صباح الخير ❤️
حابب احكي مشواري الطويل وتجربتي مع الاكتئاب وشوية شغلات عانيت فيها خلال فترة مش بسيطة + انو الموضوع ممكن كتير ناس صار معها او حيصير معها ومش عارفة كيف تتعامل معه ، ثريد طويل شوي بس حيفيد كتير ان شاءالله
حابب احكي مشواري الطويل وتجربتي مع الاكتئاب وشوية شغلات عانيت فيها خلال فترة مش بسيطة + انو الموضوع ممكن كتير ناس صار معها او حيصير معها ومش عارفة كيف تتعامل معه ، ثريد طويل شوي بس حيفيد كتير ان شاءالله
من ايام توجيهي كنت بعاني من قلق وتعب وoverthinking وشعور غريب جدا ، تغاضيت عن الموضوع بعدها ، وتقريبا خف وبطل يجيلي ، مشت الايام وفتت الجامعة تقريبا في شهر 9 سنة 2020 اجاني شعور مفاجئ وغريب خنقة غريبة جدا جدا
قعدت حوالي ليلة كاملة ومش عارف اعمل شي ، قرات قران شوي وصليت ونمت بعدها صحيت ما في شي ، خلال شهر 9 كان يجيني نفس الشعور ف اغلب الوقت ، اخر شهر 10 تعرضت لموقف جدا جدا صعب وكان هالموقف عنجد كتير صدمة بالنسبة الي ( مش حابب احكيه لاني ما بدي اتزكر تفاصيله السيئة )
من الوقت هاد بديت احس بشعور جدا غريب ، اكون طالع مش مبسوط وقاعد بالبيت هيك برضو ومش قادرر احكي مع حد ونفسيتي بتنقلب 180 درجة خلال اليوم ، بعدين اجى شهر 11 حرفيا لو بدي احكي عنه اسوء شهر ف حياتي كلها بتكون قليل عليه ،
بدأت احس فيه باعراض كتير مخيفة ومزعجة ، كنت ع مدار ايام الشهر ، صداع ، دوخة ، نمنمة ، غبش ف العنين ، خذلان رجلين ، الم شديد ف صدري ، فش تركيز بالمرة وافكار مزعجة لدرجة صرت اتخيل اني خلص ف اي وقت حيصيرلي شي سيء ، ضليت ع هاد الحال لشهر 12 اخره
بس كنت خلال هالشهرين من دكتور لدكتور ، اروح صيدليات اشرب دوا ، عملت خلالهم فحص الجرثومة 5 مرات و3 مرات صورة ايكو القلب ، تصوير سي تي لصدري وبطني ، فحص فيتامينات ، حرفياا ما خليت شي ما عملته وكل الدكاترة يحكولي نورمل نورمل نورمل ، صرت احكي لا هاد الدكتور ما بعرف شي ف دشوف غيره
اطلع من الدكتور هاد اطمن بكلامه ، يومين بطمن بعدها برجع الشعور تاني برجع لدكتور تاني ، كانت حياتي عبارة عن دكاترة وادوية ولخمة وانا مش عارف ايش الي بصير معي ، اكتر شغلة كانت مزعجة وطولت معي جدا الم الصدر والدوخة ما كانوا يخلوني ارتاح دقيقة ع بعضها ، شهرين كانو عبارة عن جحيم ،
خلصت 2020 وفتنا ب2021 وانا لسا ع نفس الحال ودوامة التفكير والقلق يوم عن يوم بتزيد اكتر ، بطلت قادر اتحمل حد ولا اتحمل كلمة من حد حتى اهلي صرت اكره احكي قدامهم انو تعبان من شي لانو ما حدا كان حاسس فيا ولا مكاني وعارف ايش الي بصير ،
ضليت ع هاد الحال بيني وبين نفسي مشقادر احكي لحد وبواجه الدنيا بنفسي ، تمر عليا فترة يومين تلاتة ما اكون نايم ساعتين ع بعضهم ، بعدها قررت احكي لحد قريب مني جدا هاد الكلام لاني كنت حطق واول مرة احس حالي بهالضعف والعجز ،
صار يحفزني ويقلي محمد انت كلنا متعودين عليك انك تكون قوي ومش هيك وحكالي كتير كلام وكان يطمني عليا ف كل وقت بس مشقادر اتعايش مع الاشي ، اخر شي ف 20/2 رحت دكتور اعصاب وحكتله كل الي بصير معي حكالي مشكلتك ما بحلها غير دكتور نفسي لانو كل الي عندك امور نفسية
ضليت فترة متردد اروح ولا لا ، وبنفس الوقت دكتور الاعصاب كان كاتبلي دوا بروزاك بس ما كان ماشي معي منيح ف وقفلي ياه بعدها خلص قررت اروح ع الدكتور النفسي ، ف 10/3 كانت اول خطوة ف تغيير كل اموري للاحسن وطبعا قبل ما اروح اخدت نصيحة صاحبي الي كان معه علم بلموضوع وكان بشجعني ع الاشي
رحت الدكتور ، اول ما قعدت عنده لاول مرة ف حياتي افضفض واحكي كل الي جواتي بدون ما اخبي كلمة وانا بحكي وجواي قهر وزعل ونكد انو صارلي 5 شهور ع الحالة هاي وفايت بالشهر السادس وانا عاجز انو اعمل شي ، الدكتور صار يهدي فيا وقلي محمد انت ع حافة انهيار واكتئاب نفسي حاد ،
ضصار يطمني ويقلي انو كلو حيكون بخير وحتكون منيح ، انا وقتها حسيت حالي اسعد شخص بالدنيا ، اول مرة يجيني شعور الراحة ، كتبلي دوا زانكس وسيبرلكس جرعات خفيفة + حكالي عن كزا شغلة لازم اعملهم بجانب العلاج ، ومن هنا بدأت رحلة علاجي وخلاصي من الشغلة هاي ،
بس طبعا بالتدريج كل شي كان يتحسن شوي شوي ، صرت اقدر اطلع وانا مبسوط ، انام بدون تعب ودون قلق وتفكير ، ضليت ع العلاج لفترة شهرين ونص وتجدد لانو مدة العلاج كاملة 6 شهور بس بحمدالله وكرمه انو كل الامور تحسنت وصارت تمام جدا ورجعت زي اول واحسن واقوى
يمكن الاغلب يحكي ليش انا حكيت الكلام هاد ، كتير منا بمر ف فترات صعبة جدا ويمكن اسوء من فترتي هاي بس ما بكون قادر يتعامل مع الامر او خايف يروح دكتور او يحكي لحد قريب منه ، يجماعة الامور هاي ابدا ما فيها خجل ولشي ، بالعكس بتخليك ترجع زي قبل واحسن
بنهاية الاشي ، انا الفترة هاي كلها الي عدها قربت ع السنة واجهتها لحالي وما استسلمت للظروف ولا مرة وحاولت بدل المرة عشرة اطلع منها وكنت اصير احسن بس كان لازم جمب الامور هاي اخد علاج يساعدني انو اتخلص عالاشي ، وحضل ممنون للناس الي كانت معي الفترة هاي وتقريبا عددهم 3 بدون ذكر اسماء
بس حب كبير الهم ولوقفتهم معي❤️وممنون لكل شخص كان سبب ف اي شي يبسطني ولو باشي بسيط الفترة هديك وكان يحاول يطلعني من المود واسف جدا ع كلشي طلع مني اكيد مش حيكون بقصد ، وهالجملة حضل دايما مآمن فيها " انو ف يوم من الايام حتكون فخور جدا بعبورك الايام الصعبة "الفضل ل الله اولا واخيرا❤️
سوري ان طولت عليكم بس ما تستسلم لظروفك وما تيأس وانو تروح دكتور مش انت ضعيف او عاجز ابدا حيساعدك كتير والحمدلله الحمدلله الحمدلله دايما وابدا❤️🙏
اه صح الدوا كان يخليني مسطول طول الوقت وجعان😂😂😂😭😭
ف لهاد السبب اني سمنت كتير ف هاي كل القصة للي بضل يقلي سمنان سمنان😂😔
ف لهاد السبب اني سمنت كتير ف هاي كل القصة للي بضل يقلي سمنان سمنان😂😔
❤️❤️❤️❤️❤️🤝
عشان الي سالوني
اسم الدكتور : عبدالله الجمل ، عيادته عند السرايا
اسم الدكتور : عبدالله الجمل ، عيادته عند السرايا
والمس سبأ كمان شكر خاص جدا الها❤️
جاري تحميل الاقتراحات...