شوية دردشة كده بعد الهدوء ..، معظم الكلام تقريبا قولناه في ثريدات مختلفه بس نحاول نسلط عليه الضوء تاني.
دايماً بقول لنفسي ان ريال مدريد ناقصه شخص في الإداراة، شخص ذكي او مدير رياضي يكون ليه تأثير على الإدارة والفريق. خصوصاً مع إدارة مش مرنة زي بتاعت ريال مدريد.
إدارة لغة التعامل بتاعتها انك تحققلها بطولة ومفيش اعتراف منها بالخطأ حتى لو هي لعبت دور كبير في مستوى الفريق وظهوره بشكل سيء أبرز دليل هو بيان اقالة لوبيتيغي اللي قالولك فيه ان المستوى ميليقش بفريق فيه 8 مرشحين للكرة الذهبيه.
عدم مرونة الإدارة بيسبب مشاكل زي عدم التجديد لبيبي موسمين، رفض زيادة مرتب ديماريا، موضوع التجديد لراموس حالياً حتى لو بدون ازمه كنت برضو هتلاقي كلام كتير زي اللي بيحصل في الصحافه.
مفيش عندهم شيء اسمه خد وادي او ايه الأفضل لينا من الناحية الرياضية، ينطبق نفس الكلام على موضوع المدرب وخلينا نركز على اخر 10 سنين. إقالة انشلوتي مثلاً والتعويض السيء ليه
ودي نقطة مهمة جداً بالتفريط في لاعب او مدرب بدون التجهيز لبديل بنفس القدرة او اقرب حتى وانك بتسيب نفسك للظروف
ودي نقطة مهمة جداً بالتفريط في لاعب او مدرب بدون التجهيز لبديل بنفس القدرة او اقرب حتى وانك بتسيب نفسك للظروف
تيجي على سولاري اللي اترمى في النار مثلاً والطبيعي انه كان يخرج صفر بطولات يعني، برضو تمت اقالته قبل نهاية الموسم بدل الصبر والتفاوض مع مدرب يتكيف مع توجُه الإداراة نفسها اللي هو دايماً بيريز بيكرره "دمج اللاعبين الخبره بالشباب والمواهب".
متمش النظر ولا تحليل موسم زيدان الأخير بعد التدعيمات اللي وصلتله (سيبايوس - حكيمي - يورينتي - ثيو - مايورال ..) اللي لو اي شخص عاقل فكر فيها رياضياً هيلاقي ان فعلاً زيدان مينفعش معاه فئة اللاعبين دي. ده بجانب اخطاءه الشخصية اصلاً كا مدرب وهما حاجتين ترتب عليهم سوء موسم 2018.
لو حد كان عارفني من فترة وحضر معايا فترة 2018 دي هيشوف ان في وسط ما كان الجو كئيب كنت متفائل بشيء واحد بس وحاسس انه النور في وسط الضلمه وهو نهاية الجيل القديم بإستثناء بعض الاسماء وبداية جيل مشوفتش منه غير كل قتالية وحيويه ف الملعب.
امثال ريغيليون، يورينتي، فالفيردي وحديث عن هيرموسو وغيرهم وقولت ان الاسماء دي مع بعض التدعيمات وبعض الاسماء القديمه ومدرب كبير قادرة ترجعنا بكل سهولة وعادي لو الجيل الجديد خد وقته طلاما بيقدمو شيء.
بعد إعلان عودة زيدان ده كان عندي انفصام ما بين اني بحبه جداً بس في نفس الوقت جانب مش مطمن وقلقان انه يطفي الامل اللي كان عند الواحد ده واتكلمت بخصوص الموضوع ده
بس ضحكت على نفسي وعديتها، في نفس الوقت مكنش ينفع الواحد يسكت على حاجه شايفها غلط من أول اليوم ده.
فا الموضوع بدأ بـ بسم الله الرحمن الرحين خروج ريغيليون ويورينتي .. كاسيميرو السيء بالكوره ملوش بديل.
فا الموضوع بدأ بـ بسم الله الرحمن الرحين خروج ريغيليون ويورينتي .. كاسيميرو السيء بالكوره ملوش بديل.
وواحد نجوم الموسم هيخرج ويجي بداله ميندي اللي كنت ولازلت من اول يوم شايفه اسطوري في الدفاع لكن شتان الفرق بينه وبين ريغيليون في بالكوره وخصوصاً ان ريال مدريد الاظهره احد اهم اسلحته طوال تاريخه.
النقطة اللي عايز اعقّب عليها هي علاقة بيريز وزيدان اللي شخصياً بشوفها "سامه". لأنه ورغم شخصية زيدان القوية الا اننا شفنا صفقات بتيجي في عهده ممكن ميكونش راضي عنها بس مش بيعترض.
وهنا مش ببرر اي شيء للإدارة طبعاً انا معترف بخطأهم في مواقف بجانب حاجات السوق بيفرضها عليهم
وهنا مش ببرر اي شيء للإدارة طبعاً انا معترف بخطأهم في مواقف بجانب حاجات السوق بيفرضها عليهم
لكن فين كلمة لا وفين النظرة كمدرب لطلباتك أو اللي انت محتاجه في ظل ما ريال مدريد كان معاه السيوله للدفع، اعتقد حتى لو الإدارة فارضه اسماء موافقتك من عدمها بتحدد القدوم من عدمه ومعتقدش الإداراة هتجيب اسم المدرب قالهم لا عليه الا لو كان لاعب شاب جاي يلف في الإعارات مش للفريق الاول.
زيدان حضر مع ريال مدريد بعيداً عن كورونا. 3 فترات انتقالات صيفية (2016 - 2017 - 2019) و2 شتوية (2017 - 2018) لو مش هنحسب الاولى اللي وصل فيها. مدرب تاني كانت هتتعلقله المشانق.
لكن طبعا هو لا يحاسب على الاسكواد اللي معاه حالياً رغم خروج اسماء ممتازه لأسباب واضحه كلنا شفناها
لكن طبعا هو لا يحاسب على الاسكواد اللي معاه حالياً رغم خروج اسماء ممتازه لأسباب واضحه كلنا شفناها
وموضوع انه مدرب نجوم مش بتاع مواهب ده مضايقني كل ما حد يقوله. ومفيش مدرب او بلاش مدرب، مفيش نادي في العالم كله هيروح يخبط على كل فريق يقولو والنبي انا عايز النجم الجاهز اللي عندك. دي مش بتحصل ولا في نادي يقدر يتحمل تكاليف صفقات كلها سوبر، ده النادي يتخرب بيتهم وبرشلونه ابرز مثال
المنطقي انك لو بتعمل صيف كبير بيبقى فيه صفقة او اتنين نجوم ولو هتزود بيبقى شباب او مواهب. وفيه فرق كبير جداً ما بين لاعب شاب وموهبه محتاجه تتطور. لا يورينتي ولا ريغيليون ولا اوديغارد ولا يوفيتش ولا ميليتاو مواهب بالطريقة اللي الناس بتصنفهم بيها ..
هما لاعيبه شباب بقدرات احسن من لاعيبه اكبر منهم، لاعيبه تلعب في اكبر اندية اوروبا زيهم زي هالاند، مبابي وبيرناردو سيلفا في موناكو، دي يونج ودي ليخت في اياكس، مواهب دي تتقال على فينسيوس، رودريغو، رينيير، كوبو حتى انما في فرق بين دول ودول.
كونك مش عارف تدير الشباب دي او تدمجهم بالأساسيين ده في حد ذاته فشل واياً كان اللي مكان زيان عموماً وبيعمل كده. مشكلة زيدان الحقيقية هي الفجوة اللي بيخلقها بين اللاعب المتواجد في التشكيله دايماً وبين اللي قاعد على الدكة.
اللي بيبقى قاعد ده او احنا منتظرين منه حاجه بيبقى عارف ومحفور في دماغه انه مش خيار مهم، زيدان بأفعاله بيجبهالهم وش كده حتى لو كان كلامه غير كده. ورغم كل الفشل الإداري الا ان في قرارات ميتحملهاش غير زيدان نفسه وده كلام واضح للأعمى.
معظم الناس بتلعن حالياً ميندي وكاسيميرو على سوءهم بالكوره وقلة حيلتهم بيها وبيتغاضو على ان وجودهم كان بقرار واضح من المدرب بخروج يورينتي وريغيليون قبل كورونا وقبل كل الكلام ده اذا كانت الحجه هي توفير الفلوس.
انتقاداتي راحت للإدارة وعدم تفكيرها في الأفضل ليها رياضياً او حسب الخطة اللي ماشيه عليها في بعض الأحيان وانها حتى لو مش بتتنازل عن كلماتها لازم يكون في استثناءات في بعض المواقف او لبعض اللاعبين.
وراحت للمدرب في كل الاخطاء اللي عملها وبيجني ثمارها دلواقتي بعيداً حتى عن كوارث الملعب نفسه اللي اتعملت مش بس لسوء الاسكواد بل لسوءه هو وسوء تصرفاته في مباريات كتير حتى واسكواده كان فيه رونالدو.
لا عمر كانت الاصابات حجه ولا سوء الاحوال الجويه حجه ولا عمر حاجات زي ممكن تأثر على تأخر تبديلات وسوءها في ظل حاجه الفريق لها او البدأ بلاعبيين منتهيين او سوء منظر وحلول الفريق في الملعب في 80% من الماتشات.
اتمنى من كل قلبي انه يكون اخر موسم ليه ويحاول مع الفريق ينهيه بأفضل شكل وفي الصيف اول تغيير لازم يكون هو المدرب .
وبرضو لنفس السبب اللي زيدان قاله من سنتين "هذا الفريق مطالب بالاستمرار في الانتصارات وحتى يحدث ذلك لابد من التغيير .. الفريق يحتاج الى خطاب جديد، تحفيز مختلف وطريقة عمل جديدة".
جاري تحميل الاقتراحات...