بما اني سهران ومو قادر انام
عشان لا يفوتني السحور وصلاة الفجر
وجالس اتأمل في ذكر المال في القران الكريم
قلت من باب الشكر والحمد لله الرازق الكريم
اني اكتب عن تجربتي في الاستثمار
بعد مرور اكثر من عام
من أول ريال وضعته للاستثمار وملتزم بخطة للوصول إلى هدف واضح ..
^
تمهيد ؛
اخوكم من عائلة اقل من متوسط في الحالة المادية لا يوجد احد من حولي يتكلم في الاستثمار حتى عمر ٢٥ سنة .
قبل عشر سنوات
بعد الزواج والبحث عن حلول لتحسين الوضع المادي
التهمت عديد من الكتب عن المال والاستثمار
والمقالات والفيديوهات والبرامج والاستفسارات والاستشارات المالية والغير مالية والنتيجة = صفر ريال في الاستثمار 🔻
والسبب 👇🏻
الالتزامات المالية اعلى بكثير من ادخار ريال واحد ( سداد حقوق الناس اولا )
^
إلى أن التقيت المستثمر مصعب فؤاد
في لقاء مطول عن الموضوع و وضعي في الماضي والحالي والمستقبل
قبل ٢٠ شهر بالضبط من الان
كان اللقاء وكان قرار وهدف والتزام وبدء مسيرة الاستثمار ..

الموضوع بكل بساطة واختصار
كل اللي تحتاجه في حياتك
عشان تكون بوضع مالي مرضي لك
( امتلاك مجموعة من الأصول مثل الأسهم والعقار واي شي آخر ينمو او يعطي عوائد بمعنى آخر اللي يعطيك الراتب السنوي / الشهري و يغنيك عن العمل بغرض المال إلى ان تموت على خير باذن الله )
سطرين ولكنها اخذت مني عشر سنوات عشان استوعب وابدأ في التنفيذ ✌️

طيب يا سمير فهمنا واستوعبنا السطرين من ثانيتين وش سويت عشان تبدأ ؟
اول شي
إطفاء كل الديون والالتزامات المالية
ممكن ياخذ الموضوع سنواااات مثل ما حصل معي .
^
^
^
^
^
ثاني شي البدء من التطبيقات السهلة البسيطة في وضع مبالغ مالية بسيطة بشكل مستمر حسب قدرة الشخص
عن نفسي بديت أولاً ب بركة @getbaraka
وشراء منتظم في صندوق SPUS فقط
والنتيجة إلى الآن نمو ٢١٪

ثم بعد مدة كثر الكلام عن تمرة @TamraCapital والسيد صلاح خاشقجي صار يطلع كثير في التايم لايم وكلامه مقنع وسهل الفهم .
وبديت احط فيه ايضا والنتيجة إلى الان +١٠٪
طبعا الهدف ايداع شهري او شبه شهري إلى ٥ سنوات باذن الله ..

وصرت مهتم بالموضوع واتابع اشخاص رائعين ينشرو محتوى جميل عن الاستثمار
ما ودي امنشن احد في هذا الثريد
عشان لا اسبب له ازعاج 🙏🏼
^
وصرت انتبه لا يصير كله أسهم حط شوي بالعقار او ما يدعم النمو العقاري اللي صاير في البلد
ولقيت افضل شي أصيل @investaseel
واي فرصة احط فيها مبلغ ايضا
والهدف ٥ سنوات قدام 🫰

@investaseel بعدين قلت يا ولد لا يفوتك السوق السعودي مؤمن تماما بأن السنوات القادمة نمو خرافي
وما لقيت افضل من صندوق الاهلي المرن
والى الان النتيجة نمو +٢١٪
^
صحيح الموقع والتطبيق عقيم في تجربة العميل
ولكن النمو يستاهل التعب !

ومدري مين اللي كتب بالضبط واقنعني
احط شوي في الصكوك مع اني مو فاهم شي ابد للحين بس يلا نحط الفين ما يضر ✌️
مع @getDinar

وآخر شي الجنون مع البتكوين
حاولت استخدم منصة رين وما ضبطت معاي
فرحت مع رصيد @RaseedInvest
^
يقول الشيخ عبدالله المشاط
( تقدر تشوف حسابه وتفهم اكثر عن الموضوع )
اشتري بانتظام لمدة ١٠ سنوات ولا تشكل النسبة اكثر من ٥٪ بمحفظتك الاستثمارية .

وبس هذه تجربتي والنتائج بعد البدء ب٢٠ شهر
نمو المال بنسبة ٢٠٪ تقريبا
^
هل ممكن تحقق اكثر يا سمير ؟
نعم
ولكن الهدف حاليا
بناء عادة شهرية بالإيداع
في عدة منصات
والحكم عليهم بعد ٣ سنوات
ثم التركيز في مكان واحد او اثنين بالكثير ..
——
الثريد مجرد عرض تجربة وليست دعوة او توصية لاي تطبيق او منصة .
والمقصد لعل وعسى احد يبدأ في الموضوع
بشكل جدي
خاصة رمضان فرصة للتأمل في كثير من جوانب الحياة ( والمال عصب الحياة )
رزقنا الله واياكم الحلال الطيب 🫡🤍