رتبها

« #ثريد_تكتيكي»
↓عن↓
[تحليل مباره اسبانيا و انجلترا]
الثريد يحتوي علي👇🏻
- طريقه اسبانيا بالكوره و بدونها
- طريقه انجلترا بالكوره و بدونها
- أسباب تحول أداء اسبانيا في الشوط الثاني
- أسباب استحواذ اسبانيا السلبي في معظم الشوط الأول
-و اشياء أكثر👇🏻

- في اول ربع ساعه تقريبا في المباره
- دي لا فونتي بالكوره كان (4-3-3)
بيعتمد علي
- رودري محور وحيد
- رويز و اولمو اثنين لعيبه تمنيات
-وعندهم تعليمات أنهم يبقوا في انصاف المساحات
-لما اسبانيا تعرف تنقل الكوره لثلث ملعب انجلترا
بس ده مكانش بيحصل
ليه؟👇🏻

- المشكله الي اتعملت لإسبانيا في أول ربع ساعه منعتهم أنهم ينقلوا الكوره لثلث ملعب انجلترا هي
- أن ساوثجيت في اخر ماتشاته بدون الكوره لعب (4-4-2) وفودين بيدخل كمهاجم ثاني
- بس في الماتش ده كان مدي تعليمات لـ فودين أنه يبقا لازق في رودري في كل مكان
- التكمله👇🏻

- لما فودين يبقا مع رودري في كل مكان
- و الطبيعي زي ما قولت أن دي لا فونتي بيلعب (4-3-3)
- معني كدا أن رودري محور ومش بيبقا راجع ورا
- و ده معناه أن لما رودري ميبقاش ورا هتلاقي فودين معاه في مكان رودري المعتاد(المحور)
- وهتتحول الخطه
من (4-4-2) الي (4-4-1-1)
التكمله👇🏻

- وزي ما باين في الصوره
- ساوثجيت بدون الكوره كان عامل حساب لكل واحد من لعيبه اسبانيا
- ومخلي مع كل لاعب في العمق لاعب مان ليه
- ماينو مع رويز و رايس مع اولمو و فودين زي ما قولت مع رودري في كل مكان
- وعلشان كدا كان فيه صعوبه لإسبانيا في نقل الكوره في أول ربع ساعه فقط
👇🏻

-دي لا فونتي العبقري حل المشكله الي حصلت ليه في أول ربع ساعه
-حلها بـ أنه خلي رويز ينزل كمدافع ثالث علشان يخلي فودين يحل رودري شويه ويبقا عامل لـ رويز حساب
-وخلي يامال و ويليامز يدخلوا في العمق
-و كوكوريلا وكارفاخال يمسكوا الخط ويبقوا كأنهم اجنحه
-بحيث أن الخطه تبقا (3-1-5-1)

- وده حصل لسببين
السبب الأول
- أنه لما يخلي ويليامز و يامال يدخلوا في قلب الملعب
- ده معناه أنهم بيعملوا زياده عدديه مع اولمو علي ماينو و رايس
- بحيث أنهم يبقوا ثلاثه علي اثنين
السبب الثاني👇🏻

السبب الثاني
-انه يمنع ساكا و بيلينجهام يضغطوا علي فابيان رويز و لي نورماند
-لان لو ساكا ضغط هيسيب واكر لوحده علي ويليامز و كوكوريلا
-و لو بيلي ضغط هيسيب شو لوحده علي ويليامز ويامال
-بالتالي كدا دي لا فونتي ضمن سيطره وسهوله في التدرج بالكوره لان ساكا و بيلينجهام هيخافو يضغطوا

- انجلترا كانت بتواجه مشكله كبيره جدا في الضغط العالي
- وهي أن كارفاخال دائما كان بيبقا فاضي
- لان دي لا فونتي بيستخدم سيمونز كمدافع ثالث
- بالتالي ساوثجيت هيخلي لاعب اضافي يدخل كمهاجم ثاني بجانب كين علشان يقدر يضغط علي نورماند
- و اللاعب ده هوا بيلينجهام
التكمله👇🏻

- لان زي ما قولتلك بيلينجهام الي كان المفروض يبقا بيراقب كارفاخال بيدخل كمهاجم ثاني
- بالتالي اقرب لاعب يقدر يضغط علي كارفاخال هو لوك شو وده بعيد جدا
- و طالما لوك شو بعيد يبقا كارفاخال معاه وقت يلعب براحته و كمان هيبقا سحب معاه شو من الدفاع و دي ازمه اضافيه لانجلترا

-و ده شرح علي البورد علشان تبقا الصوره كامله وصلت وبقت اسهل
-زي ما باين سيمونز مدافع ثالث
-بالتالي بيلينجهام بيسيب مكانه ويروح علشان يساعد كين
-بالتالي كارفاخال لوحده واقرب لاعب ليه هو لوك شو
-وزي ما باين في الصوره الثانيه شو لو ضغط هيتسحب بلا داعي لانه مش هيقدر يسترجع الكوره

- بس بعد ما ثاوسجيت لاقي أنه لما يخلي بيلينجهام يساعد كين في الضغط واتسببت في ازمه كبيره ليه
- خلي بيلينجهام ميضغطش علي دفاع اسبانيا و دائما يرجع و يراقب كارفاخال
- و علشان كدا شوفنا اسبانيا مستحوذه علي الكوره في الشوط الأول كثير بس استحواذ سلبي
كل ده في الشوط الأول فقط

- انما في الشوط الثاني وبعد اصابه رودري
- دي لا فونتي نزل زوباميندي
- وفي عمليه الخروج بالكوره من تحت ضغط انجلترا
- كان بيخلي رويز ينزل بجانبه علشان يساعده
- و الهدف الرئيسي أنهم يسحبوا انجلترا أكثر للضغط
- ويخلي رايس يضغط ويسيب وراه اولمو فاضي بدون رقابه
👇🏻

ودي صوره من جوا الماتش للاثبات و كمان علشان الفكره توضح
- هنا رويز نازل بجانب زوباميندي
-علشان الاثنين يجبروا رايس و ماينو يصغطوا عليهم
-بالتالي اولمو يبقا فاضي ويقدر يتلعب ليه الكور الطويله أو يسحب معاه ستونز ويفضي وراه مساحه
-ودي عملت ازمه لـ ثاوسجيت بس هو لحد ما حاول يحلها

- ثاوسجيت حاول يحل المشكله بأنه بدل ما كان بيخلي رايس يضغط علي زوباميندي
- خلي فودين هوا الي يمسك زوباميندي و رايس يرجع مع اولمو
- و كين يقفل مسارات التمرير علي لابورتا
- بحيث انهم يعملوا فخ لـ نورماند
- ويبقوا قدروا يقفلوا علي زوباميندي و رويز
التكمله👇🏻

- وفي نفس الوقت لما يعملوا الفخ لـ نورماند
- يقدروا برضوا يضغطوا عالي
- بس لان دي لا فونتي حرفيا مدرب صاحي و واعي
- خلي الاثنين المدافعين الي بجانب لابورتا و نورماند يبعدوا اوي عن الحارس
-علشان لما فودين يضغط تبقا المسافه بعيده بينه وبين نورماند الي معمول عليه الفخ
التكمله👇🏻

-بالتالي لما المسافه تبقا بعيده بين نورماند و فودين
-معني ده أن نورماند اول ما يستلم الكوره هيبقا معاه وقت يلعب الكوره صح
-وكدا يكون فودين الفخ بتاعه فشل
-وكمان فودين لما يضغط هيتسحب ومش هيقدر يسترجع الكوره
-بالتالي زوباميندي هيبقا فاضي بدون رقابه لان فودين هيضغط بدون فائده

- ساوثجيت في مرحله الخروج بالكوره من تحت ضغط اسبانيا
- ساوثجيت بيعتمد علي بيكفورد كمدافع ثالث
- و رايس بينزل علشان يسهل عمليه الخروج بالكوره
- وزي ما باين ضغط اسبانيا ممتاز جدا و مان تو مان
- بس دي لا فونتي دائما بيبحث علي الاكتساح مش التفوق فقط
عمل ايه؟👇🏻

-دي لا فونتي خلي ويليامز و يامال يدخلوا في العمق
-علشان بدل ما تبقا 3v3
-تبقا 5v3
الخماسي رودري و رويز و اولمو و يامال و ويليامز علي الثلاثي ماينو و فودين و رايس
-وكمان لما الكوره توصل لباك من الاثنين يقروا لعيبه اسبانيا يكثفوا اللعب في الناحيه دي ويسترجعوا الكوره بسهوله

- دي لا فونتي بدون حيازه الكوره طوال المباره
- لعب (4-4-2)
بيعتمد علي
- رويز ينزل كـ محور ثاني بجانب رودري
- و داني اولمو يدخل كمهاجم ثاني بجانب موراتا
- و نفس الرسم التكتيكي ده موجود طوال المباره باختلاف الأسماء
- يعني كل لعيب بيطلع بينزل مكانه لعيب يقوم بنفس الدور

- من أفكار دي لا فونتي في الماتش ده
أنه بيعمل (overload to isolate)
- يعني بيجمع اللعب في ناحيه
- علشان يفضي الجناح الي في الناحيه الثانيه ويعزله
- و دي لا فونتي كان بيجمع اللعب في ناحيه يامال
- علشان يعزل ويليامز و يحطه في مواقف واحد علي واحد كتير صد واكر

- ودي صوره من داخل المباره لنفس الجزئيه
- دي لا فونتي مجمع اللعب في الناحيه اليمين
- و نيكو ويليامز في الناحيه الثانيه و معزول تماما

انتهي الثريد🤍
وشكرا لكل الي وصل لحد هنا

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد