الكهربا قاطعة من الساعة ١ص امس في مدني و سنجة و الانترنت من الضهر، الدعامة دخلو علينا ٣ مرات بالليل أصعب ليلة في حياتنا، مرقنا ٥ صباحا و الواطة ضلام لقينا عفشهم قدام البيت، وصلنا ام سنط، عدد الناس الماشة برجلينها مهول جداً من مدني و القري المجاورة، هناك في حتة اسمها البنشر في-1
فيها حافلات لسنار النفر من ٣٠ ل ٥٠الف انت و حظك و حسب البص او الحافلة، الدعم موجود بكميات مهولة ما بتعرضو لزول، بحاولو يوحدو سعر التذكرة ١٠الف بس سواقين الحافلات تجار الازمات بعد تتحرك بحاسبوك بنفس سعرهم، الحافلات في لكن بتجي كل نص ساعة و العدد مهول، خفف الشنط قدر ما تقدر-2
لو عندك شباب خليهم ان شاءالله ينطو بالشباك يحجزو و الناس تركب طوالي عدا زول واحد يحرس الشنط و يركب معاها في راس الحافلة، ما بتقيف نهائي الا تفتيش الدعم بنزلو الشباب يطلبو إثبات شخصية خليه قريب عندك، الطريق ٤ ساعات لحدي ما تخش حدود سنار السوق، هناك الحافلات عطبرة ١٥٠الف النفر-3
بورتسودان ٢٠٠الف النفر، كسلا ٨٠الف النفر، اسعار مهولة و تعجيزية و الناس بايتة في الشارع في الارض، تجمع شباب سنار جاب لينا موية باردة شديد كنا محتاجينها، احنا كنا متفقين مه بتاع الحافلة اصلا يوصلنا لسنجة لكن بسعر خرافي بدعم من الأهل لانو بعد رعب امبارح كنا عايزين نمرق بس- 4
من سنار ل سنجة ٣ ساعات تقريبا يادوب بتبدأ تفتيشات الجيش، مستفزين شديد و بحقرو بالاولاد تحديدا بعد ينزلوهم و يفتشوهم تفتيش جسدي، بعد يطلع الحافلة و يختار اخوك/زوجك اتكلم طوالي وضح صلة القرابة، احنا قالو لاخواني و للمساعد بما معناه كلو باطل خش اتجند، بالصورة دي ٥ نقط تفتيش -5
بعد تخش سنجة في امان و هدوء حذر بس الترقب حاصل، لغة الدعامة واحدة محل مشيتوا احنا جاينكم..
لو عندك طريقة تمرق من مدني و سنار امرق طوالي، لو لأ اتفق مع جيرانك امن نفسك ما تكون براك في شارعك، و لو عندك طريفة تمرق من البلد دي امرق حقيقي الحافظ الله بس ربنا يلطف بالبلاد و العباد
لو عندك طريقة تمرق من مدني و سنار امرق طوالي، لو لأ اتفق مع جيرانك امن نفسك ما تكون براك في شارعك، و لو عندك طريفة تمرق من البلد دي امرق حقيقي الحافظ الله بس ربنا يلطف بالبلاد و العباد
6:50pm 21/Dec سنجة
الدعامة كسرو الدكاكين وزعو للناس اكل وشراب و قالو ليهم اكسرو و اعملو الدايرينو اهم شي ما تجوعو، وزعو قروش و ببسي و شوكلاتة للاطفال، بقولو للناس اقعدوا احنا اصلا حنعمل حملات لحسم المتفلتين و مارقين ماشين السودان كلو، ما بخوفو من شي استغفرالله الا الطيران الاصلا ما شفناه لينا ٤ يوم
لو منطقتك فاضية ما تنتظر امشي حتة فيها ناس ما تكون براك في الحلة ابدا ما امان، لو قعدتي جنب ارتكاز علي مسافة كويسة بكون احسن رغم كل شي بنجدوكم لو لا قدر الله دخلو عليكم، لو مارق برجلينكم البنات ما تلبسو بناطلين و البسو عبايات او شي واسع فوق هدومك و اتغطو كويس، ما تتكلمو-
الرجال خليكم واضحين، قالو ليك ارجع قول ليهم انتو امان ي جاهزية احنا خايفين من الطيران، خليك محترم تلاتة مرات
لو بنات بس امرقو في مجموعة ما تكونو براكم و اتغطو كويس، لو معاكم زولة كبيرة لابسة توب بحترموها امرقو و الواطة صباح ما تتاخرو وزعو قروشكم في جسمك ما بهبشوكم و ربنا يحفظكم
لو بنات بس امرقو في مجموعة ما تكونو براكم و اتغطو كويس، لو معاكم زولة كبيرة لابسة توب بحترموها امرقو و الواطة صباح ما تتاخرو وزعو قروشكم في جسمك ما بهبشوكم و ربنا يحفظكم
سنجة و سنار امان يخوانا ماف دعامة و بصراحة ماف جيش زاتو ياهو ناس التفتيش ديل، لكن في ترقب شديد لو عندك طريقة تطلع استبق الوضع للأمان و اطلع بالزات لو عندك زول كبير ولا عيان
جاري تحميل الاقتراحات...