هنا بعض مقتطفات من إبداع هذا الشاعر الذي أثقل ميزان الشعر النبطي بعذوبة كلماته مع جزالة المعنى كما وصف هو قصائده التي لا يمكن أن يصف جمالها غيره .
يتبع
@faz_fahhad3265
وأنا شاعرٍ مبدع بمعنى وقافيّه
أسوق المعاني سوق وان قدتها تنقاد
وأنا ما افتخر بالشعر هو يفتخر فيّه
أشيد بناه اليا هدم صرح الهداد
أوصل مقامه للنجوم الفضائيه
واعطر حروفه من ورود الشذى والكاد
أحب العلوم الناضجه وانضج النيه
واهل الموهبه واجد ومن فيه جودٍ جاد
و اتجهد فيه واصخّر صعابه
ما اتلذذ غير بالقاف العنيدي
الصعيب اللي يبي عنف وصلابه
اصهره صهر المصاهر للحديدي
في الحكمة والمدح والغزل وغيرها كما أن قصائد عبدالله بن زويبن تتصف بتسلسلها العجيب وكأنك تشاهد مشهد درامي متكامل ولكن الفرق أن الكلمات والإعداد والتصوير والإخراج = (عبدالله بن زويبن )
لعل قصيدته التي سار بها الركبان وأخطأ الإعلام السير بها ولكن مجالس الشعر كانت هي من تناقلها
قصيدة سمعت لي كلمةٍ مدري وش اقصاها دليل على تميزه في الحكمه
سمعت لي كلمة مدري وش أقصاها
حــزت بـصـدري وأنــا مـانـي بهارجـهـا
لــو كــل كلـمـه لـيـا جتـنـا طـردنـاهـا
بعـنـا الثميـنـه بسـعـرٍ مـــا يخـارجـهـا
لــو مــرت السـمـع ماكـنـا سمعنـاهـا
ونـقـفـل الـــراس عـنـهــا لايبـرمـجـهـا
ماتـرضـي الـنـاس لــو انك تحججـهـا
وارســم لنفـسـك حـــدود ولا تـعـداهـا
من حط نفسه بـدرب الضيـق يحرجهـا
إن صـدت النـاس عنـا مـا أعترضنـاهـا
ماتـقـفـي الـنــاس عــنــا وأنتـولـجـهـا
الطيبـة بالعـسـل والسـمـن نمزجـهـا
وإن جـاتـنـا الثـانـيـة نـصـبـر ونـرفـاهـا
يمـكـن لـيـا فـــاق راعـيـهـا يعالـجـهـا
خلك شمالي عند زلة قرايبك
وعلى الحقوق اليا نصنّك حجازي
وللضيف والجيران ليّن جوانبك
وبالطيب جاز وبالردى لا تجازي
ابتوضا واتقبّل واصلّي
مادام ماصليت ماني بمرتاح
مايقبل التقصير عمرٍ مولّي
ماباقيٍ به بالدهر كثر ماراح
وبكره ليا فلّ المحاسب سجلّي
ماهو نافعني غنيم ابن بطّاح
انا ليا كثرت علوم الزواريب
لو زعزعن طويق ما زعــزعــني
ما ارخي لها راسي ولا اسمع ولا اجيب
لين الرماة سهومهم يركـدنـي
اخاف اجي مزهاف وارمي ولا اصيب
والرمية اللي ما تصيب تغبني
الطيّب الطيّب إليا طحت يرفعك
شيكٍ بمخباتك وسيفٍ بيمناك
ٰ
قلبه على قلبك وعينه تطالعك
لو البحر دونه إليا أوميت له جاك
واليا صمتنا الصمت راس الحكمه
واليا تكلمنا نعرف نقول
واذا سمعنا ما نطيع الغاوي
معنا عقول وناخذ المعقول
صدك تقل ما وحيت لو إنك اوحيت
عـن الـرديـه طــيـب مـاهـو رخـامـه
والله ما تـنـدم عـلـيـهـا ليا اقـفـيـت
اقـفـاي ذيـب عــن ولـيـشـة هـلامـه
الـثـوب الابـيض تقشبه نقطة الزيت
لو هـي صـغـيـره فـيه تبقى علامه
ومن العطايا كم عطى عبد وحصان
واليا كرم يملى بطون الجياعي
من كثر ما يذبح من الحشو والضان
كنّه مجاور له مغارة سباعي
ناصي اللي تاكل الحشو سكينه
يوم بعض الناس يبخل على شاته
الشايب اللي فأول العمر واتلاه
يسعى لخلق الله يدوّر رضاها
فوق اصفرن مع طلعة الصبح يشعاه
مافيه ديره ما وقف في سراها
والى توفّر في يمينه ثمن شاه
حوّل على سوق النسيم وشراها
من مال قرمٍ ينفض الكيس باسبوع
نجره لجيرانه من النوم يوعي
ويقول :
حمّاية الخايف ودقاقة الهيل
وعوق السمين اللي تموح اذنبتها
كل المراجل يا حصان الأطاليب
حققتها ماهي حلوم وتمنّي
رسمت لك دربٍ على غيرك صعيب
يهابه اللي في طموحه تدنّي
من صار له مثلك ولد عم وصحيب
شكواه من ميل الليالي تجنّي
والماء مطر من قلتةٍ في ظهر جال
يطيح فيها الطير من صفو ماها
وفي وصف آخر يقول:
الحي يرجع والصويب يداوى
ويحمى المنيع ويدفن المقتول
المدح والنصح لي باعٍ مع أصحابه
وإن جاء مجال الغزل عندي غزليه
والا زهور الربيع بوسط محميه
ما أحدٍ رعى نبتها والا تمشابه
ما هزها غير نسناس الشماليه
ويا أبو جبينٍ ليا امسى الليل يسرابه
اليا اتجه للقمر غطى على ضيّه
من واقع النظرات مني ومنها
نظرت فيها مثل نظراتها في
وعجزت اقاومها وصديت عنها
كل النسا ظلما وهي بينهن ضي
تشبه شعاع الشمس أشعة بدنها
اعتذر والمنزل اللي دمرته عمّره
يا عيون اللي ليا ضف جنحانه وطار
الدرابيل الجديده تعجز تذمّره
توها من حر صلو اللهيب مجمره
أنت كلك نار تجمع بياضٍ مع حَمار
تقل شمسٍ توها للمغيب محمّر
والشعر يلمع على الضي من قو الشقار
بشت أميرٍ تو أمير الرياض مومّره
وانا احسب انه سلوتي وانشراحي
حولت في جرحين مغلق ومفتوح
وطعون شلفٍ من جميع النواحي
وشميت لي ريحٍ خطيرٍ على الروح
ريحان والريحان سمٍ ذحاحي
لاكان كان اني تشافيت مسموح
وان مت جعلك من ذنوبي مباحي
ولا يزي الضميان شوف الضحاحـي
لازم تبين لي عن الحـب منضـوح
ما بالخفـى خيـر البيـاح البياحـي
أما أنتظر وإلا أنسحب عنـك وأروح
وأنته تروح وجعل دربـك سماحـي
و راسك من الشرهات بالسمن ممسوح
واللي طونّـه بيـض الأيـام راحـي
اللي يذوب القلب من سلهمتهـا
إلى اقبلت قـام يتكفكـف دجى الليل
كـل الديار المظلمه نورتـهـا
وإلى ادبرت غطت جسدها المجاديـل
بيـن الخلايـق لـو تعـرى كستهـا
إن كفتـه مثـل الغصـون المحاميـل
وإن فلته قام يتثـنّـى تحتها
ونته من بين حدب الضلوع يجرها
من عنا اللي رمحها ما يصيب الا الصميم
الكبود يشقها والضلوع يقرها
ما يجيها صاحي القلب ويعود سليم
والحريم عيونهن بالقزاز تذرها
للغرام ترجع الداعيه والمستقيم
حبها يدخل قلوب العرب ويفرّها
اليا ذكرت فعول ربعي مع الناس
قام يتزايد للمراجل حماسي
وقامت رقبتي ترتفع فوق نوماس
شوي والا ياصل الغيم راسي
من كان يجهلنا هـو المجهـول
حنا هل الـوادي سلالـة عامـر
شبلٍ و عقب مـن وراه شبـول
واد الفرع مـن ضدنـا حامينـه
وواد الشفيـه مبـرك الـذلـول
حامينها بالسيف عرض و طـول
الزير في و قـت اللـزوم ندنّه
و يجذب لنا الغايب بلا مرسـول
دون المدينة كـم نطحنـا دولـه
نحمى البلاد و مسجـد الرسـول
تاريخنـا كـل العـرب تقرابـه
وتدرس به الطلاب باسطنبـول
إقرأ ايضاً
✅اليوم جمعت لكم اهم المعلومات عن الدوالي في انفوجرافيك اتمنى ان يكون مفيد وتحت التغريده ملخص لاهم المعلومات الي يهم انك تعرفها عن الدوالي وتاثيرها...
🚨 خبر عاجل: Claude صار يقدر يسوي لك قناة يوتيوب بالذكاء الاصطناعي من الألف للياء، زي وكالة إبداعية تجيب 10,000 دولار بالشهر. والأحلى؟ ببلاش. هذي 7 ب...
🚨🚨 د. مايكل بروس يُعتبر من أشهر خبراء النوم في العالم. في آخر بودكاست له والذي تجاوز ملايين المشاهدات ، كشف عن أهم 6 حقائق صادمة عن النوم ، وأنواع ال...
1/ خلال الأسابيع الماضية شاركت في لجان مقابلات لبرنامجين مهمين: الأول: برنامج منح لطلبة مقبولين في جامعة أكسفورد، وهذه رابع سنة أشارك فيها ضمن لجنة ا...
🧵 | ثريد: كيف تطبيقات التواصل الاجتماعي "مجانية" وهي تربح المليارات؟ https://t.co/ZFEJsvNGvV
تقرير فحص المقطع المرئي المتداول (النتيجة: مزيف بنسبة 100%) بعد إخضاع هذا المقطع للتحليل الدقيق، تبين أنه مُوَلَّد بالكامل عبر نماذج الذكاء الاصطنا...
الأكثر اعجابا
لله الحمد و الشكر ، تم الإنتهاء من إنجاز اهم مشروع قمت ب #تصميم و #تنفيذ لمنزل عمره ٢٧ عام ، مشروع #ترميم منزل العائلة بإستخدام العمالة المحلية بمدينة...
ثريد جديد قضية (البيتزا جيت - Pizzagate) رجعت من جديد الى الساحة بصورة أخطر، وهي قضية تقول بإن فيه نخبة عالمية من سياسين معروفين ونجوم هوليود ومشاهير...
#ثريد 🔺أكثر من 60 عبارة #تسويقية ناجحة تتناسب مع طبيعة عملك ان كانت خدمة أو منتج ويعني هذا بيع #المنتجات والخدمات من خلال الكلمات التسويقية القوية🔥💰...
قصتنا اليوم عن شاعرٍ مدمن على الخمر تربى في مجالس العلم والشعر، أديب وأيضًا زنديق قصتنا اليوم عن أفصح شعراء الدولة العباسية أبونواس.
1/ الإجراءات المتطرفة التي رأيناها في الولايات المتحدة هذا الأسبوع. والتي نتج عنها خطاب رئيس الوزراء البريطاني سببها هو تقرير امبريال كولدج - لندن ......
كيف تستثمر 100 ألف ريال في السوق السعودي؟ نتحدث هنا عن الاستثمار سواء كان قصير الأجل ومدته (سنة إلى خمس سنوات ) أو طويل الأجل ومدته (10 سنوات أو أك...
