مساء الخير
شوية رغي طويل في قصة السيناتور مينديز .. وعادي نفس دوشة الطيارة حنفكنا من الدوشة وندور في المصدر نفس ما عملنا المرة اللى فاتت
نبدأ الاول من السيناتور نفسه .. السيناتور تم اتهامه في 2017 بتهم تتعلق برشاوي لصالح التدخل لطبيب عيون كان متهم بالنصب على مرضى التأمين الصحي
شوية رغي طويل في قصة السيناتور مينديز .. وعادي نفس دوشة الطيارة حنفكنا من الدوشة وندور في المصدر نفس ما عملنا المرة اللى فاتت
نبدأ الاول من السيناتور نفسه .. السيناتور تم اتهامه في 2017 بتهم تتعلق برشاوي لصالح التدخل لطبيب عيون كان متهم بالنصب على مرضى التأمين الصحي
مينديز تم اسقاط التهم عنه لعحز المحلفين عن التوصل لحكم لادانته "وده عادة لضعف الادلة".. الطبيب نفسه تم اصدار عفو عنه في اخر يوم لترامب في المنصب وزي ما حتلاقوا في الخبر بتاع العفو مينديز والدكتور كانوا اصدقاء لفترة طويلة في عمرهم eu.northjersey.com
مينديز تم اعادة انتخابه مرة تانية وكان مرشح الحزب لانتخابات السنة الجاية .. وبعد القضية بقى رئيس لجنة العلاقات الخارجية..وبقاله 30 سنة في السياسة وطبقا لتصريح زعيم الديمقراطيين شومر في ايميل للاسوشيتد برس انه قدم خدمات جليلة لمواطني نيوجيرسي وله الحق في الدفاع عن نفسه
بمناسبة الحق في الدفاع عن النفس ..الصحف الامريكية بتستخدم مصطلح alleged... اتهامات مزعومة لان المتهم برئ حتى تثبت ادانته..هنا بقى الناس اتهمت والفت قصص وبتحاسب نظام وناسية الفرق بين النظام والدولة ..وان لائحة الاتهام نفسها لم تتهم مصر (كدولة في شئ) وتعالوا نشوف
لائحةالاتهام متعلقة باتهامات من 2018 حتى 2022 .. لاحظ ان 2018 دي السنة اللى بعد فشل المدعي العام في اثبات التهمة على مينديز في القضية الاولى ..ورغم المقدمة العصماء اللى فيها ان مينيديز تعاون مع ويل حنا لخدمة مصالح جمهورية مصر العربية (مش النظام المصري) بس الاتهامات رسميا كالتالي:
1- التأمر لعملية الرشوة كما هو موضح
2-التهمة يمكن ترجمتها "التأمر لعدم القيام بمتطلبات وظيفته بأمانة وليها شرح في ويكبيديا .. التهمة شرحها بيقول ان مينديز لم يقم بمقتضيات وظيفته
3- التهمة يمكن ترجمتها الى تهمة سوء استغلال النفوذ للحصول على ممتلكات وموجهة لمينديز ومراته بس
2-التهمة يمكن ترجمتها "التأمر لعدم القيام بمتطلبات وظيفته بأمانة وليها شرح في ويكبيديا .. التهمة شرحها بيقول ان مينديز لم يقم بمقتضيات وظيفته
3- التهمة يمكن ترجمتها الى تهمة سوء استغلال النفوذ للحصول على ممتلكات وموجهة لمينديز ومراته بس
مفيش سيرة تجسس .. مفيش سيرة نقل معلومات حساسة رغم ان في موقف مذكور في عريضة الاتهام (مش تهمة) بيقول ان تم نقل معلومة ( غير مصنفة كسرية ولكنها ليست للنشر ) عن عدد العاملين في السفارة في القاهرة ونسبة المصريين ..قال يعني معلومة زي دي مش حتبقى معروفة للخارجية والمخابرات المصريين
قبل ما نكمل بحث عن موقف "جمهورية مصر العربية" (مش النظام المصري) في ورق القضية نرد بس على اشهر قصة بتاعة اصله رجع من مصر دور على كيلو الدهب بكام .. الحقيقة ان ورق القضية بيقول ان القصة دي متعلقة بمساعدة مينديز لرجل الاعمال ديابيس اللى كان عنده قضية حاول يتدخل فيها السيناتور
لمساعدته في عام 2022 وهي نفس القضية اللى ديابس دفع فيها المرسيدس (المقدم 15000 دولار) وبعدين اقساط القرض عبر شركته لنادين مينديز وان البحث تم بعد مكالمة ما بين نادين وديابيس.. زي ما مكتوب تحت تم نقل اظرف فلوس لنادين وبعدين تم التدوير على سعر الدهب يعنى فكرت تشتري دهب بالفلوس
طبقا للاسوشيتدبرس حاجة كدة شبيهة "أقرار الذمة المالية" لمينديز في عام 2022 مسجل فيه ملكيته للدهب ..والمفاجأة ان صورة السبكيتين الشهيرتين امعانا في النصب والتشهير والاتهامات الباطلة مكتوب فوقها في عريضة الاتهام ان الارقام المسلسلة على السبايك اثبتوا انهم كانوا ملك لديابيس
بالمناسبة طبقا للاسوشيتد برس ديابيس واحد من اهم المطورين العقاريين في نيوجيرسي واعترف بالذنب في القضية بتاعته ومنتظر صدور الحكم عليه في اكتوبر وطبقا لعريضة الاتهام قضية ديابيس ومحاولة مينيديز التدخل فيها واخدة 17 صفحة تقريبا (نص عريضة الاتهام)
بس زي ما كنا بنكدب ومصرين على الكدب في الطيارة الزامبية حنكدب تاني ونقول مصر هي اللى كانت بتدي الدهب مش ديابيس رغم ان نفس العرص اللى بينشر الكلام ده هو اللى ناشر عريضة الاتهام بس عارف الاستسهال في الكلام وان مش كل الناس حتقرأ عريضة اتهام من 39 صفحة ..وان الكدب بيجيب فرقعة اكتر
بالنسبة لقصة مبيعات السلاح تم تناولها من صفحة 7 لصفحة 10 ..صفجة 7 فيها شرح للموضوع بس المهم القضية متعلقة برفع الحظر عن جزء المساعدات العسكرية والمتعلق بذخيرة الدبابات والاسلحة الخفيفة وذخيرتها عام 2018 لمحاربة الارهاب.. 3 صفحات فقط في موضوع السلاح من 5 سنين في ادارة جمهورية
2018كانت فترة حكم ترامب والديمقراطيين اللى منهم ميندينز كانوا المعارضة.. والمفاجأة متمش رفع الحظر ده غير عبر وزارة الخارجية الامريكية لاعتبارات الامن القومي.. وده نفس اللى عمله بلينكن الشهر ده وحنشرح القصة دي بعدين ..
المهم رئيس لجنة العلاقات الخارجية في الكونجرس وطبقا لعريضة الاتهام شخصيا قابل مسئولين مصريين للدفاع عن حقهم في صفقة السلاح (ِشراء مش معونة) وبعت لويل حنا انه حيوافق على الصفقة بس هل موافقته دي نهائية ؟.. لا الصفقة وافقت عليها الخارجية في سبتمبر بعد شهرين thedefensepost.com
واتنفذت الصفقة في نوفمبر بعد شهرين كمان يعنى موافقته مش نهائية .. ولازم تتعرض على الكونجرس يوافق عليها وبعدين وزارة الخارجية وبعدين وزارة الدفاع.. اللى حصل في القصة دي لوبي مصري عادي ..قابل مسئوليين مصريين في مطاعم عامة وفنادق وفي مكتبه في الكونجرس عبر مصري مهاجر بصفته الرسمية
اما بقى ازاى بعد ما اتحقق الغرض من اللقاءات المسئول المصري يرد بايموجي فالناس بتنسى ان الموافقة دي خطوة اولى وان في لائحة الاتهام ده عمل تطوعى من نادين وان مفيش حتى اتهام رسمي بالاضرار بمصالح الولايات المتحدة لان ده اللوبي اللى بيتعمل في كل حتة في الدنيا
نحب نفكر حضراتكم مفيش اي اتهام موجه ولا حتى تلميح لاي مسئول مصري سابق او حالي ولا حتى اي اتهامات لميندينيز نفسه وكل المتهمين غير المتعلقة بالفساد المالي وسوء استغلال النفوذ ... يعني كل التصرفات من المسئولين المصريين كانت سليمة .. حتى قصة الاخبار اللى بعتتها نادين او اللقاء
اللى عمله مينيديز مع مسئوليين مصريين قبل لقاء موسع مع اعضاء الكونجرس فكلها متعلقة بمقالات وتحقيقات منشورة في الانترنت عادي مش سبق صحفي وده كل المذكور في عريضة الاتهام ..مبعوت روابط اليكترونية مش اسرار حربية ..الصورة الوحيدة لمسئول مصري كانت في عشاء في بيت المسئول
اثناء زيارة رسمية لوفد الكونجرس .. مش تجسس ولا مخابرات ولا ساب له الميكروفيلم تحت كرسي الجنينة .. يا جدعان احترموا عقولنا واحترموا ان الناس بقت بتقرأ وبتدور .. لو شلت اسم مصر وحطيت تركيا ولا الجيران ولا حتى دلال كان زمانها شوفوا القوة وصلت لايه ..
بالمناسبة كلام المحروسة حقيقى وبتقول اقرأوا لايحة الاتهامات x.com
حتسمعوا هري كتير الايام الجاية من العينة بتاعة زيد بنيامين اخو اللى حصل في الطيارة بالظبط ... اقرأوا يا جدعان x.com
اما قصة اللحوم علشان شفت تويتة نكتة ان النظام جاب واحد مسيحي تمويه..ده على اساس ان المسيحيين في مصر مش عارفين الدبح ازاى مثلا؟.. او ان صاحب الشركة بيفتش بنفسه ؟.. طبقا لعريضة الاتهام كان في 4 شركات امريكية اتسحب منهم الترخيص واتحول لشركة ويل حنا وده ضايق الامريكان
علشان رفع التكاليف على الموردين الامريكان بغض النظر ان اصلا كمية اللحوم المستوردة من امريكا (شكرا تاني لمحروسة @M7rusa ) مش كبيرة بس كان كل همهم الشركات الامريكية اللى اتسحب منها الترخيص (4) وزيادة التكلفة على المزارع الامريكي وماحدش همه المستهلك المصري
ورغم ان من حق (النظام المصري) يمنح الترخيص للي على مزاجه من حقنا نسأل (النظام المصري) ليه واشمعنى وازاي؟... وده الفرق بين اللى قلبه على البلد واللى مش همه البلد وتولع باللى فيها طالما النظام مش على مزاجه او مزاج اللى مشغلينه
في النهاية اللى يقولك مصر بتدفع رشاوي حط صباعك وقرار الاتهام في لامؤاخذة عينه وقوله هات كلمة واحدة تؤيد الاتهام ده .. حتى في موضوع اللحوم ويل حنا هو اللى متهم بطلب الدعم من مينيديز زي ما اي رجل اعمال في امريكا بيعمل مع اي سيناتور
وحتى الصفحتين اللى بعنوان استمرار العمل للتأثير لصالح مصر المذكور فيهم لقاءات مع مسئولين مصريين وزيارة غير رسمية اتحولت لرسمية برعاية وزارة الخارجية الامريكية وده نشاط مسموح به تحت اسم اللوبي واللوم الوحيد على مينيديز (مش على مصر) ان ماحدش من مكتبه او موظفي الكونجرس حضر اللقاءات
ماحدش يفصل ده عن ازمة وقف الكونجرس لتمويل اضافي لاوكرانيا زي تحليل واشنطن بوست washingtonpost.com
بالمناسبة برده فاكرين الناس اللى بتدي دروس دلوقتي ازاي تعمل لوبي وازاي تستخدم نواب الكونجرس عملوا ايه لما مصر اتعاقدت في 2014 او 2015 مع شركة علاقات عامة امريكية للغرض ده ..فاكرين؟... طيب
نحب نفكر الناس ان بانتر هايدن اتسربت ملفاته وشريكه شهد عليه في الكونجرس وصوره وحساباته في قضية فساد اكبر من دي بس بيتحقق معاه في حيازة سلاح بدون رخصة .. واللى مبيعرفش الكونجرس بيمشي ازاى يتفرج على House of Cards حيتبسط
نعتذر للاطالة
نعتذر للاطالة
جاري تحميل الاقتراحات...