ثريد عن العلم الذي لا ينفع الي خدته من قعدتي على الإنترنت.
هينكل كان يوتيوبر أمريكي يساري وجزء من ال leftTube (يوتيوبرز أمريكان يساريين) والأهم إنه tankie يعني شيوعي بيدعم الديكاتوريات الي بتقول على نفسها شيوعية زي الصين وكوريا الشمالية أو ناس ضد أمريكا زي بشار الأسد
هينكل كان يوتيوبر أمريكي يساري وجزء من ال leftTube (يوتيوبرز أمريكان يساريين) والأهم إنه tankie يعني شيوعي بيدعم الديكاتوريات الي بتقول على نفسها شيوعية زي الصين وكوريا الشمالية أو ناس ضد أمريكا زي بشار الأسد
أغلب اليوتيوبرز اليسارين مبيحبوش ال tankies وشايفينهم بيبوظوا سمعت اليسار الأمريكي بدعمهم لجرايم حرب مادام الي بيرتكبها يا معادي لأمريكا (زي بشار الأسد) أو مجرد بيقول على نفسه شيوعي.
هينكل بالذات كان بيدافع عن بشار وبينكر إنه رمى كيماوي على السوريين في مدينة دوما
هينكل بالذات كان بيدافع عن بشار وبينكر إنه رمى كيماوي على السوريين في مدينة دوما
فوقتها يوتيوبر تاني يساري @VaushV عمل مناظرة مع هينكل على الموضوع علشان يوري أدلة إن فعلا بشار رمى كيماوي. Vaush وقتها كان معروف أكتر من هينكل بمراحل فاستضافته لهينكل على قناته على اليوتيوب، خلت هينكل يتعرف أكتر من باقي ال tankies ووقتها بدأ يكتسب شعبية
في آخر انتخابات رئاسية في أمريكا الي ترامب خسر فيها، كان مؤيدين ترامب في حالة من الهيجان ومكنوش مقتنعين إن ترامب خسر بانتخابات عادلة وشايفين حصل تزوير لصالح بايدن. أغلبية اليسار الأمريكي كان بيدعم بايدن لإنه كان أوبشن أحسن من ترامب مش أكتر بالرغم إنهم مختلفين معاه ونزلوا انتخبوه
ما عدا ال tankies الي كانوا شايفين إن الاتنين أسوء من بعض وقاطعوا الانتخابات وبعد ما ترامب خسر، فيه منهم لقوا فرصة للنصب واكتساب شعبية بإنهم يلزقوا في مؤيدين ترامب واليوتيوبرز والإعلام اليميني الأمريكي على أساس إن هما كمان بالرغم كونهم يساريين فهما زيهم مش بيثقوا في المؤسسات
وبيدوروا على مصلحة الأمريكان وإنهم ينفع يكونوا في نفس الحركة السياسية واتحولوا لإنهم بيدعموا ترامب كمان بس بشكل مش مباشر للدرجة وهينكل كان من ال tankies دول.
وزيادة على ده فهما شاركوا اليمين المتطرف في تأييد نظريات المؤامرة عن لقاح COVID-19 وكملوا في دعم الديكاتوريات عادي
وزيادة على ده فهما شاركوا اليمين المتطرف في تأييد نظريات المؤامرة عن لقاح COVID-19 وكملوا في دعم الديكاتوريات عادي
طول ما الديكاتوريات ديه أمريكا ضدهم مش أكتر فأنكروا حاجات زي اضطهاد المسلمين الإيغور في الصين وجرايم الأسد وروسيا في سوريا ووقفوا ضد هونج كونج وتايوان لحد ما حرب روسيا وأوكرانيا وكلهم طبعا خدوا صف روسيا تماما وفيه أخبار إن بقى ياخدوا فلوس من الحكومة الروسية.
فحاليا مع الي بيحصل في غزة هما راحوا ياخدوا الصف الي ضد أمريكا برده مش أكتر، مش علشان موقفهم الأخلاقي ضد الاحتلال والتطهير العرقي، لإننا زي ما شايفين فهما نفس الناس الي بيدعموا الأسد ومجرمين تانيين عادي جدا وكمان بقت فرصة إنهم يعملوا فلوس كويسة من تويتر برده.
فيعني مش مشكلة إننا نعمل لايكات وندعم هينكل وباقي ال tankies **حاليا** لإنهم صوتهم مسموع ومؤثر بالذات في ناس كتيرة من أمريكا وأوروبا وبيضايق بن شابيرو وأدمن أكونت إسرائيل على تويتر بس محتاجين مننساش إنهم معدومين المبادئ وواقفين مع فلسطين بالصدفة لإنهم بيكسبوا من ده مش أكتر.
جاري تحميل الاقتراحات...