ف الثريد دا هكلمكم عن رحلتي الشخصية
تنويه⚠️
انا مش هقول اسم دكتور او بروداكت و اقول لو جربتوه حياتكم هتتحول و بشرتكم هتـ لق لق
انا بس هحكي عن اللي مريت بيه اعتبروها قصة قبل النوم ف اعملوا حاجه دافيه و تعالو معايا🛻
تنويه⚠️
انا مش هقول اسم دكتور او بروداكت و اقول لو جربتوه حياتكم هتتحول و بشرتكم هتـ لق لق
انا بس هحكي عن اللي مريت بيه اعتبروها قصة قبل النوم ف اعملوا حاجه دافيه و تعالو معايا🛻
انا ف العادي بشرتي دهنيه كان بيطلعلي حبايه او اتنين كل فتره و التانيه عادي جدا زي حباية المناسبات او العيد الخ
لحد نوڤمبر ٢٠٢١ و اذا فجأة اصحي من النوم وابص ف المرايه القي حبوب كتير اوي و طالعلها وش و بالمناسبه الفرق بين الصورتين اسبوع واحد الاولي من غير فلتر خالص والتانيه بفلتر
لحد نوڤمبر ٢٠٢١ و اذا فجأة اصحي من النوم وابص ف المرايه القي حبوب كتير اوي و طالعلها وش و بالمناسبه الفرق بين الصورتين اسبوع واحد الاولي من غير فلتر خالص والتانيه بفلتر
معرفش من ايه و ليه بس جريت علي اقرب دكتور ومن هنا كان بداية اللعنه حرفيا
الدكتور مشكورا قبل مايجرب معايا اي علاج اوكريمات topical اواي حاجه خدها من قاصرها وكتبلي ايزو(نتلوك) الحق يتقال جاب نتيجة وسريعه بس انا بكره الدوا داوعندي تروما اااد كدا منه و كمجرد ما بطلته رجعت الحبوب
الدكتور مشكورا قبل مايجرب معايا اي علاج اوكريمات topical اواي حاجه خدها من قاصرها وكتبلي ايزو(نتلوك) الحق يتقال جاب نتيجة وسريعه بس انا بكره الدوا داوعندي تروما اااد كدا منه و كمجرد ما بطلته رجعت الحبوب
بل اسوأ من الاول، عادت لتنتقم بقي
بس الصراحة انا كنت سبب كبير ف البهدله دي كنت زي اي بنوته معتبره وشي فار تجارب و كل شوية اجرب وصفات و ماسكات مجهولة المصدر عشان ابقي glowy و زي القمر و بتاع الموضوع دا مضر بشكل بشع انصح اي حد لسه بيعمل كدا يبطل فورا
بس الصراحة انا كنت سبب كبير ف البهدله دي كنت زي اي بنوته معتبره وشي فار تجارب و كل شوية اجرب وصفات و ماسكات مجهولة المصدر عشان ابقي glowy و زي القمر و بتاع الموضوع دا مضر بشكل بشع انصح اي حد لسه بيعمل كدا يبطل فورا
عدت سنه واتنين وانا عند كل دكتور شوية والحبوب تزيد اكتر وكل شوية اخد نتلوك بالشهور واوقف وترجع تاني واخد نتلوك تاني واعاني من اثاره اللي اغلبكم مرّ بيها جفاف و اكتئاب و وجع عضم و و و
ولما ابطل اقعد شوية تمام وترجع تاني لحد مابقيت نتلوك حتي من غير دكتور ما انا حافظه السيناريو
ولما ابطل اقعد شوية تمام وترجع تاني لحد مابقيت نتلوك حتي من غير دكتور ما انا حافظه السيناريو
مشكلة الحبوب وشكلها بالنسبه ليا مكنتش ازمه اوي اه بحاول عشان الحوار دا ينتهي بس مكنتش بعيط كل ليله والجو دا المشكلة كانت ف صعوبة العلاج و مصاريفه وكلام الناس واللي يقولك محسوده واللي يقولك خد دا عنوان شيخ روحي يرقيكي واللي يقولك وصفه بلديه اقرف اني اتخيلها حتي مش احطها علي وشي
المهم فضلت فتره فالدوامه دي لحد ما لقيت دكتور محترم مش همه يكتبلي شريط دوا اخده و خلاص لا كان مهتم يعالجني، جرب معايا كل حاجه تقريبا كنت رايحاله وانا بالفعل بدأت اخدت نتلوك ٢٠ اول حاجه طلب مني نقلل التركيز ل ١٠ و بدأ التجارب
١) كوي الحبوب
٢)فركشنال ليزر
٣)حقن مضاد حيوي تحت الجلد
١) كوي الحبوب
٢)فركشنال ليزر
٣)حقن مضاد حيوي تحت الجلد
جربنا كريمات كتير للحبوب عل و عسى نلاقي حاجه تأثر فيها بصراحة عمل كل حاجه يقدر عليها ولكن المفاجأة ان بردو الحبوب متعالجتش و لكن كانت بتزداد سوء لدرجة انها كانت مؤلمه جدا و مبقتش اقدر المسها و لا انام غير و انا علي ضهري،ناهيك عن شكلها اللي بدأ يبقي مزعج لدرجة اني بخبيها بلزق طبي
لحد ما بطلت اروحله هو كمان و قررت اكمل كورس النتلوك(٦ شهور) وابطل ودي هتبقي اخر مره كنت زهقت من كل حاجه وقررت اتقبلها كدا وفعلا بطلت ولكن مش كل حاجه كنت بحاول احافظ علي الكريمات واني اغير كيس المخدات يوميا (الحوار دا بيفرق اوي اوعوا تستهينوا بيه) احاول انتبه لاكلي علي اد ما اقدر
بالنسبه لحوار الاكل دا هو مش مثبت علميا وفي ناس اكلها مبيأثرش بس دا ممكن يكون عامل احيانا وكمان قشرة الشعر يجماعه اكتشفت انها بتأثر علي الحبوب بردو، شرب المايه حقيقي بيفرق مش بس للحبوب لا انتو هتحسوا ان وشكم في نضاره كدا وحاجه بقي حسيت انها اهم سبب ف ان الحبوب تختفي وهي الرياضه
كنت ف الفاينل وقررت انزل الجيم عشان مخنوقة ومكنتش حاطه ف دماغي حوار الحبوب خالص بس مع الوقت لقيت ان معدل ظهور الحبوب بدا يقل بشكل ملحوظ حتي اهلي وصحابي خدوا بالهم والحبوب القديمه خفت بنسبه كبيره جدا لحد ما خلاص بقي كل فين وفين لحد ما يطلع فسفوسه جديده ولكن المشكلة الحبوب القديمه
الحبوب القديمه سابت اثار اشبه بالحرق، الاثار كان شكلها اسوا من الحبوب بالنسبالي مكنتش اعرف دي علاجها ايه و مكنتش طايقة ارجع الف علي الدكاتره عشان الاقي علاج ليها و لكن مرحلة التخلص من الاثار دي كانت الاسهل ف الرحلة كلها و الفضل يرجع للديرما بن
مش فاكره مين ابن ولا بنت الحلال اللي قالي عليها بس البتاعه دي سحر اول ما سمعت عنها جريت اجرب بس المره دي مش زي وصفات منتدي فتكات لا انا دورت وسألت ولقيت اد فعلا نتايجها مبهره وهي الحل الاول والافضل للاثار و لكن فاكرين خلاص كدا حياتي بقت جميله هه ابسلوتلي😂
ارجع و اقول قليل البخت يلقي العضم ف الكرشة، رحت زي الشاطره و عملتها ف اخر شهر سبعة ولو تفتكروا الوقت دا كان بدايه حوار تخفيف الاحمال وقطع الكهربا والديرما ليها اصول لازم بعد ما اعملها متعرضش لاي حراره او اشعه شمس و التزم بالمرطبات القويه عشان متقلبش بنتيجة عكسية
عذرا علي الاختفاء بس الكهربا قطعت ع السيره🙈يلا نكمل
المهم الكهربا كانت بتقطع حتي بالليل من هنا تقدروا تستنتجوا ايه اللي حصل و كانت بتقطع حتي وانا نايمه مفيش تكييف ولا مروحه وبضطر اصحي من النوم اهوي علي وشي ب اي حاجه عشان الحر
المهم الكهربا كانت بتقطع حتي بالليل من هنا تقدروا تستنتجوا ايه اللي حصل و كانت بتقطع حتي وانا نايمه مفيش تكييف ولا مروحه وبضطر اصحي من النوم اهوي علي وشي ب اي حاجه عشان الحر
انا عشت أسوأ اسبوع ف حياتي ب وش مسلوخ و حراره كانت بتكسر الاربعين ومفيش اي وسيلة تهويه ونتائج الدريما بن اللي كنت مستنياها تبكي ف الزاويه، بس سبحان الله فعلا جابت نتيجة حلوه جدا بس اللي ناوي يجرب يعرف انها مش من اول مره وكل حاله وليها عدد بس اقل حاجه ٣ مرات عشان يبقي في فرق ملحوظ
ف عرفت بعدين بقي ان انسب وقت ليها الشتا و الدريما بن في منها انواع في للحبوب و في للآثار و اسعارها متفاوته جدا اهم حاجه تختاروا مكان مناسب تكونوا واثقين فيه و عارفين ناس عملت ديرما هناك قبل كدا
و بكلمكم دلوقتي و انا لسه عملاها النهارده🤣
و بكلمكم دلوقتي و انا لسه عملاها النهارده🤣
اللهم لك الحمد انا بشرتي رجعت لعهدها السابق اوي اللي ف اول الثريد اللي هو حبايه ولا اتنين كل فتره وطبعا مش هنسي اقولكم اننا كبار ومينفعش نلعب ف الحبوب سيبوهم ف حالهم وهيخفوا لوحدهم والله، لو زنقت معاكم اوي ف acne patch انا جربتها مرتين بصراحه كانت لذيذه وممكن اجربها تاني
هقولكم شويه حاجات بسيطه فرقت معايا بصراحه الخضار و شرب المايه الكتير (هتقضوا نص يومكم ف الحمام🙈)
لازم يبقي معانا دايما كحول سبراي نرش علي التلفون كل شويه وخصوصا قبل ما نحطه علي وشنا واحنا بنحب فالتلفون بالساعات ي عصافير الحب واول ما نرجع من بره مينفعش نترمي علي السرير ب هدومنا
لازم يبقي معانا دايما كحول سبراي نرش علي التلفون كل شويه وخصوصا قبل ما نحطه علي وشنا واحنا بنحب فالتلفون بالساعات ي عصافير الحب واول ما نرجع من بره مينفعش نترمي علي السرير ب هدومنا
السرير او اوضه النوم عامة دي اخر حاجه تدخلها بعد ما تغير لبسك وتغسل ايدك و وشك ورجلك ايوا و اسنانك كمان لا بهزر المهم يعني تتاكد انك تخلصت من قرف الشارع و يريت لو يبقي لبس النوم غير اللبس اللي بنقعد في ف البيت يبقي حلو اوي و مننساش الكوافيره والحلاق بتوعكم ليهم دور بردو
حبوب الشباب معديه بجد يعني مينفعش نحط ميكب مكان اي حد (شيفاكي يلا بتقولي للي جمبك فالتويلت هاتي احط بلاشر🙂)والبوس فالسلام يجدعان بلاش نلزق الخد ف الخد
بالنسبه للصن بلوك بصراحة انا مبحطش عشان عاوزه طاقة واهتمام ومبالغ طائلة وانا معنديش صحة للكلام دا بس عندي شمسية بخرج بيها🤭
بالنسبه للصن بلوك بصراحة انا مبحطش عشان عاوزه طاقة واهتمام ومبالغ طائلة وانا معنديش صحة للكلام دا بس عندي شمسية بخرج بيها🤭
بعد ما خلصنا نصايح تيته دي
هل بشرتي اصبحت لامعه وتتلألأ وبيرفكتو؟
الاجابه لا وعادي انا عندي مسام و هالات و فسفوستين لسه طالعين جداد و بحب شكلي كدا
وانا كنت بالحبوب كنت متقبله شكلي بردو و هفضل احبني حتي لو حصل ايه
بس كانت مغامرة حلوه و صعبه وفلوس العلاج دي اللبس كان اولي بيها😂
هل بشرتي اصبحت لامعه وتتلألأ وبيرفكتو؟
الاجابه لا وعادي انا عندي مسام و هالات و فسفوستين لسه طالعين جداد و بحب شكلي كدا
وانا كنت بالحبوب كنت متقبله شكلي بردو و هفضل احبني حتي لو حصل ايه
بس كانت مغامرة حلوه و صعبه وفلوس العلاج دي اللبس كان اولي بيها😂
المهم الرحله لسه مكمله مش acne بس لا رحلة اي حاجه ف حياتنا نفسنا نحققها
يا رب يكون ثريد خفيف لطيف و تكونوا استفدتوا باي حاجه حتي لو شوية امل
انا قولت مش هقول اي منتجات ولا اسماء عشان ميتقالش بعمل اعلان بس اي حد حابب يستفسر عن البروداكتس اللي استخدمتها ينورني علي انستجرام🫶🏻
يا رب يكون ثريد خفيف لطيف و تكونوا استفدتوا باي حاجه حتي لو شوية امل
انا قولت مش هقول اي منتجات ولا اسماء عشان ميتقالش بعمل اعلان بس اي حد حابب يستفسر عن البروداكتس اللي استخدمتها ينورني علي انستجرام🫶🏻
جاري تحميل الاقتراحات...