#ثريد_قصير
الشلال الثاني في #السودان يعتبر من اهم الاسباب الخلت السودان ما يخضع للغزو الخارجي خلال التاريخ وكان حاجز طبيعي لوعورة اجتيازو لغاية ما جات حملة محمد علي باشا 1820 م لغزو السودان وضمو تحت ((التاج العثماني)) ووقف امامهم الشلال كعقبة حصل شنو؟
#يتبع
#تعرف_على_السودان
الشلال الثاني في #السودان يعتبر من اهم الاسباب الخلت السودان ما يخضع للغزو الخارجي خلال التاريخ وكان حاجز طبيعي لوعورة اجتيازو لغاية ما جات حملة محمد علي باشا 1820 م لغزو السودان وضمو تحت ((التاج العثماني)) ووقف امامهم الشلال كعقبة حصل شنو؟
#يتبع
#تعرف_على_السودان
اولا نتعرف على الشلال نفسو ..هو موجود في منطقة وادي حلفا شمال السودان ويعتبر الشلال الثاني قديما من اعلى الشلالات في المنطقة وبيتكون من صخور بركانية ممتدة على عرض النيل بتشكل تدفقات مائية قوية جدا والمنطقة نفسها عالية شكلت زي القلعة الحصينة
لما جات حملة محمد علي باشا لضم السودان للحكم #التركي وقفوا امام الحاجز المائي الاقوى وواجهت البواخر بتاعتهم مشكلة في العبور فكان الحل انو يفجرو الصخور البركانية عشان يقدروا يعبروا وفعلا دا الحصل فجروا كمية من الصخور غيرت من شكل الشلال وعملوا ممر لعبور السفن وبرضو ما كانت سهلة
الشلال حسب وصف كتاب #هجرة_النوبيين كان من عجائب الطبيعة لجمالو والصورة فيها الوصف بدقة
حتى بعد تفجير الصخور وفتح ممر لما جات حملة انقاذ غردون وجدت صعوبات كبيرة في عبور الشلال بالسفن والبواخر بتاعهم وكانوا بتكبدوا خسائر كبيرة في السفن وقالوا انو دا كان السبب الخلاهم يتأخروا وما يصلوا في الوقت المناسب حتى انها كانت طلعت حلول كوميدية زي انهم يعبروا بتمساح النيل الضخم
حتى لما جات حملة كتشنر في اعادة غزو السودان واجهوا مشاق كبيرة وخسائر خلال سحب البواخر والمعدات ذكر المعاناة دي #تشرشل في كتابو #حرب_النهر ووصف المعاناة وانهم كانو بيسحبوا السفن بالالاف من الجنود بعد تغطيتها بالفولاذ والاخشاب وتفريغها من حمولتها
حسب وصف الشلال انا ما لقيت ليهو صور بس اتخيلت انو زمان يكون شكلو زي الشلال الفي الصورة دي وهي نفس تضاريس افريقيا والصورة ما من السودان بس انا اتخيلتو كدة مع اندفاع اقوى للموية
سبب الثريد دا انا انو بالصدفة قريت في ويكيبيديا انو الشلال دا مغمور الآن تحت بحيرة السد العالي معاهو اراضينا وتراثنا واثارنا وارضنا يعني الاستعمار ما خلى الجمال الطبيعي ولا اثار كمان قرار انشاء السد العالي على حسابنا وحساب حاجات كتيرة بندفع ثمنها نحن😢
#انتهى_الثريد
#انتهى_الثريد
جاري تحميل الاقتراحات...