عندي كلام على هالصبح خلني أسدحه هنا..
أحلى شي في الحياة إنك ما تكون مقيّد ، تقدر تمارس الأشياء اللي تحبها بالمكان اللي تحبه بدون ما تمنعك مهنتك أو مكانتك أو أي شي ثاني
نعمة عظيمة
نعمة عظيمة
الشخص لما يقتنع باللي يملكه مهما كان بسبط راح يعيش سعادة أكبر وأحلى من اللي مو مقتنع باللي يملكه رغم إنه ينام فوق الذهب
السعادة في الفلوس ما يختلف عليها اثنين، لكن مرات السعادة والله تكون في الأشياء والأمور البسيطة اللي ماتسمح له مكانته صاحب الأموال إنه يسويها
شي مستفز اللي جالسين نشوفه في مواقع التواصل اللي وصلنا فيه نجحد نعمة ربنا الكبيرة الموجودة لكن ظللتها حياة الترف من بعض المشاهير
كلامي متشعب واجد ، لكن مختصره لما نقتنع باللي عندنا بنعيش أحلى عيشة وبكل سعادة و رضا
في هالتصميم وضحت شلون المشهور يعرض حياته بالطريقة اللي هو يحبها ويبيها للناس لما يختار أفضل الفترات في يومه ويصورها
و لو نكون واقعيين مو بس المشهور يسوي هالشي ، كلنا نسويه وكلنا نحب نروي الناس أفضل شي في حياتنا ، لكن احنا نطالع في حياتهم و ننسى حياتنا
و في الأخير الحمدلله في كل الأحوال
اللهم لك الحمد حتى ترضى ، ولك الحمد إذا رضيت ، و لك الحمد بعد الرضا ❤️
اللهم لك الحمد حتى ترضى ، ولك الحمد إذا رضيت ، و لك الحمد بعد الرضا ❤️
جاري تحميل الاقتراحات...