قصتي مابعد التكميم
بعد التحيه .. لمن مر من هنا
ثريد طرحت فيه تجربتي الشخصيه مع الأكل بعد التكميم احتياجي وكيف حاولت اتعرف على الاكل المسموح لي وكيف استفدت من تجارب اللي قبلي #فضفضة_المتكممين #رابطة_المتكممين
بعد التحيه .. لمن مر من هنا
ثريد طرحت فيه تجربتي الشخصيه مع الأكل بعد التكميم احتياجي وكيف حاولت اتعرف على الاكل المسموح لي وكيف استفدت من تجارب اللي قبلي #فضفضة_المتكممين #رابطة_المتكممين
بدايةً كان هاجسي مثل كل انسان متكمم كيف راح يكون اكلي وشربي وكيف اتعامل مع المراحل اللي شرحوها المستشفى للأمانه #رابطة_المتكممين ساعدتني كثير واستفدت من تجاربكم ونصائحكم وحاولت اخذ الشي اللي يناسبني منها بقول لكم كيف !!
١- بوضح لكم كلام الدكتور : "الان المعده مجروحه وتعتبر جديده مثل معدة المولود تحتاج تهيئه من جديد لمدة شهر على خمس مراحل بعدها تقدر تاكل طبيعي ويرجع حجم المعده بعد سنه ربع حجمها السابق وتتوسع مع الوقت "
٢-في اول يوم من العمليه
المرحله الاولى جابو لي مويه وعصير تفاح KDD وغطا حجمه ٣٣ مل مقياس شرب تعبي في الغطا وتشرب للامانه ماقدرت اشرب الشهيه مقطوعه تماماً احس المويه لها طعم والتفاح اشم ريحته على بعد امتار ( حاسة شم صارت قويه ) ماقدرت اشرب والتفاح ماحبيته اول يوم اكتفيت بالمغذي
المرحله الاولى جابو لي مويه وعصير تفاح KDD وغطا حجمه ٣٣ مل مقياس شرب تعبي في الغطا وتشرب للامانه ماقدرت اشرب الشهيه مقطوعه تماماً احس المويه لها طعم والتفاح اشم ريحته على بعد امتار ( حاسة شم صارت قويه ) ماقدرت اشرب والتفاح ماحبيته اول يوم اكتفيت بالمغذي
٣-ثاني يوم الحمد لله صحتي تمام ونشاطي زاد ومشيت في الممر الطويل انا والمتكممين زملاي ومسموح لي اشرب من الغطاء شوي شوي ماني قادر اشرب الغطا كامل بس رشفات تبلل حلقي الغطاء يتم ساعه ماني قادر اخلصه بسبب الشهيه كانت صفر
٤- طلعت بالسلامه وبديت المرحله الثانيه سوائل شفافه جهزت عصاره نظام الطرد المركزي تعصر الفواكه وتصفيها استخدمت معها صفايه (مشخال) عشان يكون العصير شفاف اي نوع مثل هذي العصاره 👇🏻
٥-مسموح عصير الفواكه الغير حمضيه -ممنوع شرب الساخن ممنوع عصير الفواكه الحمضيه برتقال ليمون منقه كيوي اناناس في هذه المرحله المعده ماتتحمل وراح تتعبني بالاستفراغ والحرقان لازم ألتزم بالتعليمات ممنوع استخدام المزاز يقولون يسبب غازات
٦-مرحله عاطفيه :
مر اسبوع اهلي كانو بقدر الامكان حوالي بس اذا جا الاكل يطلعون كلهم مايبون اشتهي الاكل وانا من قوة حاسة الشم قاعد اميز نوع البهارات في الاكل 😂 بس ماعليه الشهيه صفر كأنهم شالو غدة الشهيه مع التكميم والجوع صفر ✌️
مر اسبوع اهلي كانو بقدر الامكان حوالي بس اذا جا الاكل يطلعون كلهم مايبون اشتهي الاكل وانا من قوة حاسة الشم قاعد اميز نوع البهارات في الاكل 😂 بس ماعليه الشهيه صفر كأنهم شالو غدة الشهيه مع التكميم والجوع صفر ✌️
٧-المرحله الثالثه بديت في السوائل الكامله والمشروبات الساخنه لمدة اسبوعين هنا لازم أستفيد من خبرات سابقه في المسموح والممنوع لان الثقافات تختلف بين الناس بحثت ولقيت حلول مناسبه لي ولشهيتي ..
٨- مسموح لي السوائل الكامله مثل الحليب واللبن والعصير غير الحمضي ومسموح سوائل ساخنه اخترت منها البابونج النعناع الكركديه الينسون جيده تريح المعده من الغازات وتخفف الحموضه
مرحله نفسيه
٩- المرحله الثالثه أطول مرحله مدتها اسبوعين طفشت من اللبن والحليب وبدت نفسيتي تتعب ما اقدر آكل مع اهلي حسيت بالوحده لأن اهلي يشفقون علي واذا جا الاكل راحو وتركوني وحدي ذاك الوقت ندمت اني كممت 😞😞
٩- المرحله الثالثه أطول مرحله مدتها اسبوعين طفشت من اللبن والحليب وبدت نفسيتي تتعب ما اقدر آكل مع اهلي حسيت بالوحده لأن اهلي يشفقون علي واذا جا الاكل راحو وتركوني وحدي ذاك الوقت ندمت اني كممت 😞😞
١٠-حسيت ان وقت اهلي كله اكل فطور غدا عشاء واذا كانو عندي قهوه وتمر وانا ممنوع منها اشتهيت التمر البرحي من مزرعتنا كان موسم بس ما اقدر آكل اخاف تسبب لي مشكله كان هاجسي التسريب معدتي مجروحه ماتتحمل
١١- هذي المرحله كان الدكتور النفسي يحذرني عن الإكتئاب اني لازم اغير روتيني كنت امشي كل ما حسيت بضيق وكانو اهلي يحاولون تغيير نفسيتي قد ما يقدرون الله يسعدهم لحد ما عديت المرحله .
١٢- كان عندي موعد بعد ١٠ ايام وزنت في العياده كانت فرحتي غامره بنزول ١١ كيلو خلال فتره وجيزه تحمست وحسيت بإيجابيه الحمد لله شالو الدبابيس ووقفت ابر السيوله واكتفيت بالفيتامينات وحبوب الحموضه
١٣- كان اكثر شي يخوفني مسألة التسريب لان الدكتور قال لازم تلتزم بالمراحل أو راح تعرض نفسك لمشاكل وتقول خطأ طبي بعدين أنت مسؤول عن صحتك كنت ملتزم بالنظام بحذافيره حتى خلصت المرحله
١٤- المرحله الرابعه مرحلة المطحون
الاسبوع الثالث من العمليه المعده وضعها أفضل كنت انتظر هذي المرحله مشتهي آكل خلاص كنت اجهز وصفات المطحون قبلها بأسبوع
استفدت من تجارب #رابطة_المتكممين في الوصفات اللي اقدر آكلها ورتبت جدول وجباتي اليومي
الاسبوع الثالث من العمليه المعده وضعها أفضل كنت انتظر هذي المرحله مشتهي آكل خلاص كنت اجهز وصفات المطحون قبلها بأسبوع
استفدت من تجارب #رابطة_المتكممين في الوصفات اللي اقدر آكلها ورتبت جدول وجباتي اليومي
١٥- مسموح في المرحله الرابعه الخضار المطبوخه تنطحن أوالشوربات اضافه الى المسموح في المراحل السابقه والافضل الاعتماد على المسلوق
وممنوع البهارات والزيوت والفلفل اضافه الى الحمضيات من الفواكه والكافيين من الشاي والقهوه
كلها ترفع حموضة المعده وتسبب مشاكل حرقان وترجيع
وممنوع البهارات والزيوت والفلفل اضافه الى الحمضيات من الفواكه والكافيين من الشاي والقهوه
كلها ترفع حموضة المعده وتسبب مشاكل حرقان وترجيع
١٦- هذي المرحله ريحتني نفسياً لأني بديت اذوق الاكل زي الناس مو مشكله مهروس بس احس انه أكل من الاستعجال خصمت يوم من الاسبوعين حق السوائل 😅 تغيرت نفسيتي وارتحت صرت اجلس بصحن شربه مع أهلي 🥰 مستانس
١٧- صرت انوع في الاطباق كان مطلوب كل ثلاث ساعات وجبه بس نظام اكلي مايكفي صحن الشربه يحتاج مني ٤٥ دقيقه عشان يخلص كل شوي ملعقه بعدين ارتاح فتره (هذي الطريقه الصحيحه للأكل)
١٨- ماقدرت ارتب جدول ست وجبات اكتفيت بثلاث وجبات واحيان وجبتين لأني باقي احتاج للسوائل راح النهار وانا ما خلصت واذا اهملت السوائل حتى بشرتي تنشف مطلوب اثنين لتر في اليومم بس ما قدرت اكتفيت بلتر واحد .
١٨- ضروري شرب الماء وضروري أحسب الكميه اخذت قنينه فيها مقياس وكنت اذا خلصتها يعتبر إنجاز بالنسبه لي اوصل من لتر الى لتر ونصف يوميان مطلوب ثلاثه بس هذا حدي
١٩- مرحلة السوائل الجسم يمر بسوء تغذيه ونزول سريع أما مرحلة المطحون صار جسمي يعوض ويستعيد نشاطه مع الحفاظ على الفيتامينات كنت ابحث عن الاشياء اللي أستفيد منها مع الإلتزام بالتعليمات
٢٠- بدأ يبان نزول الوزن في الوجه والرقبه والاكتاف نزول ايجابي وانا مو مستعجل لما وزنت بعد ٢٠ يوم نزلت ١٧ كيلو إجمالي كانت تغمرني السعاده
٢١- المرحله الخامسه مرحلة المهروس نفس مرحلة المطحون بس يكون الاكل ثقيل مثل الجريش والهريس مدتها اسبوع
٢٢- خلصت بفضل الله شهر وأسبوع وانتقلت الى مرحلة الأكل العادي يعني أقدر آكل طبيعي هنا بدا عندي هاجس السعرات الحراريه كيف اوزنها عجزت افهمها وعجزت ارتب وجباتي عليها
٢٣- قلت في نفسي حساب السعرات راح يتعبني نفسياً ولا راح افهم واعتمدت طريقتي السهله في توزيع الوجبه بحيث آخذ المفيد واترك الضار مع تقليل حجم الوجبه بما يتناسب مع اكتفائي الذاتي
٢٤- استخدمت نظام البديل كل طعام عالي السعرات استبدلته بقليل السعرات مثلاً الزيت اخذت زيت زيتون الملح بدلته بعصرة ليمون السكر اخذت محلا بديل السكر الخبز بدلته بالملعقه صرت مهتم بالاكل الصحي واتعرف عليه
٢٥- كنت احقق غايتي في الوصول للشبع والاستمتاع بالأكل في وجبه صغيره الشخص الطبيعي مو مستوعب كيف تكفيني واحب اقول ان التكميم ليس حرمان تقدر ترتب وجبتك بطريقه صحيه ولذيذه #فضفضة_المتكممين
٢٦- وضعي بفضل الله يختلف عن كثير من المتكممين بفضل الله ماتجيني الغصه اللي يقولون ولا الترجيع وممكن اقول الحمد لله بقول لكم بمشاكل بسيطه مريت فيها طول مدة تسع اشهر ...#فضفضة_المتكممين #رابطة__المتكممين
٢٧- كان جسمي ضعيف الشهر الاول بسبب نقص التغذيه احس إجهاد أمشي وانا منحني من التعب
ثانيا جتني غازات في البطن كانت تسبب ألم استمر ثلاث ايام ومع البابونج والينسون ارتحت
غيرها الحمد لله مافيه شي
ثانيا جتني غازات في البطن كانت تسبب ألم استمر ثلاث ايام ومع البابونج والينسون ارتحت
غيرها الحمد لله مافيه شي
ختاماً التكميم نعمه أنعمها الله علي تخلصت من وزن شخص كامل كان فوق ظهري وحسيت بالحياه من جديد كنت أعاني من السمنه وظلمت شبابي وصحتي اليوم سعيد بجسمي الجديد واقول لا تضيع شبابك في السمنه أطلق العنان لإنسانيتك
@r_ilib هقوتك يصلح على الشاهي والقهوه ؟
جاري تحميل الاقتراحات...