رتبها

«#ثريد تكتيكي»
↓عن↓
[تحليل مباره ايطاليا و سويسرا]
الثريد عن⬇️
-طريقه ايطاليا بالكوره وبدون الكوره⚽
-طريقه سويسرا بالكوره و بدون الكوره🔥
-اسباب الفراغات الي ظهرت جدا في وسط ملعب ايطاليا🇮🇹
-تاثير غياب كالافيوري و دي ماركو🇮🇹
-واشياء أكثر⭐
⬇️

🔹 ايطاليا بدون حيازه الكوره كل مباره بشكل موضوع غريب كدا بصراحه👇🏻
🔹يعني الماتش الي قبل سويسرا بدون الكوره لعبوا👈🏻5-3-2
🔹ضد سويسرا لعبوا👈🏻4-1-4-1
المهم.
🔹الخطه دي عملت اكبر مشكله لايطاليا في المباره
س/ايه هي المشكله؟
ج/⬇️

🔹المشكله ان ثلاثي دفاع سويسرا مش مضغوطين👇🏻
🔹و ثنائي محاور سويسرا عليهم سكامكا بس ومش بيضغط عليهم
🔹بالتالي هينقلوا الكوره براحتهم و بسهوله
🔹و ده اكيد سباليتي مش عايزه يحصل
🔹بالتالي خلي باريلا و كريستانتي يضغطوا علي المحاور مع سكامكا علشان ميبقوش مرتاحين في نقل الكوره

🔹بس كدا سباليتي بوظها أكثر 👇🏻
🔹لانه حل مشكله و الحل الي عمله اتسبب ليه في مشكله اكبر بكثير جدا
🔹وهي أن باريلا و كريستانتي لما بيضغطوا بيسيبوا وراهم فاجيولي لوحده علي فابيان ريدر و فيرجاس
🔹و دائما عاملين عليه زياده عدديه

🔹سويسرا في مرحله الخروج بالكوره من تحت ضغط ايطاليا في الشوط الأول👇🏻
🔹مراد يكن كان مذاكر طريقه ضغط ايطاليا
🔹وعارف انهم بيضغطوا مان تو مان
🔹و الاجنحه بيبقوا متقدمين علشان يبقوا جاهزين في الضغط علي الباكات
🔹و بيسيبوا دائما المحور ورا يأمن الوسط نفس دور جورجينو لما كان بيلعب

🔹علشان كدا مراد يكن اختار أن كلمه السر الي هتساعد سويسرا في الخروج بالكوره وكسر خط ضغط ايطاليا يكون ابيشير الوينج باك الشمال👇🏻
🔹لان زي ما قولتلك وينجات ايطاليا هتتقدم علي الباكات
🔹يعني كييزا هيتقدم علي رودريجيز المدافع الشمال الي بيبقا كأنه باك شمال

🔹بالتالي لما كييزا يتقدم علي رودريجيز هيبقا ورا مساحه ومش هيبقا واعي باللعيبه الي بتتحرك في ظهره👇🏻
🔹لأن هوا فاكر أن فاجيولي بيأمن ظهره
🔹بس الحقيقه ان فاجيولي بيأمن ورا علشان محدش ينزل يستلم
🔹ومحدش كان يتوقع أن الي يدخل في العمق هوا الوينج باك الشمال ابيشير

🔹ولما كان بيدخل في العمق ويتحرك في ظهر خط ضغط ايطاليا دا كان بيحصل لسببين هم👇🏻
🔹السبب الأول👇🏻
🔹إنه يبقا مفتاح في الخروج بالكوره لأنه هيعرف يعمل الدور ده
وكمان المسافه بينه وبين فاجيولي كبيره و هيبقا معاه وقت يتصرف

🔹السبب الثاني👇🏻
🔹إن زي ما قولتلك المسافه بينه وبين فاجيولي كبيره و فاجيولي لازم يضغط عليه
🔹بالتالي لما فاجيولي يضغط عليه هيسيب وراه مساحه كبيره يستغلها ريدر و لـ دان ندوي
🔹يعني كدا فاجيولي هيبقا صعب يقطع الكوره لانه بعيد
🔹وكمان هيتضر يضغط ويسيب وراه مساحه كبيره

🔹في لقطه الهدف الاول لـ سويسرا👇🏻
🔹ابيشير عمل الي قولتلك بس في مرحله مختلفه
🔹أنه دخل في العمق
🔹بس في المره دي نلاحظ أنه داخل في العمق جدا جدا وده مش علشان يبقا في سلاسه في نقل الكوره
🔹ده الهدف الرئيسي منه أنه يخطف رقابه فاجيولي ويسحبه لاقصي نقطه علشان يفضي وراه مساحه

🔹وبعد ما ابيشير سحب فاجيولي في العمق وفضي وراه مساحه
🔹نلاحظ أن امبولو كان في التسلل ولاحظ أن في مساحه اتخلقت نتيجه لـ سحب ابيشير
لـ فاجيولي
🔹قرر بسرعه ينزل يستلم فيها و لعبها بالرأس وتسببت في ازمه ولغبطه في ايطاليا
🔹اتسببت في دخول فرولير لمنطقه الجزاء فاضي و سجلها هدف

🔹سويسرا في الشوط الأول بدون حيازه الكوره👇🏻
🔹لعبوا👈🏻5-3-2
🔹الوينج باك الشمال ابيشير بيرجع كأنه باك شمال صريح
🔹و الوينج باك اليمين ندوي بيرجع كأنه باك يمين
🔹فيرجاس بينزل كأنه لاعب وسط ثالث بجانب تشاكا و فرولير
🔹ريدر بيدخل كمهاجم ثاني بجانب امبولو

🔹السبب الرئيسي في دخول ريدر كـ مهاجم ثاني بجانب امبولو👇🏻
🔹أنه يحفز ويساعد امبولو في الضغط
🔹لأن امبولو لو مهاجم وحيد هيكسل في الضغط لانه هيبقا مطلوب منه يضغط في كذا مكان ويغطي مساحات شاسعة وهوا مش هيعمل كدا ولا هو ولا اي مهاجم يبقا لوحده وفريقه بيدافع

🔹وده حصل بالظبط في الشوط الثاني👇🏻
🔹لأن في الشوط الثاني و بعد تسجيل سويسرا للهدف الثاني
🔹قرر مراد يكن يدافع بخطه👈🏻5-4-1
🔹بهدف أنه يمنع إيطاليا أنهم يعملوا هجمات خطر وكان عايز يمنعهم من كدا
🔹أكثر ما يمنعهم من نقل الكوره بسهوله
🔹وباين جدا في الصور أن امبولو كأنه مطرود

🔹بس هدف مراد يكن أنه يمنع ايطاليا من الوصول للاماكن الخطيره ده محصلش👇🏻
🔹علشان كدا مراد يكن خرج امبولو ونزل دواه
🔹علشان يبقا نازل فريش وعنده طاقه يقدر يضغط ويبقا مراقب لعيبه ايطاليا ويكسلش في الضغط خالص
🔹وكان ساعات بيدخل بجانبه لاعب من رباعي وسط سويسرا علشان يساعده

🔹سويسرا استغلت غياب كالافيوري و دي ماركو الي هم الاثنين الي ممكن يدايقوا اي فريق هيضغط ضغط عالي مان تو مان👇🏻
🔹لأنهم يقدروا بـ اي حل فردي يكسروا خط الضغط ده
🔹علشان كدا ضغطت سويسرا ضغط عالي شرس مان تو مان

🔹و اي فريق في الدنيا لما بيتضغط عليه ضغط عالي مان تو مان بيبقا معاه حلين👇🏻
🔹الحل الاول👇🏻
🔹أنه يلعب كور طويله يكسر بيها خط ضغط الفريق الي بيضغط عليه
🔹الحل الثاني👇🏻
🔹إنه يوجه اللعب عند باك من الباكين يكون بيعرف يلعب بالكوره تحت ضغط و ايطاليا كانت بتوجه اللعب عند دي لورينزو

🔹ودي لورينزو مش لعيب قادر يحافظ علي الكوره تحت ضغط👇🏻
🔹علشان كدا كان المفروض أن ايطاليا تعتمد علي الكور الطويله
🔹لان زي ما قولتلك فوق أن غياب كالافيوري و دي ماركو عمل ازمه لإيطاليا و اجبرهم يلعبوا الكوره ناحيه دي لورينزو وكان بيفقد الكوره كثير

انتهي الثريد🤍

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد