رتبها

5 تغريدة 6,030 قراءة Oct 06, 2022

Twitter

يازين عقبك لقيت اللي يسليني
عقبك لقيت الحبيب اللي تمنيته !

- اللي وهبني بحبه مايكفيني
الصاحب اللي هواني يوم حبيته !

- من عادته لا فقدني يتصل فيني
يشفق لـ حبي ، وأنا بالفعل وديته

- ماهوب مثلك بـ تالي الوقت جافيني
اللي بنيناه طول العمر .. هديته !

- تمرني بالطريق ولا تحاكيني
تصد عن واحدن بالنار ، ذبيته

- جرحت قلبي كما جرح السكاكيني
ماخفت ربك على التعذيب .. حديته

- سميت حالي ، وأنا ربي معافيني
وأسهرت عيني وصافي الدمع هليته !

- عقب الموده ؟ أشوفك ماتراعيني
نسيت يالغدار .. ماكان سويته !

- نسيت يازين وقتن بينك ، وبيني
ياما من الود .. ذاك الوقت وافيته

- ياما سهرنا على شط المحبيني
أنقضي الليل وطاري البُعد ما أطريته !

- نسيت ذاك الدلع ، ياكامل الزيني
ياما .. و ياما زرار الثوب زريته !!!!

- البيت هذا ؟ إليا قلته يبكيني
يطري عليّ وقتن أنا وياك قضيته 💔

- الله حسيبك ، وأنا ربي يهنيني
مع واحدن جابه الله .. ماتحريته

- خلن عن اللي مثل شرواك مغنيني
حبل الموده معه .. يازين شديته !

- رح في غرورك مصير الوقت يرضيني
و الله يعين الذي عقبي .. توليته !

جاري تحميل الاقتراحات...