لو إبني هقولك…
- إقرا كتير وأي حاجة.
- اتعلم تتعلم قبل ما تبدأ تتعلم.
- متضيعش وقت من غير ما تتعلم فيه حاجة.
- إفهم الجهاز والبرنامج اللي عليه بيشتغلوا إزاي، بدل ما أنت مدمن لاستخدامهم.
- حدد السوشيال ميديا بساعة أو ساعتين في اليوم.
- اتعلم تستقل وتعتمد على نفسك بدري.
- إشغل نفسك بالبحث عن حل، بدل العياط على المشكلة.
كمل 1/3 🔽

- إمشي في أول فرصة.
- متخليش مجموع وتنسيق يحددوا حياتك.
- ماتدفعش فلوس في تعليم "نظامي" خاص أو مصاريفه غالية.
- اتعلم بزنس واشتغل حر.
- اتعلم مباديء الاقتصاد والأمور المالية، خصوصًا الشخصية.
- إوعى تكون طرف في علاقة من جانب واحد، ولا تخلي حد يتحكم فيك عشان بتحبه أو بتحترمه، مهما كانت درجة حبك أو احترامك.
- كل صحي ٦ أيام في الأسبوع والسادس وجبة واحدة Free.
- إلعب رياضة كل يوم.
كمل 2/3 🔽

- إفرز اللي حواليك كل فترة وإلغي اللي بيضرك أو بيعجزك، من غير ما تفكر مرتين.
- ما تبصش وراك على حاجة أو حد، الحياة قدامك، لا هي وراك ولا تحت رجلك.
- إقبل نفسك وحبها، من غير ما تضر نفسك ولا اللي حواليك.
- متسلمش ودنك لأي حد وتتحول لشخشيخة.
- ما تدخلش نفسك في اللي مالكش فيه، بمعنى أصح "ماتتحشرش في اللي مالكش فيه".
- ماتحكمش على حد.
- قول الحق دائمًا.
- ما تقدمش نصيحة في العلن.
- إشغل نفسك بنفسك.
- اتعلم تقرا وأنت بتقرا... وتسمع وأنت بتسمع، يعني تقرا وتسمع عشان تفهم... مش عشان ترد.
وهذا كل شيء 3/3