الرأسمالية التسويق علم النفس سلوك المستهلك
LaBanshy
LaBanshy

@LaBanshy

19 تغريدة 550 قراءة Sep 24, 2019
X
سنة 2000 باحثين في علم النفس والاجتماع عملوا تجربة ظريفة في ولاية كاليفورنيا في أمريكا. التجربة كانت ببساطة إنهم راحوا سوبر ماركت وجم عند الرفوف اللي فيها المربى وحطوا أنواع كتيرة وبعد كام ساعة كده شالوا الأنواع الكتيرة وسابوا 6 أنواع مربى بس. في نهاية اليوم اكتشفوا التالي..
سنة 2000 باحثين في علم النفس والاجتماع عملوا تجربة ظريفة في ولاية كاليفورنيا في أمريكا. التجربة كانت...
عدد الناس اللي اشتروا مربى في الفترة اللي كان فيها 6 أنواع أكتر من اللي اشتروا في الفترة اللي كان فيها حفنتلاف نوع.
التجربة اتسمت بتجربة المربى The Jam Experiment وبتستخدم في علم النفس والتسويق في الإشارة إلى ظاهرة مفادها إن كل ما زادت الاختيارات للمستهلك كل ما قلت رغبته الشرائية
سنة 2004 عالم النفس الأمريكي باري شوارتز Barry Schwartz ألف كتاب اسمه The Paradox of Choice أو مفارقة الاختيار وأتكلم فيه عن إن إزاي النظام الرأسمالي بيعمل على إغراق المستهلك أو الإنسان المعاصر الغلبان بالاختيارات المتعددة المتجددة علشان يضمن استمرارية الاستهلاك
ولكن النتيجة غالبًا بتكون عكس ذلك لأن المستهلك بيصيبه ما يُسمى بشلل الاختيار choice paralysis والسبب فيه إن المستهلك بيدرك العدد المهول من الاختيارات اللي قدامه وبالتالي بيحس بمسئولية اختيار المنتج الأفضل والأنسب فبيضيع وقت أطول في عملية المفاضلة اللي في الأغلب بيتوه في نصها
وبيفضل الخوف من الخطأ ملازمه طول الوقت وحاسس بالعجز لأنه مش قادر يجرب كل الأنواع التانية اللي هو مش هيختارها واللي ممكن تكون أنسب له.
الشلل ده بيفكرني بالمشهد اللي قولت لكم عليه قبل كده من فيلمThe Hurt Locker لما زوجة الجندي الأمريكي وليام اللي لسه راجع من العراق بعتته السوبر ماركت يشتري علبة سيريال لابنهم واتصدم من عدد الأنواع اللي المفروض يختار منها. والمشهد متصور من زاوية مخلية حجمه ضئيل قدام الأرفف العملاقة
الشلل ده بيفكرني بالمشهد اللي قولت لكم عليه قبل كده من فيلمThe Hurt Locker لما زوجة الجندي الأمريكي...
المهم في موضوع تعدد الاختيارات غير المنطقي ده إن بيبيع في طياته وهم الحرية والتمكن والتفرد – بما إن كل الاختيارات دي قدامي ومتاحة فأنا برنس كده – في حين إنه مابيخلقش غير التشتت والتحنيس للأسباب اللي أشار إليها شوارتز.
سارتر Sartre برضه أتكلم عن الموضوع ده قبل شوارتز بكتير بس من ناحية وجودية وقال كل ما الإنسان بيدرك مسئوليته في اختيار معنى ومسار لحياته من كل المعاني والمسارات المتاحة بيتولد جواه نوع من الدوار أو الذعر الوجودي.
أعتقد إن الإنترنت والسوشيال ميديا هم حاليًا أوضح مثال على موضوع مفارقة الاختيار ده. كل مواقع التواصل الإجتماعي والتسوق الإلكتروني وغيرهم بيبيعوا لنا وهم السيطرة والوصول. في ثانية ممكن أعرف رأي 86794 ألف بني آدم بخصوص حدث معين أو أتفرج على 985 جزمة..
مجرد إمكانية الوصول للعدد المهول ده من الآراء والاختيارات حاجة مثيرة جدًا بس بيجي معاها أزمة التشتت اللي جيلنا عايش فيها. هل يا ترى الجزمة اللي هتختارها بعد ما تتفرج على ال 985 كلهم هتبقى فعلاً هي الاختيار الأنسب
ولا هتفضل تفكر في ال984 التانيين اللي ماقدرتش تيجبهم علشان أنت فقير\متخلف\مابتعرفش تختار\بتخاف تجرب؟ وهل البنت\الولد اللي هتختار تكلمهم على الdating app دول هم أنسب حد ولا هتفضل تفكر في كل الناس التانية اللي قررت تعديهم واللي ممكن تكون شخصيتهم أو شكلهم أحلى؟
فبتلاقي نفسك لا عارف تستمتع بالحاجة اللي معاك ولا عارف توصل لكل الاختيارات الأخرى المتاحة، واللي هو fear of missing out في أبهى صوره.
مش كل الناس بتتأزم من موضوع تعدد الاختيارات ده وبيتعاملوا عادي بس أعتقد الأغلبية بيحسوا بالضآلة والعجز زي وليام قدام رفوف السيريال في السوبر ماركت
فيه ناس شككت في تجربة المربى ونظرية شوارتز وقالوا إن الموضوع نسبي ولا ينطبق بشكل مطلق على كل حاجة لإنه بيعتمد على السلعة\الخدمة والمستهلك والوقت والمكان وعوامل تانية كتير لو اتغيرت هتغير من القدرة الاستهلاكية.
حاجة كمان، لو النظرية دي صحيحة والموضوع بيقلل الربح ليه الشركات ومقدمي الخدمات مستمرين في إغراقنا في السلع؟ مش منطقي برضه.
ده حقيقي، ممكن يكون استهلاكنا بيزيد بس سعادتنا أو قدرتنا على الاستمتاع بالسلعة\الخدمة بتقل..
كل ما تحاول تتبع نظام غذائي تلاقي 600 ألف غيره وكل واحد له لجان ومؤيدين إنه أحسن نظام غذائي في الدنيا فماتبقاش عارف تكمل في اللي أنت بتعمله وأنت حاسس إن فيه أنظمة تانية أحسن ولا تضيع أضعاف الوقت والمجهود في تجربة الأنظمة التانية كلها؟
كل ما تحاول تتابع مسلسل جديد تلاقي 100 واحد غيره ظهروا وكل الناس بتتفرج عليهم فيا تسيب اللي بتتفرج عليه يا تقلبه بسرعة علشان تلحق تشوف اللي الناس بيتكلموا عليهم. كل ما تحاول تبدأ في شهادة ولا دبلوم ما تلاقي مليون غيره وكلهم بيوعدوك بمستقبل أحسن وفرص أفضل
فتفضل تلوم نفسك على اختيارك الحقير المنيّل.
في النهاية بنلاقي نفسنا بنجري علشان نلبي احتياجات مش عندنا أصلاً وبنستهلك أكتر من مقدورنا وعلى الرغم من كده - أو علشان كده - مش عارفين نستمتع بأي حاجة.
الرأسمالية قايمة على إقناعنا إن الحياة سباق وإن فيه اختيارات أحسن في كل مكان حوالينا. لو عرفنا نتخلص من الفكرتين دول ونعيش الحياة بالإيقاع بتاعنا ونؤمن إن الاختيارات كلها واحد ومفيش صح وغلط في المطلق وفي النهاية الاختيارات بتعتمد على طريقة رؤيتنا لها أعتقد هنبقى أسعد شوية.
وبرضه استغراقًا في تقطيع الشرايين بالطول...

التصنيفات

الرأسمالية التسويق علم النفس سلوك المستهلك

لم تظهر جميع التغريدات؟

بوت تيليجرام
فك الثريدات عبر تيليجرام! أرسل أي رابط تويتر/إكس للبوت.
@rattibha_bot

بلّغ عن تغريدات مسيئة

إقرأ ايضاً

✅اليوم جمعت لكم اهم المعلومات عن الدوالي في انفوجرافيك اتمنى ان يكون مفيد وتحت التغريده ملخص لاهم المعلومات الي يهم انك تعرفها عن الدوالي وتاثيرها...

د. عبدالله الفاخري
@DrAbdullah00

🚨 خبر عاجل: Claude صار يقدر يسوي لك قناة يوتيوب بالذكاء الاصطناعي من الألف للياء، زي وكالة إبداعية تجيب 10,000 دولار بالشهر. والأحلى؟ ببلاش. هذي 7 ب...

NextGenAI
@Tkw2_

🚨🚨 د. مايكل بروس يُعتبر من أشهر خبراء النوم في العالم. في آخر بودكاست له والذي تجاوز ملايين المشاهدات ، كشف عن أهم 6 حقائق صادمة عن النوم ، وأنواع ال...

مبارك ال مبارك
@Mbk8g

1/ خلال الأسابيع الماضية شاركت في لجان مقابلات لبرنامجين مهمين: الأول: برنامج منح لطلبة مقبولين في جامعة أكسفورد، وهذه رابع سنة أشارك فيها ضمن لجنة ا...

Rafat Al-Akhali رأفت الأكحلي
@ymnraf

🧵 | ثريد: كيف تطبيقات التواصل الاجتماعي "مجانية" وهي تربح المليارات؟ https://t.co/ZFEJsvNGvV

𝐹𝒶𝓇𝒶𝒽 𝒜𝓁-𝐻𝒶𝓇𝒷𝒾.
@t9t41

تقرير فحص المقطع المرئي المتداول (النتيجة: مزيف بنسبة 100%) بعد إخضاع هذا المقطع للتحليل الدقيق، تبين أنه مُوَلَّد بالكامل عبر نماذج الذكاء الاصطنا...

عمان التقنية
@OMAN_TECH1

الأكثر اعجابا

1/ الإجراءات المتطرفة التي رأيناها في الولايات المتحدة هذا الأسبوع. والتي نتج عنها خطاب رئيس الوزراء البريطاني سببها هو تقرير امبريال كولدج - لندن ......

Dr. Hussein Elzeiny
@biohussein

#ثريد 🔺أكثر من 60 عبارة #تسويقية ناجحة تتناسب مع طبيعة عملك ان كانت خدمة أو منتج ويعني هذا بيع #المنتجات والخدمات من خلال الكلمات التسويقية القوية🔥💰...

Ashwaq
@AshwaqAlmasoudi

( وَآخِرُ دَعْوَاهُمْ أَنِ الْحَمْدُ لِلَّهِ رَبِّ الْعَالَمِينَ ) اللهم لك الحمد حتى ترضى ولك الحمد إذا رضيت ولك الحمد بعد الرضى. أنهيت بالأمس مناقش...

SHAIMA Al-ZAHRANI👷🏻‍♀️🇸🇦
@s_shy1

ثريد جديد قضية (البيتزا جيت - Pizzagate) رجعت من جديد الى الساحة بصورة أخطر، وهي قضية تقول بإن فيه نخبة عالمية من سياسين معروفين ونجوم هوليود ومشاهير...

هانثل | HANTHL
@HanthlPro

كيف تستثمر 100 ألف ريال في السوق السعودي؟ نتحدث هنا عن الاستثمار سواء كان قصير الأجل ومدته (سنة إلى خمس سنوات ) أو طويل الأجل ومدته (10 سنوات أو أك...

رياض الحميدان
@RiadhAlhumaidan

بسم الله أبدأ شرح معلقة امرئ القيس قفا نبك من ذكرى حبيب ومنزل.. القصيدة الفاتنة المليئة بالصور الساحرة والألفاظ اللطيفة.. وأريد أن أنوّه على أني سأشرح...

ابن جلا
@IBNJALA8607