سلمنّي قلبك لدقائق ، عندي كلام من قلبّي أتمناه يوصل لأعماق قلبك ..
والله وبالله وتالله كلامي اللي بكتبه من قلب حاس وفاهم ومستشعر لكل كلمه بيقولها لذلك ركّز معي خصوصاً أصحاب الإبتلاءات الطويله..
لكل قلب منهك،وكل روح متعبه تدعي من وقت طويل ولسنوات طويله ولايشوف شيء يتغيّر،غير يمضي ودعواته تستجاب وابتلاءاته ترتفع وهو نفس وضعه ويمّر ليله مع نهاره ولازال يدعي حتى لو دعاءه كان بداخله وبقلبه مو بلسانه لأنه تعب!ولكل صابر مرهق طال به الصبر اقولك "بيجي لك يوم وترى كل جهدك ببشاره"
الله تعالى مو ناسيك وحاشاه ينساك، الله معك ويسمع دعواتك ونبضات قلبك وصوتك وانت تبكي فالليل وناس نيام، ولا يمر عليه شرود ذهنك وانت بين الناس تفكر بهمك، ولا يغفل عن دمعه تمسحها بوسط الناس بسرعه عشان محد يلاحظها ، مهما وسوس لك الشيطان إنك تُبتلى وما انفرجت للحين لأنك شخص سيء..
مهما حسيت انك في بلاء للآن لهوان مقامك على الله،ومهما وسوست ان صوتك مو مسموع، ومهما جاتك من خواطر سيئه من الشيطان،والله لتفرج ومو أي فرج، الله تعالى لما يأخرها بنظرك هو لحكم كثيره لكنه ما ينساك، ولما يفرجها على غيرك مو عشان تقارن نفسك فيهم لكل شخص وقته، وكل حرف دعيته محفوظ
الله لما يبتليك وتزيد صبر ودعاء وثبات مو عشان يعذبك حاشاه،كيف يعذّب الله قلب يحبّه؟لاازكيك ع الله ولكنك انت صابر وربي يحب الصابر!انت عندك حسن ظن لما سنوات تدعي ولا فيه شيء يتغير ولازلت تدعي!وربي يحب محسن الظن!انت تتوّكل وربي يحب المتوكل!انت تُحسن وتتصدق وتفعل الخيرات وربي يحب ذلك
انت تأدي أحب العبادات لله(الدعاء)، توّجهت له بقلبك وروحك وانت مُقّر ان مالك غيره فكيف مايحبك أو يضيعك حاشاه! لكن مثل ماقلت له حكم سبحانه كثيره حتى لو جهلتها،ولو انكشف لك الحجاب وشفت مالك من الثواب والأجر ع طول صبرك و دعواتك وحسن ظنك كل هالفتره لبكيت🤍،لا تيأس لا تيأس لا تيأس!
لأن ينتظرك بعد كل هذا ما يرضيك،وبتشوف كيف ان دعواتك حتى اللي يإست من طول المده كيف تستجاب ! وشخصياً ماشفت شخص مبتلى ولوقت طويل الا وعوّض الله صبره خير وفتح عليه أبواب الخير والرزق من كل جهه، على قد ما تصبر وتحتسب وتحسن ظنك بربي تلاقي من الله سبحانه الجزاء العظيم ويثلج صدرك🤍!
وهذا ما تستحقه لأنك وثقت بالله، لا تحزن ف الله سبحانه يبشرك يامن صبرت ودعيت وتحمّلت بفرج وسعاده وجبر وعوض لدرجة انك بتنسى كل كسر،وكل الم، وكل حزن ، وكل خوف ، وكل انتظار، وما بيبقى لك من هالبكاء والتعب غير أجرك وقلب وعقل صُقل بسبب ما مر به وعطايا من رب عظيم واسع الكرم🤍
وشفت كل الأيام والسنوات اللي بنظرك واقفه ولا تغيّر فيها شيء؟كلها بتصير لك بها أشياء تعوضك ، مستحيل ربي يغفل عن ذره صبر صبرتها ودمعه وحده نزلت من عينك،ومهما تهون على الجميع ما تهون على رب العباد لما بكيت ودعيته ، دموعك والمك وصبرك يا مبتلى كله ف ميزان حسناتك وكلها بعدها بُشرى
والبشرى الأعظم يوم الحساب،لما يغبطك أهل العافيه ع ما أنت فيه من نعيم بسبب هذا البلاء،والله لو بس نستشعر هالشيء من البلاء لكفى،فكيف بعطاء يرضيك بهالدنيا ورب راضي ومقام عالي في جنه الفردوس بإذن الله؟أذكر لكم رؤيا رأتها قريبه لي في إنسانه صاحبه ابتلاءات عظيمه لعلها تثبتكم حتى الفرج
صاحبه الرؤيا من حفظة القران ؛ رأت كأنه يوم القيامه و فيه ملائكة تُثني على صديقتي صاحبه الإبتلاء وان كتابها كبير- بمعنى انها والله اعلم لها منزله أعظم من بقيه أهل اللي إبتلاءاتهم أخف-، لذلك وانت تصبّر نفسك صبّرها بالأبقى والأدوم وهو الآخره واستشعر بان حتى الشوكة ترفعك وتكفر ذنوبك!
فما بالك بمصابك هذا وبكاءك وصبرك ع وضع سنوات م يتغير ودعوات م تعرف متى تحقق وبلاء متى يرتفع ومرض متى يشُفى ..الخ
ومع ذلك تحسن الظن! صدقنّي هذا الحال مو دايم،والله تعالى مو مستثنيك من الجبر والإجابه والفرج ابداً ولعل الكثير راح ومابقي غير القليل بإذن الله🤍
ومع ذلك تحسن الظن! صدقنّي هذا الحال مو دايم،والله تعالى مو مستثنيك من الجبر والإجابه والفرج ابداً ولعل الكثير راح ومابقي غير القليل بإذن الله🤍
اعرف انك قرات هالكلام كثير،وانك تعبت ولكن ياحظك الله سبحانه بكل مره يثبتك وبعدة طرق حتى تصل!بكل لحظه سبحانه معك ويطمنك انه يحبك ويسمعك و رح يستجيب لك وبكل مره يرسلك بطريقه ما انه يعد لك فرج عظيم ويسخرلك ناس تقويك حتى تصل وهذي نعمه عظيمه فاصبر وصابر وابشر بكل خير 🤍🤍
وجزاءك عند الله كبيييير وعظيم جداً، لا تشك في لحظة بان الله بعد كل هذا مو كاتب لك فرج وجبر، مستحيل!فتمسك بحسن ظنك ويقينك مهما كان حالك لأنك بتلاقي نتيجه هالصبر يثمر وتذكر انك طول فتره البلاء ترقى منازل بالجنه بإذن الله وتتكفر سيئاتك، والأسباب تتهيأ وتُدبر بالدنيا لجبرك ونصرك🤍
وأخيراً خليها قدام عينك دايماً
(وما كان ربك نسيا)،(فإنك بأعيننا)
انت تعيش الان ما بين كرم غير محدود وعنايه إلهيه تحيط بك،ربك رحيم سبحانه كريم ودود وجواد ولما يفرجها عليك؟مابتجيك دعواتك عاديه ابداً بيبهبرك بها ويرضي قلبك فاصبر الآن لأنك بعين الله وأبشر بمايشفي غليل قلبك من هباته🤍
(وما كان ربك نسيا)،(فإنك بأعيننا)
انت تعيش الان ما بين كرم غير محدود وعنايه إلهيه تحيط بك،ربك رحيم سبحانه كريم ودود وجواد ولما يفرجها عليك؟مابتجيك دعواتك عاديه ابداً بيبهبرك بها ويرضي قلبك فاصبر الآن لأنك بعين الله وأبشر بمايشفي غليل قلبك من هباته🤍
جاري تحميل الاقتراحات...