عزيزاتي السيدات الموظفات في المناصب القيادية ( supervisor & manager ) عندي ثريد لك زي اللووووز .انا وانتي متاكدين أنك سفيتي تراب الارض عشان توصلي للي وصلتيه سواء كان فريق العمل اللي تحتك 3 أو 20 أو مليون .. الموضوع ماكان سهل ونشكر قيادة هذا البلد العظيم في ذلك .. خذي العلم :
1- خلك من مديرك الكلب اللي مستكثر عليك منصبك و قاعد يحارشك و يحاول يطلعك بأسوء صورة فقط لانك ( حرمة ) و يحاول يقوض صلاحياتك في ادارة فريق العمل هذا بالذات خلك صاحيتله ولا يعطيك أي أوامر شفهيه كله يرصد ايميلات حتى لو اضطريتي انك تطبعي ايميلاته و تعلقيها في البورد حق المكتب
2- مديرك هذا راح يحاول يتلاطف معك مو عشان شي عشان عنده أجندة ( اثبات أنك عاهرة ) و اذا نجح فيها بتخسرين منصبك .. افتحي عينك تماماً لكل كلمة يقولها واذا مديره رجال زيه وهم الاثنين يكرهون بعض حاولي أن الكلب الاول يدري أن الكلب الثاني يكرهه وقاعد يحفرله (اضربي الظالمين بالظالمين )
3- لا يغرك السمعة اللي طلعت عن علاقات الرجال وانهم متعاونين ويحبون بعض .. دام الموضوع فيه مناصب و فلوس وربك اللي خلقك لو أتيح لهم الفرصة بيقتلون بعض بدون رحمة .. اتفرجي عليهم وانتهزي الفرص .. وعلى فكرة هم أكثر ناس يتكلمون في العمل بيفضحون نفسهم وبتدرين في أقل من اسبوع مين عدو مين
4- لا تختاري جبهة ولا توسخي نفسك بحربهم ..خلك مركزه في شغلك وقيدي كل شي رسمي وامشي على كتيب التعليمات بالملي .. راح يتمرون عليك ويقولون أن ماعندك مرونة و أنك تستقعدي لانك حرمة .. مايهمك .. أشتغلي بجودة النساء و حاولي تسرعي العمل زي الرجال
5- الاستف اللي تحتك لو كانوا ذكور راح تشوفي انواع التنمر منهم لو أتخذتي أجراءات رسمية اتجاة أهمالهم وبلادتهم .. لا تهتمي اتخذي الإجراء عادي لان هذا الكلب لو نزل عليه انذار فصل من مدير أجنبي بياكل تبن ويمشي سيدا ولا يجادل بس لانه مستحقرك راح يحاول بشتى الطرق يتلاعب في الدوام
6- لازم يطلعلك من وسط هذول الذكور واحد فيهم ( دبوس ) خليه هذا ممتاز جداً لازم يوصلك أول بأول وش قاعدين يسوون المبزرة من وراك في نفس الوقت أحذري الدبوس هذا هو دبوس للجميع .. ملاحظة ( مافي بنات دبابيس) فيه ممكن بتشات بس دبابيس نادراً ماتلاقين البنات يحبون التركيز على الاهداف
7- فرقي العيال اللي تحت ادارتك .اذا دوامهم شفتات وشفتي 2 مسويين اخويا مره .. ارمي كل واحد فيهم في شفت غير عن الثاني .. ليه !؟ لانهم بيبدعون كل واحد راح يشيل هم يتاخر عشان خويه لا يطول و اذا سويتي جداولهم كل واحد حيغطي غياب صاحبه ..مراح تتعبي في جداولهم
8- لاتفكري تسوي نفس الاسلوب هذا مع ( البنات ) لو بنتين صديقات خليهم في نفس الشفت واذا كلفتيهم بمهمه ارمي المهمه عليهم الاثنين مع بعض كل وحدة راح تشيل الثانيه بس لو فرقتيهم في الشفتات راح يتعبوك وترا لا تخافي هم يبان انهم يتكلمون كثير بس لا مايتكلمون لو عندهم شغل
9- الموظف الذكوري الكلب المتستر اللي تحتك راح تعرفيه راح يحاول يكسر الانظمة ويتكلم من وراك و يعهر زميلاته في العمل .. غالباً هذا النوع فاشل و غير مهني ،.كلامه كثير ويعترض على كل شي هذا استقعدي له قدر المستطاع سواء في حضور وانصراف او جودة عمل رجعيه مكانه الطبيعي
10 - خلك نشبة .. قسم مبيعات مارد عليك اقرفي امهم ايميلات . الاي تي ما سولك جهازك سوي صداع .. الموردين ماردوا اهلكيهم اتصالات .. التفاصيل مو واضحه من الاتش ار استفسري مليون مره .. لا تنكسفي من كونك حرمة زنانة و لحوحه .. وتحبي التفاصيل .. هذي انتي وهذا طبيعتك وطز في اللي مايعجبه
نسيت نقطة … شغلي ذكاءك العاطفي في ادارة فريق العمل .. الاجراء اللي يصلح مع ناس ممكن مايصلح مع غيرهم .. حاولي تعرفي خلفيات موظفينك المادية والاجتماعية وبناءاً عليها ابني قرارتك ..طوري الصغار منهم .. راح يزعلك فكرتك أنك كبرتي … بس كلنا نكبر ياست الكل .. لازم يوم جيل يحل محل جيل
اعتبري كل اللي تحتك عيالك .. الضعيف منهم قويه .. الصغير منهم كبريه .. الجاهل منهم علميه .. المحترمة والمحترم منهم بالغي في احترامه .. استخدمي ( التفويض ) في قراراتك .. لا تحشري نفسك في كل صغيرة وكبيرة بينهم .. قد يحدث بينهم مشاكل .. لا تحاولي تكبري الموضوع أذا الشغل ماشي
جاري تحميل الاقتراحات...