طيب عايزة اقول كم نصيحة كدا للناس اللي مش عارفين يذاكروا:
١ - لو انت الشخص اللي مابقاش يعرف يذاكر من بعد ماكنت الشخص اللي بيذاكر بمجهود عالي بشكل مبالغ فيه؟ يبقى انت بدأت تفصل بسبب الضغط اللي حطيته على نفسك، بقيت مُستنزف، ف هتعمل ايه يا ترى؟ انا هقولك دلوقتي..
١ - لو انت الشخص اللي مابقاش يعرف يذاكر من بعد ماكنت الشخص اللي بيذاكر بمجهود عالي بشكل مبالغ فيه؟ يبقى انت بدأت تفصل بسبب الضغط اللي حطيته على نفسك، بقيت مُستنزف، ف هتعمل ايه يا ترى؟ انا هقولك دلوقتي..
لازم تتحرك، تنزل تتمشى بقى او تلعب رياضة او ايًا كان نوع الحركة اللي بتفضلها ، المهم تتحرك عشان جسمك يفرغ الضغط اللي فيه ، اتحرك لحد ما تحس ان اعصابك استرخت. و لازم تتعرض للشمس و تشوف حاجة من الطبيعة برضو لو تقدر ، تخرج يعني برا حدود الأماكن المغلقة.
و لو في بالك اي افكار سلبية اكتبها و كذلك اكتب المشاعر الغير مريحة اللي بتختبرها و لو محتاج تعيط عيط او تغضب اغضب برضو بشكل مناسب. لازم الطاقة تخرج من جسمك عشان ذهنك يصفى و تقدر تذاكر. طيب بعد ما خرجت الطاقة هتعمل ايه؟ هتقسم المذاكرة بشكل متوازن عشان تقدر تستوعبها،
افتكر ان عقلك محدود لإنك انسان ف النهاية ف ماتحطش عليه ضغط اكبر من اللي يتحمله و لا تلوم نفسك على كون عقلك محدود و افتكر ان طاقتك محدودة كذلك ف يعني احترمها. ف خلي تقسيم المذاكرة تقسيم آدمي، انت مش آلة. و خد بريك ربع ساعة بين كل ساعتين مذاكرة، و اصحى ذاكر الفجر بس نام بالليل كويس
٢ - لو انت شخص بيستكسل او عنده تسويف عمومًا ف مش بتذاكر و بتقضي وقت طويل على السوشيال ميديا او بتلعب او بتعمل اي حاجة بتشتتك عن المذاكرة، ف عايزاك تفكر نفسك بالعواقب اللي هتحصل نتيجة عدم مذاكرتك و تأثيرها على حياتك هتبقى عاملة ازاي، لو انت جبت معدل قليل دة هيعمل ايه؟
شوف كدا ابعاد التسويف على حياتك هتكون عاملة ازاي و قرر لنفسك، " هل انت تقدر تتعايش مع نتيجة عدم مذاكرتك؟ هل النتيجة هتأثر على وظيفتك في المستقبل؟ هل انت هتتقبل فشلك في الحاجة لو فشلت؟ هل هتتقبل احساسك الغير مريح بعد ماتفشل و تلاقي اللي حواليك ناجحين و انت بتبص عليهم؟"
بعد ماتقرر لنفسك و كان قرارك انك مش عايز تفشل و مش هتبقى مرتاح تجاه انك تفشل. هتبدأ تمنع المشتتات اللي بتعيقك عن المذاكرة و تشوف طريقة مذاكرة انت بتحبها و بتفضلها، او ابدأ اشرح المادة بصوت عالي كإنك بتشرحها لحد تاني غيرك، دة هيساعدك ف ان المعلومات تثبت في بالك.
جاري تحميل الاقتراحات...