🚨في نوعين رئيسيين من المشتتات تقلل من تركيزك
النوع الاول: هو المشتتات الخارجية مثل الجوال، والنوع الثاني هو: المشتتات الداخلية مثل قلة النوم والتعب والتفكير المفرط، بالاضافة الى نوع مزعج جدا من المشتتات الداخلية، وكثير من الناس ماينتبهون له
فماهو هذا المشتت الخفي؟
وكيف تقدر تتعامل معه؟👇🏼🧵

المشتت الداخلي المسؤول عن جزء كبير من التشتت هو الحلقات المفتوحة في الدماغ.
والمقصود فيها: الافكار والملاحظات والمهام اللي غير مكتملة واللي تجي في بالك وتشغلك من وقت لاخر وتنبهك لانك ما انجزتها
مثال للحلقات المفتوحة:
انت جالس تكتب التقرير، تتذكر أن عندك اجتماع وانه بدأ من 10 دقائق!
مثال ثاني: لما ترجع من العمل إلى البيت، تتذكر أنك ما جبت مقاضي للبيت معك!

لذلك، ضروري أنك تصفي دماغك من هذه "الحلقات المفتوحة"، عشان ماتشتتك في الوقت اللي تحاول تركز فيه.
يقول ديفيد آلان، مؤلف كتاب كيف تنجز جميع المهام(GTD):
دماغك مهيأ لإيجاد الأفكار وليس للاحتفاظ بها، فالدماغ الذي يتم تفريغه من الحلقات المفتوحة، يكون دماغ منتج
وكلما أخرجت من دماغك الأفكار والملاحظات، كلما أصبح تفكيرك أكثر وضوح وكلما شعرت بصفاء ذهني وتركيز اكبر👍🏻

طيب، وش الحل؟
في عدة حلول من اهمها انه يكون عندك جدول مواعيد وقائمة مهام to do list عشان تفرغ فبها المهام غير المكتملة اللي تشغل ذهنك.
فلما يكون عندك تطبيق في جوالك لجدول للمواعيد وتطبيق قائمة مهام،
راح تتكفل في تذكيرك بالاجتماعات والمهام اللي عندك، وما عاد تحتاج تشغل ذهنك في التفكير فيها كل شوي.

وفي حل ثالث مفيد برضو، انه يكون عندك تطبيق لتسجيل الملاحظات عشان تسجل فيه الافكار اللي تطرى على بالك وتشتتك وانت تحاول تركز، لانك لما تخرج هذه الافكار من دماغك، راح يصير سهل عليك تواصل تركيزك.

لذلك، نصيحتي لك:
ابدأ بوضع أهداف قليلة كل يوم، وحمل في جوالك تطبيق للملاحظات وتطبيق للتقويم الالكتروني وتطبيق لقائمة المهام
واحرص انك تقوم باستمرار بتفريغ الافكار والالتزامات اللي تشغل بالك وتسجلها في تطبيق الملاحظات، وبعدين تنقلها اما لتطبيق التقويم او لتطبيق قائمة المهام
فهذا الشيء راح يفرغ مساحة كبيرة من نطاق انتباهك ويغلق لك الحلقات المفتوحة في دماغك، وبكذا تقدر تركز بشكل افضل.

📍للتوضيح:
تطبيق جدول المواعيد اللي تكلمت عنه في التغريدة الرابعة من هذا الثريد👆🏻، المقصود فيه تطبيق تقويم الكتروني مثل تقويم ابل او تقويم جوجل او غيرها.