⭕️♟️Chess Kingdom♟️⭕️
🇲🇦 المغرب 🇲🇦 نطل طلة عليهم كدة😅
📌 ماذا لو 👈🏻 زلزال المغرب متفق عليه 🤔
من قبل الزلزال بأسبوع كده الراجل الهولندي اللي بيقولوا عليه عالم ده قال ان في زلزال هيحصل قريب جدا
و قعد يظهر خرايط كده وكان التركيز علي الدول المطلة علي البحر المتوسط
🔸صراحة انا قعدت الدور علي مصر و موقعها
و لقيت انها في نفس حزام الصفايح التكتونية بتاعت اسرائيل و الاردن و فلسطين و اليمن .. قولت لا احنا في أمان
الراجل ده تابع للمنظومة بلا أدني شك عندي 👌🏻👌🏻
🔸 قطر خلاص دورها انتهى او كارت و اتحرق
المهمة التخريبية اللي كانت بتقوم بيها اتكشفت .. و خصوصا بعد ناس كتير فضحت شبكة عزام التميمي و وضاح خنفر وعلاقتهم بالمخابرات البريطانية
مين دولة عميلة تاني في المنطقة 👈🏻 المغرب .. و لكنها دولة منبوذة و معزولة
ف ايه رأيك يا ملك لو نعملك زلزوول صغنن كده .. تصعب علي العرب و نكسر بيه عزلتك و نرجعك للصف تاني 🤔
سمعا و طاعا يا سيدي الدوق
▪طب هل ممكن الاجرام يوصل لكده 🤔
اللي يبيع روحه للشيطان بيفقد آليات التفكير المنطقي و بيكون مجرد مهرج بينفذ و بس 👌🏻👌🏻
📌لكن هل العزلة دي هتنكسر 👈🏻 لأ
زوربيح الاتفاقيات اللي نفذتها المغرب مع اسرائيل خلال 2021 / 2022 / 2023 .. حاجة مريبة لكل العرب
ندالتك و خستك صارت قصة نحكيها لأحفادنا يا شمس يا ولدي .. علي راي الشيخ عتمان 😏😏
ده واحد عامل اتفاقية امنية و مخابراتية و تبادل معلومات مع كيان بيصرف 3 مليار شيكل كل سنة علي تجنيد و تطوير شبكة جواسيسه جوا الدول العربية 👌🏻👌🏻 .. ف انت هتتخابر معاه علي مين غيرنا يعني 🤷🏻‍♀️
ف المحاولة دي هتفشل
و بعد ما الليلة تتلم هيرجع الوضع كما كان
و الجزائر هترجع للحشد ضد المغرب في قضية الصحراء المغاربية 👌🏻
و تعديل دور المغرب في المنطقة هيفشل .. و مش هيقدر يزقه تاني داخل الصف العربي عشان يقوم بنفس دور قطر
لا عنده اعلام
و لا عنده امكانيات ابو شبشب بفلوس و مليارات تتصرف علي الجزيرة و ما شابه
الدور التأميني اللي كانت قطر بتلعبه لاسرائيل .. محدش يعرف يحل محله .. و بعد اللي اتعرض له الاسرائيليين في الدوحة وقت كاس العالم غضبوا عليه
و هو اساسا قاعد مقهور علي ال 300 مليار دولار و نص اللي راحوا في الهوا 🙄
و دور المغرب الجديد اكيييييد مش متعلق ب اسرائيل
اكيد متعلق ب وجودها في افريقيا .. و ازاي يدخلها في العمق الافريقي عشان يبوظ خطط روسيا و الصين فيها
📌 فرنسا لما كانت بتسرق اليورانيوم مكنتش بتاخده لوحدها .. كانت بتصدر منه ل لوبي المفاعلات في اوروبا و مريحاهم
و لما غاز روسيا وقف مكنوش بنفس التوتر بتاع ألمانيا و النمسا مثلا
📌 و الدهب اللي كان بيتسرق كان بيطلع ل امريكا عمولتها بردووو
دول افريقيا مش طردت فرنسا و بس ... لا ده ألغت كل الاتفاقيات الاقتصادية بينها و بينهم
و دولة زي النيجر رفعت سعر اليورانيوم للسعر العالمي .. كانت فرنسا بتاخده ب 8 دولار
📌 هنا فرنسا هددت بالعملية العسكرية و مش عايزة تسحب السفير اللي متحاصر جوا السفارة بقاله 3 اسابيع كاملة .. و ماكرون بيدعي ليل و نهار ان الجيش النيجري يقتله عشان يقلب العالم علي النيجر و ياخد الناتو و ينزل يدك في افريقيا كلها 👌🏻
📌 لكن اللي معملش حسابه هو نزول روسيا علي خط المواجهات هناك
و نقل نائب وزير الدفاع الروسي يونس بك يوريكوف ل بوركينافاسو وبقا تحت قيادة ابراهيم تراوري " ظاهريا طبعا " .. و قابل اسيمي غوينا رئيس مالي و وضع لهم الخطة العسكرية في حالة حدوث هجوم علي النيجر
📌 النقلة دي خلت ايكواس ترجع 20 خطوة للخلف 👌🏻
بالعقل كده الجنرال الحديدي زي ما بيسموا يونس يوريكوف مش نازل لوحده .. ده نازل عشان يقود قوات فاجنر اللي تم نقلها من اوكرانيا و سحب الباقي من كينيا و غينيا
و ده اللي قاله وزير دفاع كينيا .. ان فاجنر اغلقت مكتبها في نيروبي و انسحبوا للعودة ل روسيا بعد مقتل بريجوجين
ناس طيبين اوي يا خال 🙄🙄
📌لما ايكواس اخدت خطوات للخلف

ماكرون بدأ يتراجع بشكل خفي
و يقول احنا مش هنتدخل عسكريا في النيجر إلا لو محمد بازوم بصفته رئيس البلاد طلب ده ... محمد بازوم قيد الاعتقال و محدش بيشوفه و لا عارف له مكان
الطيارة اللي راح بيها ابراهيم تراوري للنيجر و ظهر علي خط الجبهة بيحمس الجنود .. و بعدين دخل مع عبد الرحمن التيتاني في اجتماع و بعدها الطيارة اتحركت بدون مراسم وداع 🤔 ... حسوني نائب محمد بازووم بيقول انه مش عارف يزوره 🤔
محمد بازووم مش في النيجر .. ده معتقل عند تراوري
عشان يبقا كارت مساومات فيما بعد .. او لمنعه من التواصل مع اي حد من الخونة حاشيته
📌 الجابون بقا جابت من الاخر
هو انتوا مش يهمكوا الراجل بتاعكم
خدوووا علي بونجو اهو و لاااا يشغلنا .. و سمحوا بسفر علي بونجو و ابنه و اسرته بعد ما اجبروه علي تحويل اجزاء كبيرة من الفلوس المنهوبة للجابون تاني
كان عنده ثقة ان فرنسا بتحميه اخدته ورا مصنع الكراسي .. لدرجة ان حسابات بنكية كتير له كانت معلومة
اكيد معندوش ولد اسمه جمال كان شغال مصرفي في اكبر بنوك انجلترا و اللي بيسهل عمليات تحويل الاموال لبنوك سويسرا دون تتبع 😏 .. شوفت يا بونجو فايدة ان يكون عندك ابن اسمه جمال .... اتعلمووووها بقا اما عالم غشيمة صح 🙄
لا كده بقا نحتاج قليلا من القهوة مقدار شوب حجم كبير كده عشان نكمل ........
📌 التحالف الافريقي ضد فرنسا
وقف اليورانيوم .. طرد العملاء بتوعها .. الغاء الاتفاقيات
خلي ماكرون يتخبط
صراحة معاه حق 😁
ده يفسر تصرفين بالنسبة لي :
▪الهجوم الارهابي اللي حصل في مالي و ضحايا مدنيين كتير و عدد كبير جدا من الارهابيين اتجرأوا و دخلوا علي عمق مكنوش بيدخلوه قبل كده 🤔
و آلية الهجوم نفسه كأنه حرب .. استخدموا فيه مدافع
جتلهم من تشاد و لا ايه 😁
▪بعد الهجوم بساعتين ماكرون اعرب عن اسفه لسقوط ابرياء ماليين ضحية الاشرار النوتي الارهابيين اللي نفذوا هجوم جديد الاستراتيجية علي مالي
طب انت عرفت منين ان كانت مالي نفسها أعلنت بالليل عن التفاصيل 🤔 .. و لا انت اللي مخطط للهجوم و ناقل المرتزقة من تشااااد 🤔
يا اخي اساليبكم الوسسسخة مبتتغيرش .. ولاية سينا بتقولك انهم بقوا ولاياااا سينا اتعظ بقا 😏
📌 رد فعل اسيمي غوينا علي اسف ماكرون و عرضه المساعدة لمواجهة الارهاب .. و ان القوات الفرنسية كانت بتمنع كل وجع الدماغ ده يا عيني
قال 👈🏻 سنتكفل بحماية اراضينا دون الحاجة الي مساعدات من مستعمر 👌🏻
شكلك وحش اوي اماكرون الصراحة .. وان كنت انا رتبت الاحداث و فهمت انك اللي ورا الهجوم الكبير ده ... جوينا مش هيفهم يعني جتك الارف في البومة اللي معاك 🫤
🔷🔶 و ده بردووو يخليني أفهم خناقة الاتحاد الاوروبي اللي عملها ماكرون
خلااااص احلامه بتتبدد في استعماره لدول افريقيا .. ميقدرش ياخد قرار الزج بالجيش الفرنسي في معركة في الجنوب و هو عارف ان بوتين مستنيه تحت 😁 ومعاه كل الغل اللي جوا جنرالات الافارقة تجاهه گ مستعمر
و ان دول الشمال الافريقي زي مصر و الجزائر مش هتسمح بفتح المجالات الجوية لطائراته و اعتقد تونس كمان
ليبيا دي متحسبش
فالمعركة البرية هترجعله جنوده ملفوفين في ورق زبدة زي الكرواسون كده .. و مش هتبقا نهايته گ رئيس .. ده هيتحاكم عسكريا و ده شعب بيعشق يعدم حكامه 👌🏻
فكرة المقصلة اساسا فكرة فرنسية ايام الثورة الفرنسية علي ماري انطوانيت و جوزها المهزق ده
📌 كان لازم ماكرون يكون عنده خطة بديلة
و هي الحشد و استخدام فزاعة روسيا و الصين
خناقة الاتحاد انه عايز يعتبر الطاقة الكهربية من المفاعلات طاقة خضراء
و ان لازم الاتحاد الاوروبي ومعاه الحليفة امريكا يطوروا نشاطهم في الاتجاه ده .. للتفوق علي روسيا و الصين و التصدي لتمددهم داخل افريقيا و اسيا علي حساب المجد الاوروبي
📌ماكرون بيلعب لعبة الموت هو رووخر و بينصب علي الاتحاد الاوروبي
يعني مثلا تعهد ببناء 6 مفاعلات جديدة في فرنسا هتدخل الخدمة في 2035
و في المقابل عايز 50 مليار دولار قرض من بنك الاستثمار الاوروبي .. و بيحث البنك ده انه يمول اي دولة هتبني مفاعلات باعتباره هدف قومي و أمني للقارة العظيمة " علي حسب كلامه 😏"
( بنك الاستثمار الاوروبي ده مقره لوكسمبورغ هو القوة المالية الضاربة في الاتحاد الاوروبي .. فلوس رجال الاعمال و المؤسسات و المنظمات كلها هناك .. لوكسمبورغ دي اوضة و صالة بس بلاوي اوروبا و ملفاتها السودا كلها هناك )
يعني ماكرون عايز 40 مليار دولار من صندوق النقد لاعادة هيكلة الرواتب و المعاشات .. و عايز 50 مليار دولار من بنك الاستثمار الاوروبي عشان 6 مفاعلات جديدة هتشتغل بعد 12 سنة 🤔 .. هو انت هتكمل معانا 12 سنة كمان و لا ايه حكايتك انت 🤔

و بعدين ليه 50 مليار دولار .. ما الصين لسه مخلصة 6 مفاعلات من خطة ال 23 مفاعل الجداد بتكلفة 17 مليار دولار بسسس
إنتي بتنصبي علي الاتحاد الاوروبي يا كرواسوناية إنتي 😁😁
ما عليناااا
لكن هنا النزاع الاوروبي هيتأجج من جديد
لأن ألمانيا رافضة الخطوة دي و رافضة العودة للطاقة النووية من وقت قرار ميركل في 2011 بعد كارثة فوكوشيما ... ومعاها بلجيكا و اسبانيا و النمسا و الدانمارك و كام دولة كده عايزين العودة للغاز الروسي
و ماكرون بيتهم شولتس بالانبطاح للضغط الروسي و شولتس بيتهم ماكرون انه عايز يورط الغرب في افريقيا عشان مصالحه الخاصة و فقدان سيطرته علي المستعمرات القديمة
و حاجة اخر قلة ادب و مشفوش ربع ساعة تربية الاتنين 🙄🙄
🔷🔶 التخبطات دي بينتج عنها دايما اما فضايح او قرارات عبيطة او تصرفات انتقامية
ف ندع الايام بقا تأتي بحملها
🔵 صفقة التطبيع السعودي مش هتتم بنسبة كبيرة :
يائير لابيد زعيم المعارضة الاسرائيلي حاطط العقدة في المنشار من ناحية .. " و الطموح يعز المنشار قد عينيه الحقيقة 😂"
في نقطتين لما قعدت افكر فيهم امبارح خدوني لسكة مختلفة كده ... ما انا منمتش و قعدت افتش في الميديا و التلفزيون الصهاينة عشان أوصل لتفاصيل اربطها ببعض .. هموت أوڤر دوز تفاصيل انا عارف😞
📌 يائير لابيد رافض تماما فكرة التطبيع مع السعودية و شايف ان اضرارها أكبر من نفعها .. و اعترض مع كل المعارضة علي تخصيب اليورانيوم علي أرض المملكة .. و قال ل چيك سوليفان ان روسيا تعد قنبلة نووية في مصر و ان مفاعل الضبعة ده ستار علي ما تجهزه مصر و روسيا
لو سمحنا بمفاعل تاني في السعودية لا نملك له اي ضمانات مستقبلية يبقا بنحاوط اسرائيل بمصر و السعودية و بننهي وجود اسرائيل
بيرتشي عامون واحد من المعارضة بيحاول يمسك العصاية من النص فبيقترح ان المفاعل السعودي يكون تحت ادارة اسرائيلية ... يعني الصهاينة هما اللي يديروه و يشغلوه و السعودية ملهاش دعوة بالمفاعل ... يا اخي .... ده انت لو مأجر الكعبة مش هتبقا بأم البجاحة دي 🙄🙄
Chess Kingdom♟️♟️