخل. ده هيساعدك ف انك هتتعرض لمشاكل يمكن ف الطبيعي مكنش مديرك يطلب تتدخل فيها ودي طبعًا خبرات مفيدة ليك.
جاري تحميل الاقتراحات...