مساء الخير ..
في واحد أعرفه مراته ماتت وسابتله ٣ صبيان ، أكبرهم وليد في ٣ ابتدائي ، بعد موتها بفتره سمعنا انه داخل على مشروع جواز وفعلا اتجوز واحدة مطلقة متجوزة مرتين قبل كده واتطلقت لان كل دكتور راحتله أكد إنها مستحيل تخلف ،
في واحد أعرفه مراته ماتت وسابتله ٣ صبيان ، أكبرهم وليد في ٣ ابتدائي ، بعد موتها بفتره سمعنا انه داخل على مشروع جواز وفعلا اتجوز واحدة مطلقة متجوزة مرتين قبل كده واتطلقت لان كل دكتور راحتله أكد إنها مستحيل تخلف ،
قال دي أنسب واحدة عشان عيالي ، وخصوصًا انه بيسافر مش برا مصر بس بعيد عنهم وبيجي أجازة كل ٢٠ يوم وهي صغيرة في السن أوي وجميلة أوي وشيك جدا والناس كلها قالت واحدة زي دي وبالجمال والشياكة دي ازاي هتربي ٣ اطفال !
مع مرور الوقت الاولاد حالهم بيتغير ١٨٠ درجة للأحسن ، بقوا نضاف جدًا واسلوبهم في الكلام حلو اوي اوي عمرنا ما سمعناها بتزعق لحد فيهم أو بتشخط في حد ! اشتركت لهم في نادي والولد الكبير بتخليه يتعلم لعب الكاراتيه وجابتله مدرسين خصوصي في البيت وال ٢ الصغيرين ودتهم حضانه !
بقينا نكتشف ان كريم مش بينزل غير وقميصه مكوي ؛ يعني الحلو كله بتعمله معاهم ، جيت مره تعبت اوي وعشان جوزها في شغله كلمت اخوها وراحو لدكتور قالها انتي حامل .. نعم !! .. حامل ازاي ..!؟
قالها بقولك حامل مصدقتش راحت لدكتور واتنين وتلاته ، قالو نفس الكلام وبعد شهر واتنين من الحمل الدكتور قالها انتي حامل في توأم ، طارت من الفرحه ، وقضت فترة حملها وطبعا كانت حامل في بنت وولد !
قبل ولادتها بشوية ابن جوزها الكبير قالها يا ماما عايز اطلب منك طلب وخايف .. قالتله متخافش يا حبيبي اطلب .. قالها اختي اللي جايه نفسي اسميها علي اسم ماما ، بدون تفكير او تردد قالتله من عينيا يا وليد !
وجيه ميعاد الولادة ، ف جوزها قالها هودي العيال عند عمتهم لحد ما تولدي وتقعدي عند اهلك وتيجي ، رفضت بشده وقالتله عيالي ال ٣ هييجو معايا بيت أهلي !
وفعلا اخدتهم معاها قعدت اسبوعين ولما جيت وهي نازلة من العربيه اكتشفنا انها جايبة أغلى شنط للأولاد للمدرسة والحضانة و أغلى جزم وكوتشيات واكياس مليانة كراريس وكشاكيل وأقلام وأنضف وأغلى لبس ، وفعلا سمت البنت على اسم أم الأولاد !
ف يوم بقي سمعوا صريخ وعياط طلعوا يشوفوا في ايه ، لقوا كريم عمه بيضربه وده عشان مش بيسمع كلام مرات عمه ، ودي مش اول مره يضرب الواد ويبهدله ، لقينا مرات أبوه نازله تجري وشدت الواد من دراع عمه وقالتله لولا انك عمه وراجل كبير أنا كنت مسحت بيك الأرض ولو مديت ايدك عليه تاني هقطعهالك
قالها ده مش ابنك قالتله ده ابني غصب عنك وغصب عن الدنيا كلها أنا عندي ٥ عيال ، تلاتة بالله العظيم اللي هيقرب من حد فيهم هاكله بسناني وعلى الله ترمش لحد منهم بطرف عينك ، انا اللي هقفلك ومش هعمل حساب لحد وعلى فكرة انا اللي قايله لوليد ميسمعش كلام اي حد أنا ابني مش خدام عند حد !
ومسكت وليد قالتله بشخطة متعيطش وبقولك قدام الكل متسمعش كلام حد مهما كان انت فاهم ولو اتكررت تاني وحد مد ايده عليك أنا مش هرحمه ، وبعد الواد ما كان ميت من العياط مسكتش غير لما اخدته في حضنها ومطلعتش الشقه غير لما راحت بيه علي السوبر ماركت جابتله كيس مليان حاجات حلوه !
جاري تحميل الاقتراحات...