#إنتوا_متعرفوش_الجيش_المصري
الجملة دي بيردّدها الرئيس #السيسي لما يتكلم عن الجيش المصري والسرد ده هيوضّح لك ذرّة من قدرات الجيش المصري العظيم ..أقدم جيوش العالَم نتكلم فيه عن الجيش المصري العظيم و قدراته ...تابع التغريدات 👇
الجملة دي بيردّدها الرئيس #السيسي لما يتكلم عن الجيش المصري والسرد ده هيوضّح لك ذرّة من قدرات الجيش المصري العظيم ..أقدم جيوش العالَم نتكلم فيه عن الجيش المصري العظيم و قدراته ...تابع التغريدات 👇
2/يعني لما كان الجيش المصري يصنّع او يجرب سلاح جديد كان يعمل إعلان كبير و ينزّل صور و يعمل مهرجانات زي تجربة الصاروخ #القاهر وتصنيع #الطائرة_حلوان وعرض عسكري لقُدراته وهكذا 👇
3/لكن من اول السبعينات اتخذ الجيش المصري سياسة للردع مختلفه تماماً و هي #الردع_الصامت...إزاي ؟! يعني عدوك من مصادر معلوماته تجيله اخبار ان عندك بلاوي و انت ساكت و لا كأن عندك حاجه فيقلق منك أكتر و طريقة الردع الصامت دي على فكره نتائجها أكبر بكتير من البروجابندا و سياسة الإعلان 👇
4/عشان كده اكتر من مرة الرئيس #السيسي يقول إن محدش يعرف قُدرات الجيش المصري غير شخصين أو ثلاثة فقط في الدولة كلها 😃👇
5/في السرد ده هنحاول نتكلم بشكل مبسط بقدر الإمكان لأن فيه ناس كتير معندهاش الثقافه العسكرية او الموضوع بيبقي تقيل عليهم 👇
6/بس أهم حاجة لازم قبل ما تقرأ اللي هيتكتب ده تعرف إنه كلام عام و في نقاط محددة و بدون الخوض في أسرار ولا الوقوع في المحظور ...يعني كل حاجة محسوبة قبل ما تتكتب 👇
7/أهم حاجه بقا علشان عارف إن فيه كائنات هلامية عايشة وسطنا و شباب كيوت ساقط بنطلونها من يتامى البنا و شمامي كُلة هوجة يناير بتوع يسقط يسقط..عندهم حساسية و حرقان من اي موضوع يخص الجيش المصري فياريت يوفروا وقتهم و وقتنا و ميقرأوش السرد ..لأن اللي هلمحه بيستخف بالجيش هحظره فوراً 👇
8/الجيش المصري ده حدوته كبيرة جداً و ميعرفهوش بجد غير اللى خدم فيه وعاش حياته كلها يخدم فيه وأهم اللي بيميّز الجيش المصري هو عقيدته القتالية الفريدة من نوعها لأنه دوناً عن جيوش العالم كله فهو يعتمد على الفرد المقاتل قبل المُعدة و السلاح👇
9/بمعنى إن العلوم العسكرية دائماً بتقيّم قُدرات الجيوش وبتبني خططها العسكرية في أي معركة على حسب نوع التسليح اللى بيمتلكه الجيش و بعد كده مدى قدرة الأفراد على استيعاب قُدرات السلاح ده وده بيظهر على مواقع التصنيف للجيوش زي جلوبال فاير باور وطبعاً ده تصنيف غير واقعي بالمرة 👇
10/ بعكس #الجيش_المصري اللى هو الجيش الوحيد في العالم اللى بيعتمد فى بناء خططه على قُدرات الفرد المُقاتل أولاً ثم يدعمها بالسلاح المتوفر👇
11/وده بيحقق دائماً نتائج خارج نطاق العِلم العسكري و خارج المقرر و عمر ما حد بيقدر يتوقع الجيش المصري ممكن يعمل ايه….. و ده سبب إن في أي معركه أو حتى مناوره بيدخلها الجيش المصري تسمع بعدها مصطلح إن المعركه دي غيرت العلوم العسكرية و بتدرس في المعاهد و الكليات العسكريه العالمية👇
12/من أبرز الأمثلة على الكلام ده هو اقتحام الساتر الترابي و المانع المائي في أكتوبر 1973...العِلم العسكري على طول بيتجه أولاً إلى نوع السلاح فكُل الخبراء العسكريين العالميين اتفقوا وقتها على إنه يلزم قنبلة ذرية للقضاء على الساتر الترابي و تحصينات #خط_بارليف 👇
13/وقالوا وقتها إنه حتى لو كمان موجود قوات مسلحة بأحدث الاسلحة (اللى بالفعل مكنتش موجوده وقتها) لأننا كنا بنحارب بخُرده و مُخلفات الحرب العالميه الثانية ..فمن 50% إلى 75% من القوات سيتم القضاء عليها أثناء عملية العبور 👇
14/أما العسكرية المصرية فعقيدتها مختلفة و فريدة من نوعها فالأول الجندي هو اللى عبَر و خلّص القصة بخرطوم حريق😃 و بعد لما خلّص عدّت الدبابة و المُعدة و السلاح ….. فدائماً الإجابة بتكون خارج المقرر و على أساسها بيتم تغير العلوم العسكرية الغربية و الشرقية 😃👇
15/مثال آخر من حرب اكتوبر 1973م كان فيه مشكلة وقود الصواريخ المضادة للطائرات اللى أوقف تصديره الروس لمصر عقاباً على طرد الخبراء الروس وأصبحت الصواريخ قبل المعركة مجرد قطع حديد لا قيمة لها 👇
16/وبالمناسبة كان وقتها تصنيع وقود الصواريخ بيعتمد على علم متقدم جداً و كانت فيه (3) دول فقط في العالم هي من تملك التكنولوجيا و أسرار صناعته👇
17/وكانت المفاجأة إن في( 6) أشهر فقط كان أطباء مدنيين مع سلاح المهندسين المصريين توصلوا للتركيبة وكيفية انتاج الوقود بأساليب عبقرية محدش فكّر فيها قبل كده و قبل المعركة باسابيع قليله كانت مصر أنتجت (150) طن من الوقود ده و تم ادخال علم تصنيع وقود الصواريخ إلى مصر😃👇
18/والجماعة الروس وقتها كانوا مذهولين لما شافوا الصواريخ بتصول وتجول و تُسقط الطيارات الاسرائيلية.... برضه كلمة السر هو الفرد المُقاتل اللى غير خط سير المعركة😃 👇
19/مثال إضافي من حرب اكتوبر 1973م الدبابة المصرية وقتها كان مداها المؤثر (800) متر وكانت بتواجه الدبابة الاسرائيلية الحديثة اللى مداها المؤثر (1500) متر واخد بالك من الفرق الرهيب.. فكان القرار ان يتم مواجهة اللواءات المُدرعة الإسرائيلية بأفراد المشاة لأول مرة في التاريخ😃👇
20/ يعني لواء مشاة يواجه كتيبة مدرعات وده عمره ما حصل في التاريخ العسكري أو مثلاً زي (10) أفراد مقاتلين يروحوا ويرجعوا عايمين لتفجير ميناء حربي لأول مرة في التاريخ العسكري … برضه كلمه السر هنا الفرد المُقاتل اللى ممكن يعوض الفرق الرهيب في إمكانيات السلاح 🙂👇
21/وللأسف دايماً بيحصل لغَط عند ناس كتير انهم يقولوا ان الجيش أيام اكتوبر حاجة و دلوقت حاجة تانية….هو فعلاً حاجه تانية لأن الجيش دلوقت اقوى عشرات المرات من أيام أكتوبر 1973م...أيوة زي ما قرأت كده عكس ما انت توقعت 😃👇
22/أي جيش في الدنيا في أي حرب أهم سلاح عنده وهو السلاح الحاسم على الأرض هي #القوات_البرية لأنها هي اللى بتحسم المعركة على الأرض ….هتقول لي والقوات الجوية ...هقولك القوات الجوية بتدعم و تساعد و لكن اللى بيخلص على الأرض فعلياً هم القوات البرية👇
23/وخليني اقول لك إن القوات البرية المصرية سواء مُدرعات أو مُشاة أو مُشاة ميكانيكي أو مدفعية أو قوات خاصة بكل أنواعها بتعتبر من أقوى الجيوش إقليمياً...وهقول لك مثال بسيط في #حرب_الخليج 👇
24/مصر اشتركت في حرب الخليج بعدد(35)ألف مُقاتل محترف عبارة عن فرقتين :
👈الفرقه الثالثة مشاة ميكانيكي
👈الفرقه الرابعة المُدرعة (أيوة بالضبط اللي انت شوفتها في تفتيش الحرب الأخير 😃 )
👈قوات خاصة
👈قوات دفاع جوي
👈وحدات إدارية و إسناد 👇
👈الفرقه الثالثة مشاة ميكانيكي
👈الفرقه الرابعة المُدرعة (أيوة بالضبط اللي انت شوفتها في تفتيش الحرب الأخير 😃 )
👈قوات خاصة
👈قوات دفاع جوي
👈وحدات إدارية و إسناد 👇
25/وللمعلومات الفرقة بتتكون عادة من (3) ألوية و كل لواء بيتكون من حوالي (5) كتائب ...المهم بدون دخول في تفاصيل لأن الأعداد دي بتختلف من فرقة للتانية...المهم اللي عايزك تعرفه إن الفرقة دي تشكيل قتالي كبير جداً جداً 👇
26/لما وصلت الفرقة الثالثة المشاة الميكانيكي لمكان تمركزها كان يجاورها كتيبة مشاة أمريكية واصلة بقالها 3 أيام و كانوا لسه بيجهزوا المعسكر بتاعهم (الفرقه تحتوي على حوالي 18 كتيبة تقريباً)👇
27/وفي صباح اليوم التالي صحوا الأمريكان لقوا الفرقة المصرية بالكامل اتمت تمركزها و المعسكر المصري اتبنى وخلص بكل تجهيزاته و القوات نازلة طابور الصباح و جاهزة للقتال 😃 وده يدل على انضباط و احترافية عالية جداً لدى الفرد المُقاتل المصري 👇
29/أما الدور المصري كان بيتلخص في إنها تكون على يمين القوات الامريكية كحاجز بين القوات العراقية والأمريكية بطول الحدود الكويتية الغربية لتقوم بحماية أجناب القوات الأمريكية و تقوم بالانقضاض على الكويت من حدودها الغربية 👇
30/وده علشان تشغِل القوات العراقية وتمتص كل الضربات المدفعية والصاروخية لغاية ما تتحرك القوات الأمريكية و تهجم من الأجناب شمالاً و تدخل الكويت وبكده تقوم هي بتحرير الكويت بعد ما تكون القوات العراقية تم إنهاكها تماماً 👇
31/ يعني باختصار كده ..سيب العراقيين و المصريين يعجنوا في بعض والمصريين ياخدوا كل الضربات المركزة والأمريكان يلفوا من وراهم و يدخلوا على الجاهز 👇
32/وبالفعل كان الرئيس العراقي #صدام_حسين عامل تحصينات رهيبة يُقال إنها أحدث بكتير من تحصينات وعوائق #خط_بارليف اللي الاسرائيلين قرفونا بالتصريحات عنه... لدرجة انه كان حافر أخاديد و ترع بالكيلومترات ماليها بترول علشان أي قوات تحاول تعبرها تولع فيها فوراً👇
33/ده غير غابات الألغام اللى زرعها صدام و كثافة الدبابات و المدفعية و الصواريخ المُجنحة #كروز الصينية المتطوره قصيرة و متوسطة المدى👇
34/المفاجأة بقا إن القوات المصرية صدمت قوات التحالف انها دمرت كل منصات الصواريخ بعيدة المدى في العُمق الكويتي و اقتحمت كل التحصينات العراقية ودمرت كل تحصيناته بسرعة واحترافية عالية فاقت كل معدلات العلوم العسكرية وبأقل الخسائر وبخطط و تكتيكات محدش شافها أو درسها قبل كده😃👇
35/دخلت القوات المصرية #الكويت قبل الوقت المحدد ب(10)ساعات😃و قبل التفاف القوات الأمريكية من الشمال ..الأمريكان أوقفوا تقدم القوات المصرية لغابة ما توصل عناصر امريكية علشان تتصور المدرعات الامريكية في شوارع الكويت بالعلَم الامريكي في نشرات الأخبار على إنها هي اللي حررت الكويت😃👇
36/سيبك بقا من كل اللي فات ده وركّز في اللي جاي لأنه أشد..وقت #حرب_الخليج كامت أمريكا فرحانة ب(3) أسلحة وعاملاها بفزّاعة للعالم كله وكانت صورهم بتتعاد في كل النشرات بكثافة على إنها أحدث وأفخر التكنولوجيا العسكرية الامريكية و هم دول اللى هيخلصوا في الحرب دي و أي حرب مستقبلية 😃👇
38/ المفاجأة بقا إن الجيش المصري علّم على الأمريكان علامة عمرهم ما هينسوها...لأن الجيش المصري كان السبب إنه يطلّع سلاحين من ال(3)اللي صورهم مشرفة في التغريدة (37) من الخدمة بشكل نهائي وإن السلاح التالت يدخل في مرحلة إعادة تصميم من أول وجديد طيب ازاي الكلام ده...تعالوا نشوف 👇
39/أولاً نتكلم على المرحومة اللي في الصورة دي وهي الطائرة الشبح #بي_117 الطائره الشبح كانت مصممة إنها لا يمكن كشفها بأي وسيلة على أي رادر يعني تدخل أي دولة و تضرب أي أهداف من ارتفاعات عالية و محدش يشوفها و لا يعرف جات منين و لا راحت فين 👇
40/الدفاع الجوي المصري توصّل لنظريةو طريقة عبقرية لاكتشاف الطائرة دي على الرادار باستخدام رادارات قديمة مُعدلة في سلاح المهندسين المصريين(وما أدراك ما هو سلاح المهندسين المصريين 😃) تعمل على الموجات عالية التردد (UHF) اللى كانت بتستخدم في الحرب العالمية الثانية👇
41/فكانت #حرب_الخليج أفضل فرصة لتجربة الرادار وأول لما راحت وحدات الدفاع الجوي و شغلت الرادار كانت الطائره الشبح #بي_117 منورة على الرادار المصري ولا قمر 14😃👇
42/الجماعة الأمريكان عملوا مشكلة كبيرة وقتها وكأنهم كانوا بيحلّفونا منقولش لحد الاكتشاف ده لأن كده هيروح عليهم مئات المليارات المدفوعة لتصنيع الطائرة دي لانها فقدت أهم ميزه لها وأصبحت طائرة عادية زيها زي أي طائرة مقاتلة أخرى 😃👇
43/ ولأن فيه تعاون تقني كبير في الدفاع الجوي المصري من زمان ما بين مصر و روسيا و أوكرانيا و يوغوسلافيا استعار الصِرب نفس النظرية المصرية في إسقاط نفس الطائرة الشبح #بي_117 👇
44/في أول طلعة للطائرة الشبح #بي_117 الأمريكية في حرب يوغوسلافيا وانتشرت وقتها نكتة هناك و هي(مكناش نعرف انها بتظهر)😃 ومن ساعتها الطائره دي طلعت من الخدمة 😃👇
45/السلاح الأمريكي التاني اللى اترمي برضه في الزبالة بسببنا هي منظومة #باتريوت_1 و بسببنا تم إدخال تعديلات كتير عليها و تم إنتاج جيل جديد تماماً منها ..مبني على كتير من المنظومه المصرية😃👇
46/الجماعة الأمريكان أول لما راحوا #السعودية نشروا بطاريات الباتريوت لمواجهة الصواريخ العراقية وبالمناسبة ثمن بطاريات الصواريخ دي كان غالي جداً و تكلفة تشغيله عالية جداً جداً ومع ذلك كان الجماعة الأمريكان بيقولوا فيها شِعر و انها منظومة لا تُكرر👇
47/المهم إن وحدات الدفاع الجوي المصري نشرت نظام صواريخ مصري 100% وكمان رخيص جداً مُضاد للطائرات والصواريخ و أي حاجه بتطير على ارتفاعات منخفضة ...وغير قابل للتشويش و اسمه #نظام_آمون 😃👇
48/ القوات العراقية لما ضربت قوات التحالف بصواريخ #كروز المُجنحة بكثافة فشلت بطاريات #الباتريوت في اسقاط أي صاروخ منها😃 أما النظام المصري قضى علي أي صاروخ سواء كان سكود او كروز في القطاعات المنتشر فيها ودي كانت ضربة قاضية أخرى للسلاح الأمريكي 😃😃👇
49/وراحت #الكويت تعاقدت مع مصر لشراء #منظومة_آمون المصرية..وطبعاً الجماعة الأمريكان عملوا مشكلة كبيرة وقتها للضغط على مصر لبيع عدد من البطاريات دي ليها 😃👇
50/وانتهت المشكلة ببيع مصر لعدد من بطاريات #منظومة_آمون لأمريكا ..بس في مقابل أيه يا عم الحاج..في مقابل صفقة كبيرة من طائرات #الأباتشي اللى كان الجماعة الأمريكان بيرفضوا بيعها لمصر ما هو انت مش احسن مني 😃👇
51/ المهم إن الجماعة الأمريكان من بعد القصة دي بدأوا في تعديل تصاميم صواريخ الكروز الأمريكية لأنها هي كمان فقدت قيمتها بعد وجود نظام دفاع جوي مصري إسمه #منظومة_آمون بيصطادهم زي الذباب😃👇
52/الخلاصة هنا في إنك تستنتج حاجة مهمة جداً وهي إن السلاح الأمريكي والتكنولوجيا الأمريكية قبل ما تطلع و يتم نشرها للقوات الأمريكية بيكون الجيش المصري جاب تفاصيلها واشتغل على أسلحة لمواجهتها وإخراجها من الخدمة أساساً وهو قاعد ساكت..وفي حاله 😃👇
53/يعني الجيش المصري محدش بيعرف أيه اللى توصّل له غير بالصُدفة البحتة ..وعايز اقول لك إن ده سبب إصرار الجماعة الأمريكان على عمل مناورات #النجم_الساطع مع الجيش المصري لأنهم بييجوا يتعلّموا عندنا ويشوفوا أيه الجديد اللي وصلنا له طبعاً بشكل محدود ومانجلكش في حاجة وحشة 😃👇
54/علشان كده لما ألغت أمريكا مناورات النجم الساطع اعرف إن الأمريكان هم الخسرانين مش احنا 😃👇
55/وطبعاً مش محتاج اوصف لك وجوه الجنود الأمريكان وقاداتهم كان بيحصل فيهم أيه أيام المناورات...ولا لما كانت حبيبة قلب القوات الجوية المصرية #الميج_21 القديمة وهي بتسقط الطائرة F15 الامريكية الحديثة في سلاح الطيران الأمريكي 😃👇
56/ولو جينا نتكلّم على #القوات_الخاصة_المصرية فحدّث و لا حرج فإذا كان بيتقال إن القوات الخاصة المصرية مُصنفة إنها السادسة على العالم ومواقع تانية بتقول إنها الرابعة ..ولا يلزمنا ده ولا ده ولا أي حد يقول لنا تصنيفنا أيه 👇
57/لكن المؤكد بقا إن قوات الصاعقة البحرية المصرية هي الأولى على العالم وبدون منازع وعلى فكرة ده مش من النهاردة... لأن الصاعقة البحرية المصرية مفترية وسابقة العالم بسنين ضوئية ومتفوقة علي أي مثيل لها في اي جيش في العالم من أكتر من(50) سنة من أيام الهجوم على ميناء إيلات (3) مرات 👇
58/ولغاية النهاردة أي معدلات بتعملها اقوي صاعقه بحرية في العالم شوف هي قد أيه و اضربها حضرتك × 2 يطلعلك معدلات التنفيذ المصرية ومقدرش اقول أي تفاصيل تانية أكتر من كده 😃👇
59/ وبدون الخوض في التفاصيل زي ما قولنا..والعسكريين يفهموا الكلام ده كويس جداً إن فيه كتير من الطيارين المصريين و قائدي القطع البحرية و قائدي المشاة و المدرعات ليهم تكتيكات ومناورات وخطط مُسجلة بإسمهم في العلوم العسكرية و فيه تكتيكات لم يفعلها إلا ضُباط مصريين حتى الآن😃👇
60/ القصة هنا إنه ممكن يعرف أيه السلاح اللى عندك سواء كان شرقي أو غربي..لكن اللي بيجننه حرفياً انه ميعرفش لما المنظومات دي تتحط وتشتغل مع بعض هيكون الناتج بتاعها أيه؟ وحتى لو عرف أكيد مش هيعرف عقل الفرد المُقاتل اللى بيطوّر فيهم واللي بيستخدمهم ممكن يطلّع ناتج شكله أيه 😃👇
61/والأهم من كل ده واللى يجننه أكتر إن الجيش المصري مش بيتكلم و لا بيقول حاجه ساكت وده #الردع_الصامت اللي قولنا عليه في بداية السرد ودي تلخص كلمة الرئيس #السيسي : الجيش المصري نار لا يتلعب بيه و لا يتلعب معاه 💪🇪🇬👇
62/الجيش المصري هو الجيش الوحيد في العالم اللى حارب بالسلاح الشرقي وحارب بالسلاح الغربي بعد ما حفظهم بالمللي وطريقتهم في القتال ناعيك طبعاً عن إن الجيش المصري عنده خبرات متراكمة كتير جداً 👇
63/وكمان الجيش المصري مش مجرد مُستخدم للسلاح ولكن مُطور له بمعني إن أي سلاح له نقاط قوة و ضعف فنقاط ضعف السلاح الشرقي بيكملها بالسلاح الغربي والعكس و بعدين يضيف الجيش المصري ابتكاراته عليه فيكون الأداء و الناتج خُرافي و كمان بأقل التكاليف👇
64/ يعني ممكن تلاقي منظومة دفاع جوي فيها رادار شرقي على صاروخ غربي وعليهم ابتكارات مصرية من الخبرات المتراكمة فممكن يطلعلك منظومة رخيصة التكاليف و بتدي نتائج أكبر بكتير من منظومات شهيرة وغالية جداً ده بخلاف استثماره واعتماده على الفرد المقاتل اللي بيستخدم السلاح زي ما قولنا👇
65/فالنتائج دائماً بتطلع خارج التوقعات و خارج المقاييس العسكرية..ولو حد فكّر يهجم عليه هيبقي داخل الحرب و هو مش عارف ايه نقاط الضعف و القوة في السلاح المستخدم فعلياً علشان يلعب عليها وده في حد ذاته ردع قبل أي معركة 😎👇
66/زي اللى حصل في #المناورة_بدر الكبرى سنة 1996م اللى أرعبت إسرائيل و أمريكا ....وتعالوا نشوف أيه اللي حصل في المناورة دي يلا بالمرة 😃👇
67/سنة 1996م تم تنفيذ #المناورة_بدر و هي من أكبر المناورات اللي تمّت في تاريخ القوات المسلحة المصرية واشترك فيها الجيش الثاني والثالث الميدانيين كاملين مع القوات الجوية و الدفاع الجوي و الوحدات الخاصة و (70) قطعة بحرية😃👇
68/وكانت المناورة بدر بتحاكي صَد هجوم محدود من الجبهه الغربية و الجنوبية زي أي مناورة عادية👇
69/بالمناسبة لما تسمع ان الجيش المصري بيعمل مناورة إعرف إن دول كتير جداً بتطلب تبعت مُراقبين عسكريين و خبراء يحضروا المناورات دي و بيركز اقماره الصناعية لمراقبة اللي بيحصل لأنها بتبقى فعلاً فُرجة و بيشوفوا أيه الجديد عندنا😃👇
70/المهم لما بدأت المناورة بدر ..وبدون سابق إنذار صدرت أوامر عليا مفاجئة حتى لقادة الجيش بتغير الأوامر وشكل المناورة لصد هجوم كاسح من الشمال الشرقي يعني من إسرائيل ...يعني محدش من القوات أو القادة كان مُستعد لحجم و شكل المناورة 👇
71/ودي كانت مفاجأة لإسرائيل اللى دب الرعب فيها وذكّرها بمفاجأة #حرب_اكتوبر لأن معدلات التنفيذ تخطت معايير العلوم العسكرية وبالذات ازاي جيش من (23) سنة في حالة استرخاء عسكري بعد آخر حرب شاملة حاربها يقدر يوصل للمعدلات دي في حجم مناورة بالضخامة دي 😃👇
72/الجيش الثاني والثالث الميدانيين نجحوا في الاستنفار والجاهزية لتنفيذ الأوامر الجديدة في (11)دقيقه فقط(طبعاً انت لما تقوم من على السرير بتاخد اكتر من كده)وتم نقل نصف معدات وقوات الجيش المصري عبر قناة السويس داخل سيناء في(6)ساعات فقط وطبعاً المعدلات العالية رعبت إسرائيل حرفياً 👇
73/راح الجيش الاسرائيلي استنفر للحالة الأولى و تدخلت أمريكا علشان تستفسر أيه اللي بيحصل ده ؟!! وطالبت مصر بعدم تكرار هذا الاستفزاز مرة أخرى وكانت أزمة كبيرة ساعتها ...و لكن في وقتها كانت رسالة لإسرائيل واضحة وطبعاً الرسالة وصلت😃👇
74/ووقتها أصدر مركز الدراسات العسكرية للبنتاجون أكتر من (11) دراسة تفصيلية عن المناورة دي وحتى الآن المناورة بدر هي مجال نقاشات في مراكز الدراسات العسكرية و الاستراتيجية على مستوى العالم😃👇
75/بصراحة كانت حاجة مذهلة فعلاً لأن لأول مرة العالم يشوف في مناورة بالحجم الضخم ده كمية القوات دي الطائره الميج بتطير جنب ال F16 و الدبابة الإبرامز و M60 الأمريكية ماشيين جنب الدبابة T54 و الدبابة T62 الروسية😃👇
76/ومجنزرات النقل الشرقية والغربية و منظومات الدفاع الجوي الشرقية والغربية و المصرية وكل ده شغال مع بعضه في تناغم رهيب و بيتم استخدامهم بحرفية شديدة جداً 😃👇
77/وبالمناسبة وده برضه مش سر بس معلومة...إنت تعرف إن الإسم الكودي للجيش المصري عند CIA إسمه #الصخرة والجماعة الأمريكان بيعملوا له ألف حساب لأن قوته تكمن في عقيدته القتالية و الإدارية لأن الجيش المصري أفضل جيوش العالم إدارياً وأنجح منظومة موجودة في مصر👇
78/ونجح الجيش المصري إنه يطلع نفسه تماماً من اعتماده على أي قطاع مدني و أصبح يعتمد على موارده الذاتية سواء في التمويل أو في احتياجاته اليومية من أكل و شرب وتموين و نقل وخلافه ...طبعاً علشان لة قامت حرب مفيش مخلوق يتحكم فيه ولا يأثر عليه ..علشان كده خونة الوطن بيطالبوا بميزانيته👇
79/زي كده بنزينات وطنية اللي تم اختيار أماكنها استراتيجياً لخدمة القوات المسلحة في أوقات الحروب...أما في وقت السلم زي دلوقت فبتخدم عادي المدنيين 😃👇
80/ وزي #مصانع_المكرونة يا منى 😃 و الجمبري وغيرها.. اللى امكانياتها تقدر توفر الغذاء لمليون و نص جندي مستدعى احتياطياً وقت الحروب و لكن لأننا في حالة سلم والعدد ده مش مُستدعى حالياً فبتستخدم طاقتها في المجال المدني👇
81/تقارير البنك الدولي قالت ان مخصصات الجيش المصري في الموازنه لا تتعدى 2% من موازنه الدولة ودي حقيقة فعلاً...أيه ده أومال الجيش بيجيب الحاجات دي كلها منين ؟! 👇
82/بيتم تمويل كل اللى اتكلمنا عليه ده من موارد الجيش الخاصة ومشاريعه الانتاجية يعني مش بياخد حاجه من حد زي الفاشلين الكذابين و الأغبياء والجهلة والمتآمرين و دلاديل نشطاء السبوبة ما بيقولوا إن 40% من الموازنة و الاقتصاد في ايد الجيش..اتنيل😃👇
83/يا ترى عرفتوا دلوقت ليه هيموتوا لإسقاط الجيش المصري وليه هيموتوا لكشف ميزانية الجيش و التسليح والجيش بيعمل مكرونه يا منى و لازم نراقب الميزانيه يا مني ؟ والجيش مكانه على الحدود يا منى 😃😃👇
84/يعني الشاب الكيوت اللي بنطلونه ساقط لما يقرأ الكلام اللي فوق ده مش هيعجبه وهيقولك فشر وكدب وهيقول لي أيه يا عم الحاج اللي انت بتقوله ده انت بتتكلم عن الجيش المصري وكانك بتقول انه لو مصر حاربت امريكا بكره هتمحيها من الوجود دي امريكا يابا انت هتقارن جيشنا بأمريكا ؟!! 👇
85/عارفين الرد هيكون أيه على الشاب ده ... فعلا المفروض الجيش المصري مينفعش يتقارن بالجيش الأمريكي لأن القوات المصرية البرية اقوى منها بكتير جداً...لكن هما اقوى جوياً و بحرياً….. لكن الدنيا مش بتتحسب بالشكل ده ازاي بقا ؟!! ...هقولك جايز تفهم 😃👇
86/أنا عايزك تجيب لي حرب واحدة برية دخلتها امريكا و انتصرت فيها😎
👈فيتنام
👈لبنان
👈العراق
👈افغانستان
ده حتى الصومال القوات الأمريكية دخلت تعتقل #محمد_فارح_عيديد في التسعينات وكانت النتيجة إن القوات الخاصة الامريكية اتدبحت هناك و اتعمل عليهم حفلة وكانت فضيحة 😃👇
👈فيتنام
👈لبنان
👈العراق
👈افغانستان
ده حتى الصومال القوات الأمريكية دخلت تعتقل #محمد_فارح_عيديد في التسعينات وكانت النتيجة إن القوات الخاصة الامريكية اتدبحت هناك و اتعمل عليهم حفلة وكانت فضيحة 😃👇
87/أما بالنسبة لميزة التفوق الجوي فده ممكن يتم تحييده تماماً وده حصل قبل كده و على ايد الجيش المصري لما تم تحييد أحدث الطائرات الامريكية وقتها اللى كانت بتستخدمها اسرائيل في أكتوبر 1973م تماماً و اشتغلنا عليهم بالقوات البرية اللى هي بتحسم المعركة بالفعل💪👇
88/شوفوا مصر عمرها ما هتحتل بلد تانية ودايماً اللى هيحاربنا...هيحاربنا على أرضنا أو في نطاق مجالنا الحيوي فلو عايز يجي يتفضل ...عايز تجرّب قرّب...وعلشان كده مفيش حد بيجرؤ حرفياً إنه يفكّر لأنه عارف الرد على الأرض ولذلك أحداث #غزة الحالية استفزاز للجيش المصري للحرب خارج أرضه 👇
89/ثانياً بقا وده الأهم مفيش جيش شريف في العالم أو في التاريخ تم هزيمته و هو بيحارب معركة عادلة و بيدعمه شعبه بجنون زي الشعب المصري ما بيعمل (طبعاً باستثناء أصحاب البناطيل الساقطة 😃) 👇
90/طبعاً التفاصيل عن الجيش المصري كتير جداً لكن مش كل حاجه ينفع تتنشر...لكن لازم تعرف إن جيش مصر جيش عظيم جداً و شريف جداً و بالفعل قوته من شرفه و لا عزاء للخونة و الحاقدين...وافتكر إني في بداية السرد قولتلك إن دي ذرّة من قدرات الجيش المصري..تحياتي لحضراتكم ✅️🔚
جاري تحميل الاقتراحات...