دايما لما ننشر عن أي شيئ يخص مصر وحضارتها بيجي ملاقيف الصحراء شايلين حقدهم الدفين والقديم ناحية اي شيئ متحضر وتنهال تعليقات السب والشتم ناهيك عن كلمة عربناكم وكأننا كنا خرس !
في الثريد ده هنعرف في نهايته اننا احنا كمصريين اللي عربناهم مش العكس !
في البداية هنتاول الموضوع من ناحية دينية تاريخية حسب المرويات الاسلامية وبعد كده هنتناول الموضوع من ناحية علمية
معروف طبعا انه دينيا نسل النبي يعود إلى اسماعيل ابن ابراهيم وإبراهيم هو عراقي بالمسمى الحديث وقام بالزواج من السيدة هاجر المصرية اللي أنجبت اسماعيل وبعدين انتقلت بيه لصحراء الجزيرة العربية وكلنا عارفين القصة المشهورة ودعاء ابراهيم ليهم رب إني اسكنت من ذريتي في وادي غير ذي زرع الى نهاية الاية فاجعل افئدة من الناس تهوي إليهم وبعدين جم وفود وقبائل من عرب جرهم وعلمو اسماعيل لأول مرة التحدث بالعربية يعني الفضل في وجود العرب المستعربة في الجزيرة العربية يعود إلى اب عراقي وام مصرية ومعلم يمني ما اعرفش فين إنجازهم في التعريب لحد دلوقتي !
طبعا الرواية دي مش عليها اي دليل تاريخي ولا علمي وبعد كده نسل اسماعيل ظهر منه قريش اللي ظهر منها النبي حسب الرواية الدينية وبعدين العرب دخلو مصر وهنا هنبدأ نتكلم تاريخ حقيقي مدون الحقيقة انه العرب دخلو مصر من أجل الجباية والجزية تماما وده نقل بألفاظ صريحة واضحة انه عمرو ابن العاص اقنع عمر ابن الخطاب بفتح مصر لانها كثيرة الأموال والحقيقة انه مصر فعلا انقذتهم من مجاعة قاتلة في عام الرمادة طيب في التاريخ الإسلامي المدون لم يرد من قريب ولا بعيد اي رواية تتحدث انه العرب اوفدو اي شخص يعلم المصريين اللغة العربية وحتى في التاريخ القبطي لم ترد اي معلومة بحاجة زي كده فمعرفش فين عربونا وامتى عربونا !
الحقيقة انه مصر فضلت تتكلم لغتها لحد اكتر من ٦٠٠ سنة بعد الغزو العربي وحتى مع بدأ تعريب الدوواين في عهد عبد الملك ابن مروان استمر المصريين في تحدث لغتهم حتى القرن ١١ ميلادي فترة خلافة الحاكم بأمر الله الحاكم الفاطمي وقام بفرض اللغة العربية بالقوة في الشوارع والمنازل وحسب المؤرخين في الوقت ده انه كان بيبعت العسس اللي هم الشرطة يتجسسو على البيوت واللي كان بيتكلم قبطي كان بيتم القبض عليه وبعض الناس تم قطع السنتها بمبدأ اضرب المربوط يخاف السايب كنوع من الترهيب وفي الفترة دي اضطر الناس لتدوال لغة عربية ركيكة مخلوطة بنطق والفاظ وأساليب اللغة المصرية والحقيقة انه الحاكم بامر الله اصلا كان مصري المولد والنشأة والنسب والعباسيين اصدرو مرسوم نفو فيه نسبه لعلي ابن أبي طالب تماما هو وجماعته من الإسماعيلية وده اهم سبب من اسباب الحرب بين الإسماعيلية والعباسيين والغريب في الأمر انه المؤروخين بيقولو انه الحاكم بامر الله نفسه مكانش بيجيد اللغة العربية لانه كان معظم وقته بيقضيه مع أمه الرومية !
الحقيقة والحق انه العرب الأوائل اللي دخلو مصر مفرضوش اللغة العربية ولا حتى الامويين ولا العباسيين ولا حتى الدين لانه كان غرضهم من مصر مادي بحت ولم يهتمو بتلك الأمور بل انهم كانو احرص على بقاء الناس على لغتهم وديانتهم من أجل الجزية الوحيدة اللي شذ عن القاعدة دي عمر ابن عبدالعزيز اللي زهق من موضوع الجباية وقال انه سيدنا محمد بعث هاديا وليس جابيا وبعدها مباشرة اغتالوه !
هنا اثبتنا تاريخيا انه العرب معربوش مصر تماما والموضوع لم يكن فضل بل كان فرض من حاكم مريض ودموي وحتى بعدها ظل المصريين يتحدثون لغتهم في القرى والارياف وفيه قرى ما زالت تتحدثها لليوم لحد ما بدأ كتير من المصريين يدخلو الإسلام هربا من الجزية اللي فرضها الفاطميين ومن بعدهم الايوبيين وحتى اللغة برضو الايوبيين كملو فرضها وكانو بيطاردو الناس في القرى والبيوت لحد ما بدأت اللغة المصرية الحالية في التبلور والظهور والحقيقة انها مش لغة عربية خالصة بل هي خليط من القبطية والعربية ولكن يغلب عليها القبطي في النطق ومخارج الحروف والمفردات وظلت اللغة المصرية تستخدم من قبل المسيحيين في الكنائس حتى اليوم وحديثا طبعا مع ثورة التكنولوجيا تم اضافة مفردات لغوية بتعبر عن الحياة الحديثة ونمط العولمة !
وبرع المصريين في اللغة العربية ودراستها وتميزو فيها حتى انه دول الجزيرة العربية نفسها لحد اليوم بتقوم بتوظيف مدرسين مصريين لتعليم اللغة العربية تخيل ويقولك عربناكم 😂😂

[٢] نيجي بقا للمهم وهو الناحية العلمية اللغات اللي نشأت في مناطق سيطرة الامبراطورية المصرية هي لغات ابنه للغة المصرية حسب علماء اللغة والانثروبولجي فالنظام الابوي للغات على راسه اللغة المصرية القديمة بخطوطها وتفرعت من اللغة المصرية القديمة اللغة السيناوية القديمة او ال proto Sinai ومنها توالدت وتكونت اللغة الفينيقية ومنها الارامية ومن الارامية نشأت النبطية وهي أول لغة قريبة للعربية الحديثة وأقدم نص مكتوب باللغة دي يرجع إلى القرن الثالث قبل الميلاد ومكتوبة بالخط النبطي واللي منه تطورت الحروف العربية العالية يعني لو رديت المسألة لاصلها فاحنا الأصل واللغة لغتنا والمنطقة منطقتنا ده بالعلم مش بالكلام وهحطلكم المراجع اللي استندت عليها فالحقيقة والفضل يعود لمصر في ظهور اللغة العربية وكل لغات الشرق الأوسط اللي سبقتها طبعا بالاشتراك مع اللغات العراقية القديمة
بعد الثريد طبعا اي حد يتكلم عن عربناكم وعربونا اعتبره هبد بل هو مدين لمصر واليمن والعراق في وجوده وتعريبه اصلا وعلميا المصريين هم اللي عربو العرب أنفسهم حتى اللغة العربية الفصحى اللي محدش بيتكلم بيها اصلا الجيل الحديث من الجزيرة العربية كله بيدين لمصر والسودان وغيرها من الدول في تعلمها !
المصادر :-
■ Himelfarb, Elizabeth J. "First Alphabet Found in Egypt",
■ Everson, Michael (2010-12-09). "N3969: Proposal for encoding the Nabataean script in the SMP of the UCS" (PDF). Working Group
Document, ISO/IEC JTC1/SC2/WG2.
■ Healey, John F. (2011). "On Stone and Papyrus: reflections on Nabataean epigraphy". Palestine Exploration Quarterly
■Larison, Kristine Border Crossings in Jewish, Christian and Islamic Texts and Images. Judaism, Christianity, and Islam –
Tension, Transmission, Transformation.
المصادر العربية
كتاب الخطط الاثار لتقي الدين المقريزي
 كتاب "النجوم الزاهرة فى ملوك مصر والقاهرة" للمؤلف ابن تغري بردي
كتاب فتوح مصر واخبارها لابن عبدالحكم
كتاب بدائع الزهور لمحمد ابن اياس