الأوقات دي بيحصل فيها إعادة تشكيل الوعي الجمعي للمجتمعات لأنها بتتسمى collective experince،وده مش هيظهر دلوقتي لأن الحدث في مرحلته ال acute بلغة الطب وعلم النفس،صحيح متكرر ومش مفاجيء لكن على scale أكبر ومُكثف ومتوثق life والتوثيق المُباشر المُكثف ده جديد نسبيًا على الإنسانية.
1
1
محدش حاليًا مهما بلغت حكمته وقدراته التحليلية يقدر يتنبأ بطبيعة التغيرات اللي ممكن تحصل على مستوى الوعي الجمعي والفردي سواء للي جوا الحدث أو اللي بيتفرج وبيعتبره بيمسه أو اللي بيتفرج وهو منفصل عنه نفسيًا.
ده طول الوقت بيحصل في الكون لكن كل جيل وحقبة زمنية لها نصيبها الشخصي.
2
ده طول الوقت بيحصل في الكون لكن كل جيل وحقبة زمنية لها نصيبها الشخصي.
2
في المرحلة الacute أو النشطة أو الحادة بتكون الحيل الدفاعية بأنواعها (محاولات المُخ البشري للنجاة من الألم او الجنون) والإندفاعات العاطفية(محاولات التعبير عن المشاعر العنيفة المُكثفة لتجنب الانهيار على مستوى الأفكار والمعنى الذاتي) هي سيدة الموقف وده طبيعي تمامًا بل وصحي وسليم.
3
3
وقد يصل رد الفعل للارتباك أو التجمد أو الهيستيريا،اللي جوا الحدث بتكون دفاعاته أكثر وضوحًا من اللي بيتفرج وحاسس بالعجز عن التدخل، وعشان كده بتظهر بين المتفرجين ظواهر زي الانجراف لمعارك جانبية أو الانغماس في رمي الاتهامات وتحقير الآخر أو الشعور بالدونية التامة مما لا يفيد قضيته.
4
4
أنا بقول كده عشان أفكر نفسي قبل أي حد وعشان أستدعي إيماني وإنسانيتي والمعاني اللي بتحميني مع إدراكي لمحدوديتي في اللحظة دي، لأنها لحظة خارج حدود أي شخص للفهم الشامل.
محدش يتخض من مشاعر الناس في غزة،ولا يتخض من مشاعره،ولا حد يحط نفسه في مكان المحلل لمشاعر وتركيبة الآخر دلوقتي.
5
محدش يتخض من مشاعر الناس في غزة،ولا يتخض من مشاعره،ولا حد يحط نفسه في مكان المحلل لمشاعر وتركيبة الآخر دلوقتي.
5
احترام التجربة الإنسانية للذات وللآخر شيء واجب هنا،ورمي الأحكام محض عدم نضج عاطفي وفكري،وبالمناسبة كان في طبيب نفسي اسمه ڨيكتور فرانكل وهو من اليهود اللي نجو من محارق الهولوكوست وفقد كل عيلته فيها واتسجن واتعذب، اتكلم في كتاب له عن ازاي عقل الإنسان بيحميه وسط ده كله من الجنون.
6
6
دي لحظات صعبة وبشعة جدًا ومش كلنا على نفس المسافة المادية والعاطفية والإدراكية منها،ومش متوقع إن ردود أفعالنا تتوحد،ومهما كان حصل شبهها في تاريخ الإنسانية تظل مهيبة ومُزعزعة للمشاعر والأفكار بل قد تؤثر على السلوكيات ولو بصورة مؤقتة وده طبيعي، لكن يبقى هنا "المعنى".. ما المعنى؟
7
7
والسؤال ده مش مطلوب من حد يوحد إجابته للكل لكن مهم بشكل فردي لتحقيق مفهوم البحث عن معنى وبالتالي قيمة ذاتية، بعدها الوعي الجمعي يتعاد تشكيله تلقائيًا،وكلما استطاع المرء الإمساك بمعنى حقيقي كلما تجنب الصراع الجانبي أوالهزيمة الوجودية أو البقاء في مكان المتعجرف العارف بالأشياء.
8
8
"المعرفة" هنا أو إدعائها مش مهمين بقدر التمسك بقيمة الإنسانية وقبول الهشاشة الإنسانية ومحدوديتها زائد التمسك بقيمة التراحم كقيمة مُحصِنة من الجنون والانتـ،حار عمومًا للفرد ذاته أو اللي حواليه.
دي محاولة كتابة محدودة الإحاطة علشاني وعلشان أي حد بيقرأ في ظل الكرب الإنساني ده.
9/9
دي محاولة كتابة محدودة الإحاطة علشاني وعلشان أي حد بيقرأ في ظل الكرب الإنساني ده.
9/9
جاري تحميل الاقتراحات...