رتبها

Drag down for English
مساء الخير
مشكلة مقاومة الانسولين هو سر مشاكل الصحة والامراض وهو موضوع جدي بهم الكل حتى لو انت رياضي وما تقول انا لسا صغير او ضعيف. الليلة بشرح ليكم كل شي عنو كيف بحصل والاعراض البسببها وطرق علاجو وشنو التحاليل البتقيسو

اغلب الناس مفكرة انها ما بتاكل كتير بس وجبتين او تلات وجبات البتتختا في الصفرة بس الحقيقة انو اي شي بدخل خشمك وجبة اللبان وجبة حبة المكسرات او الفستقاية وجبة النيسكافيه وجبة الفاكه ان شاء الله عنبة وجبة والنصايح الغلط المعظم الاطباء بقولوها انو الاكل بخليك تزيد

حرقك لانو بكون شغال طوالي انت شغال طوالي بتطلع هرمون الانسولين بالهبل واصلا دي حاجة ما منطقة كدي فهموني كيف يعني حاجة سمنتك هي اللي تحرق ليك لا اشرحو لي! هرمون الانسولين اصلا عندو خاصية اسمها (fat bearing effect) يعني لمن بكون موجود يمنع اي حاجة تانية تحصل ولا اي هرمون هرمون

يتفرز مثلا هرمون الشبع الواحد لمن ياكل ( معليش كلامي حيكون معاد) البنكرياس بفرز هرمون الانسولين بدق الباب للخلية يديها السكر والمغذيات. لمن ناكل سكريات او نشويات كتيرة البنكرياس بفرز هرمون انسولين اكتر وكل شوية يدق الباب للخلية لمن تزهج الخلية تعمل مقاومة بانها تقفل الباب.

الجسم لمن يشوف في سكر في الدم برسل للبنكرياس يفرز هرمون انسولين زيادة فبزيد وبكدا تحصل مقاومة الانسولين. اي شي لمن ينقص او يزيد بتبين اعراض واعراض مقاومة الانسولين كتيرة:
1. البطن السفلية
2.يبدا وزنك يزيد بنفس الاكل الكنت بتاكلو
3. الزوايد الجلدية تظهر فجأة (التالولة)

4. اسمرار الأصابع
5.مناطق داكنة في الرقبة او الابطين
6. لمن تشبع بتحس في شي ناقص داير تاكل بين الوجبات او حاجة مسكرة وتجوع بسرع
7. تقلب المزاج وثبات الوزن
8. الاحساس بالدوخة
9.لمن تلعب رياضة بتتعب طوالي وتحس بالالم واعراض تانية زي ارتفاع الكوليسترول، الضغط، انقطاع النفس في النوم

الاكتئاب، وكمان مشاكل العين من الموية الزرقاء، السكري، الكلى،السرطان، النقرص واللستة تطول ازيد ولا كفاكم. عشان كدا الله خلق الانسولين يقلل السكر ما يزيد عن 100 لانو سام ارتفاع الانسولين بزيد هرمونات الاندروجين. لمن تمشي لدكتور بوصف ليك ادوية تعالج كل عرض او مشكلة براها بس الحل

الوحيد البيحل كلهم مع بعض هو التغذية. لتزيد حساسية الجسم لهرمون الانسولين خليهو غائب قلل استخدامو ريح البنكرياس فمن الحلول لعلاج مقاومة الانسولين :
1.قلل عدد الوجبات والسناك بالصيام المتقطع
2. قلل النشويات بنظام اللوكارب او اعمل كيتوجينيك دايت

3. بالنسبة للفواكه عندك فواكه معينة تاكلها لان المؤشر الغلايسيمي بتاعها ما عالي ومش مسكر فاحسن فواكه هي التوتيات، الفراولة، الافوكادو، جوز الهند، الرمان، البرقوق. نجي لأسوأ الفواكه ولازم انك تبعد منها اولها البطيخ ودا حبيب الملايين صح انو مليان موية بس بدون الياف وهو اكتر

فاكه بترفع سكر الدم الاغلب بياكلو وحيعارضني ليه لان بمفهومهم سعراتو واطية فما بسمن شوفو المؤشر الغلايسيمي بتاعو بعدين تعالو اتكلمو. تاني شي الاناناس نفس الشي، الموز هنا المؤسر الغلايسيمي بتاعو ما عالي بس مليان كارب، المانجا زي الموز وكمان بيور (سكر صافي)، التمر

المؤشر الغلايسيمي بتاعو ما عالي لانو مليان فركتوز وزي ما قلتا قبل كدا بحتاج يمشي الكبد اول ليتكسر لسكر والفركتوز حلاوتو سبع مرات اكتر من السكر العادي (معليش طولتا النقطة دي)
4. استخدم خل التفاح بي لو عندك ازمة (ربو) او قرحة ما تستخدمو
5. استخدم القرفة

6. العب رياضة وعندي كلام بسيط انو تلعب (كارديو) بنظام الهيت (HIIT) او تاباتا في ناس بقولوها طاباطا هي البتخسرك ما بقول ما تعمل تمارين مقاومة بتخسرك دهون لكن بطريقة غير مباشرة لانها بتزيد وتكبر حجم العضل البزيد من فرص عمل الانسولين لان فيهو مستقبلات اكتر فنسبة

الدهون بتقل مش بتتحرق
7.قلل التوتر والعصبية لان هرمون الكورتيزول لمن يرتفع بكسر جلايكوجين الكبد ليحرر السكر في الدم ويرتفع هرمون الانسولين
8. نوم اقل شي 7 ساعات لان هرمون الميلاتونين بساعد انو هرمون الانسولين يقوى
9. اخد مكملات زي اوميجا 3،فيتامين د وب1،

كروميوم، زنك، بوتاسيوم
10. استخدم زيت زيتون زيت افوكادو مش الزيوت النباتية الفي البيت زي زيت عباد الشمس والذرة والكانولا
الخلايا في مقاومة الانسولين بتموت لان هرمون الانسولين البجيب الغذا بقى ماليهو اي فعالية ليشتغل المشكلة مش سكر المشكلة هي هرمون

الانسولين العالي البسوي عرض السكر العالي فانتو بتمسكو فالسكر وتنسو هرمون الانسولين. في تحاليل معينة لمقاومة الانسولين مش التحاليل المتعارف عليها زي واحد بمشي يحلل سكر الصيام يلقى طبيعي يقول انتي غلطانة وكلامك ما صح اكيد ما حتلقى اليكر مرتفع لان البنكرياس بضخ هرمون الانسولين اكتر

عشان ينزل السكر افهمو المشكلة اسمها مقاومة انسولين مش مقاومة سكر قول للدكتور داير تحليل كرافت او homa_ir بحلل حاجين انسولين وغلوكوز لمن تكون صايم وبعد تاخد المشروب او تاكل وفي تحليل اسمو c_peptide test
مقاومة الانسولين مقدمة لسكري بحتاج سنين ليظهر اعتنو باجسامكم

لانها هدية ارضو عن نفسكم اوك بس ما كتير لانو كدا ما حتطورو داير تبقى احسن ما ترضى بالشي الانت فيهو وما تعمل الحاجة بمزاجك يعني مثلا الرياضة تقول لا الليلة انا تعبان واوعك تقارن نفسك بالاقل منك
Insulin resistance issue is a serious issue and all have to

be concerned, even if an athlete or are young or thin. Iis the secret of health problems and diseases such as diabetes, hypertension, cholesterol, liver and eye problems, cancer, gout and joints. People think that they do not eat much only two or three meals. In fact anything

that enters your mouth is a meal, for example, gum, nuts, Nescafe, and fruit. Signs of insulin resistance include:
1. Lower abdomen
2. Weight starts to increase with the same food you used to eat
3. Skin growths that appear suddenly (talula)
4. Darkening of the fingers

5- Dark spots on the neck
6. You crave sugar, no matter how satiated you are and you feel hungry quickly
7. Mood swings
8. Feel dizzy
Some of the solutions to treat insulin resistance:
1- Reducing the number of meals and snacks by intermittent fasting

2. Reduce carbohydrates or make a ketogenic diet
3. The best fruits are berries, strawberries, avocados, coconuts, pomegranates, plums and the worst fruits. Watermelons, pineapples, bananas, mangoes, dates should be avoided.
4. Use apple cider vinegar
5. Cinnamon
6. Sports

7. Reduce tension and nervousness
8- Sleeping at least 7 hours
9. Takingg omega-3, Vitamin D and B1
10. Taking chromium, zinc and potassium
@_FAFA_0
@FMOH_SUDAN
@Sudan_Trending
@hash_sudan
@Sudanese_Spt
@qahwa_r
@MonemFit
@r_murrad

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد