طيب يا اصدقائي…اببدأ اقول السالفة واحتمال تكون على مراحل..الموضوع مهم جدا وهو للتوعية ماهو مجرد سواليف..
الي يعرفني يعرف ان اصغر اطفالي مشاري وعبود..مشاري 13سنة شخصية قوية لايخاف بالله لومه لائم..حنون صريح لكن دبلوماسي ومرح..عبود 11سنة رومنسي حالم عاطفي طيب وعصبي وحساس ويجامل..
الي يعرفني يعرف ان اصغر اطفالي مشاري وعبود..مشاري 13سنة شخصية قوية لايخاف بالله لومه لائم..حنون صريح لكن دبلوماسي ومرح..عبود 11سنة رومنسي حالم عاطفي طيب وعصبي وحساس ويجامل..
بدأت السالفه قبل تقريباً عشر ايام تحديداً ب31 يوليو ..لاحظت ان اولادي بدأ يتلخبط نومهم ومشاري يشتكي من صداع وعبود من كثر النوم..حجزت لهم موعد بالمستشفى بالخبر يوم الأربعاء وطلعنا طلعه عائلية مع زوجي والاولاد نخلص مواعيدهم و نتمشي ونرجع للجبيل..مشاري اموره تمام وعبود عنده حساسية..
من بعد هذي الطلعة بديت الاحظ ان الاولاد فيهم شي غريب…ماهم على طبيعتهم..مايتهاوشوا(اذا عبود ومشاري ماتهاوشوا يعني بينهم هدنة والهدنة عندهم دليل كارثه)نومهم كثير وغريب..مشاري نومه صاير مره خفيف لو ادخل الغرفه يحس علي وعبود نومه اثقل من المعتاد..بدت الحيرة عندي والتساؤلات والمراقبة
شكيت بدوا الحساسية حق عبود انه سبب نومه فقطعت عنه الدوا يومين والنوم المستمر والثقيل ماتغير..اولادي قريبين مني و يسولفولي عن كل شي وبكل شفافية..خاصه عبود يسولفلي حتى عن حواراته بالسوني مع اصحابه بالتفصيل وانا اسمع باهتمام وننقاش الي يصير معاه وقت العب وهالشي الفترة الماضية فقدته
جا يوم الاثنين قلت لزوجي انا حاسة ان عبودي مو مضبوط يا انه بيمرض او في شي مضايقة اذا دخل الصاله الحين ابيك تطلع لاني ابي اكلمه..وفعلا بعد دقايق جا عبود يضمني وابوه طلع فحضنته و سألته عن حاله وجلست امزح معاه اقوله وش هالنوم الكثير ذا وقمت اسأله بلطافة اذا في شي مضايقه قالي مافي شي
قلت له قد ايش احبه وانه يقدر يقولي اي شي مضايقه اكد علي انه مافي شي ورجع نام بحضني وهنا الشك عندي انه بمشكلة صار شبه اكيد وجهزت نفسي لاسوء الاحتمالات وكلمت مشاري لحاله واكد لي ان امورهم تمام..حطيت مشاري وعبود تحت المجهر..الملاحظات نوم كثير+عدم اللعب بالسوني..عدم اللعب مع الجيران
طول الفترة ذي وانا احاول انظم نوم الاولاد واطبخ لهم الاكلات والحلويات الي يحبوها واحاول اسولف معهم لكن طاقتهم منخفضة جداً مو مثل دايم وانا قلبي قارصني واحساسي يقولي ان في شي مضايقهم..عادة لحسيت ان في حد من اولادي متضايق اخذه مشوار بالسيارة ويجلس يفضفض لكن لانهم دايم نايمين فإحتست
جا يوم الحمعة ونزلت الخبر لصديقتي واخذت عبود معاي يلعب مع ولدها وفرصة نسولف بالسيارة لكن طول الطريق كان نايم.. وصلت لصديقتي وقالي جملته الي غردت عنها(نسيتي يوم كنت بالروضة)كان خايف اروح واخليه نفس لما حطيته بالروضه ورحت..دخلت عند صديقتي لعب مع اولادها شوي ورجع نام بعدها بساعتين
سولفت لصديقتي عن مخاوفي ان في شي مضايقه او انه يكون مريض قالت لي دام مافي حراره ولا يتألم شكلها خربطة نوم بس..وحنا راجعين للبيت برضو نام طول الطريق وانا قلبي مليان قلق..قررت انه لازم اتصرف وحاجتين ابي اسويها..اخذهم للمستشفى فحوصات كامله واذا سليمين اخذهم مشوار بالسيارة للفضفضة…
الحين انتظر الصباح علشان اخذهم للدكتور و الا عبود جاني زعلان وقالي ان حسابه بالسوني انسرق..قلت كيف انسرق؟ قالي تذكري لما كنتي دايم تقولي لنا لو حد جا كلمك وانت من جوه شكيت ان في شي غلط او ان هالشخص هذا مو مضبوط اسمع صوتك الداخلي مهما كان يظهر لك انه كويس؟ قلت اي قال هذا الي صارلي
عرفت ان المشكلة كبيرة وان الموضوع ماهو موضوع سرقة حساب بس لكنه موضوع تحرش لان هذي الجمله دايم اقولها لاطفالي بهذا العمر عن التحرش انك لاتثق بأحد حتى لو اعز اصحابك او اقاربك اذا تصرف تصرف مريب صدق احساسك وعلمني..فقلت له بكل هدوء معليش حبيبي بكلم الوليد( اخوهم الكبير)يرجع لك حسابك
وضميته وسألته كيف انسرق حسابك؟ قالي جا واحد طلب ايميلي والرقم السري للحساب علشان يضبط لي العابي..وحلفته بالله انه مايسرقني وحلف انه صادق فأعطيته معلومات الحساب مع اني كنت شاك انه كذاب و فعلاً طلع كذاب وقفل حسابي..قلت له هذا يعلمك انك دايم تصدق احساسك لان الحرامية مايخافوا الله
والاشرار عادي يحلفوا كذب لو يخافوا من الله كان ماسوو شر بالناس..طبعا اولادي اجهزتهم بالصاله عندي يلعبوا تحت عيني لكني جالسه اعدل بالصاله فنقلتها غرفتهم لين اخلص شغل ومن وقتها بدأت سلسلة الأحداث الغريبة..
جملة عبود عن الاحساس جلست تاكل فيني لاني عرفت ان الموضوع اكبر من سرقه حساب..
جملة عبود عن الاحساس جلست تاكل فيني لاني عرفت ان الموضوع اكبر من سرقه حساب..
طول الليل وانا اتكلم مع عبود ومشاري عن سرقة الحساب وكلامهم مافي شي مريب لكن قلبي ماهو مرتاح فقررت اخذهم الصبح طلعت فطور وسواليف لحالنا..وفعلاً الصبح قلت لهم ياللا نروح نفطر بره واخذتهم المطعم الي يحبو فطوره وطلبت وجلسنا ننتظر الطلب فجلست اسولف معهم و فتحت موضوع سرقة حساب السوني…
ترا جالسة اكتب لكم احساسي بالتفصيل لاني ابي من خلاله اوصل رساله بقولها بالأخير فاعذروني على الاطاله..
عبود عنده اصدقاء من اولاد العائلة مسويين قروب دايم يلعبوا مع بعض وعندهم برنامج محادثات دايم يتواصلوا من خلاله..
ففجأة غير موضوع الحساب وقالي عن واحد من دوله خليجية كبير جالس يرسل لوحدة من بنات العائلة(طفله بعمره)انه يبي يتعرف عليها وارسل لها صورته وشكت لعبود ففازع لها و مهاوشه…
ففجأة غير موضوع الحساب وقالي عن واحد من دوله خليجية كبير جالس يرسل لوحدة من بنات العائلة(طفله بعمره)انه يبي يتعرف عليها وارسل لها صورته وشكت لعبود ففازع لها و مهاوشه…
مشاري هنا استغل الفرصة و وشوش عبود قاله قول لماما وش صار معاك(مشاري متعمد اني اسمع وبنفس الوقت مسوي نفسه يوشوش عبدالله) قلت لهم ايش تتوشوشو حنا طالعين نسولف والي عنده شي يقدر يقوله تعرفوا انكم تقدروا تقولولي اي شي واني انا امكم احبكم حب غير مشروط يعني احبكم حتى لو سويتو خطأ كبير
عبود صار واضح عليه ان عنده كلام لكن خايف يتكلم..و مشاري يحاول يشجع فيه وقاله اقول انا قلت لمشاري لا..عبود شاطر متى ماحس انه جاهز يتكلم راح يقولي..عبود قالي المشكله يا امي انك ماراح تستوعبي الموضوع..جاني خفقان من الخوف وتمالكت اعصابي وقلت جربني صدقني انا استوعب كل شي وراح اساعدك..
قالي عن صديق عندهم بالسوني اسمه معاذ.. بعمرهم تعرفوا عليه من اكثر من شهرين يلعبو معاه كل قروب العائلة واصدقاؤهم..ولد كان لطيف وصار صديقهم المقرب..
يقولي عبود؛ كنت العب معاه وجأة قالي هات سنابك واعطيته سنابي وكلمني عالسناب وقالي برسل لك صوره ويوم فتحتها الا مرسل لي(اشر على العورة)
يقولي عبود؛ كنت العب معاه وجأة قالي هات سنابك واعطيته سنابي وكلمني عالسناب وقالي برسل لك صوره ويوم فتحتها الا مرسل لي(اشر على العورة)
يكمل كلامه ويقول: انا يوم شفت الصوره هاوشته واعتذر مني قالي معليش انا صارلي ثلاث ايام مواصل وارسلتها بالغلط وبعدين طلب مني ارسل له صورة عورتي وانا رفضت..
هنا تدخل مساري يكمل السالفة وقالي:انا يا امي كنت نايم واسمع مشاري يهاوش خويه يقوله وش قلة الادب ذي ولا مابينت لعبود اني صحيت
هنا تدخل مساري يكمل السالفة وقالي:انا يا امي كنت نايم واسمع مشاري يهاوش خويه يقوله وش قلة الادب ذي ولا مابينت لعبود اني صحيت
يقول مشاري:بعد ما عبود سب خويه سكت شوي ورجع يسب مره ثانيه وقاله استحي على وجهك انا طفل ليش تقولي كذا..فقمت اشوف وش السالفه والا معاذ مرسل لعبود صوره بنت مفصخه وقاله لو ماتوريني ز.. بقول لاصحابك ان هذي الصوره انت مرسلها لي..ويكمل مشاري يقولي ياماما عرفت ان هذا واحد كبير مو طفل..
فاتصلت عليه سناب و رد الا رجال فصورت الشاشه وهذي صورته ويوريني… الا رجال بأواخر العشرينات..
يقولي مشاري:يوم شفت انه رجال قلت له انت تدري ان الي تسويه حرام واسمه تحرش؟!الرجل رد عليه قاله وش اسوي هذي شهوه..مشاري قاله ياخي اذا حسيت كذا قوم صل اوالعب رياضه او كل لكن لاتتحرش بالاطفال
يقولي مشاري:يوم شفت انه رجال قلت له انت تدري ان الي تسويه حرام واسمه تحرش؟!الرجل رد عليه قاله وش اسوي هذي شهوه..مشاري قاله ياخي اذا حسيت كذا قوم صل اوالعب رياضه او كل لكن لاتتحرش بالاطفال
وقاله انه راح يشتكيه للشرطة و سوّا له بلوك.. طبعاً انا دُخت لما سمعت الحوار لكني تمالكت نفسي وقلت لمشاري وبعدين وش صار؟!قالي مشاري انه اكتشف انه متحرش بكل الاطفال الي كان يلعب معاهم بنفس الاسلوب..ويهددهم و عددلي اساميهم..جلست اسولف معهم واطمنهم اني مو زعلانه منهم واني راح اساعدهم
وقالولي ان الاشخاص الي سرقوا حساب السوني حق عبود تواصلو مع ولد عمته(طفل بعمر عبود)وقالوله ادفع لنا فلوس علشان نرجع حساب خويك وقالهم طيب..من استجوابي للاولاد اتضح لي انهم جماعه المتحرش وانه قفلوا حساب عبود علشان يبتزوا قربه انه اذا ماتدفع لنا بنسوي ونفعل..رجعنا للبيت بعد الفطور..
قلت للاولاد تحمموا وبس خلصو سباحة ضميتهم وقلت لهم اني فخورة فيهم لانهم شاركوني مشاكلهم و وعدتهم ان المجرم يتعاقب..كلمت زوجي بالدوام وقلت له السالفة واتصلت على امهات الاطفال الي عندي ارقامهم وعلمتهم بالي صار..طلع زوجي من دوامه و اخذ الاولاد واجتمع بآباء الأطفال مع اطفالهم…
طلع المجرم بعد ما اخذ ثقة الأطفال واقتنعوا انه بعمرهم بدأ يسحب منهم معلوماتهم ثم بدأ يطلب صورهم ثم صار يرسل صور اباحية لكل واحد لحال ويقول لهم اذا ماسويتوا الي اطلبه منكم بفضحكم واقول ان هذي الصور حقتكم..الولد الي طلبو منه فلوس طلبو منه بطاقه ابوه ورقمها واشوه لحقت عليه امه…
مشاري حبيبي اول ما اكتشف الموضوع صور حساباته وصورته يوم دق عليه سناب وصور رقم جواله كان راسله لعبود علشان يدق عليه وايميله.. والحين المعلومات ذي كلها صارت عند الشرطة وكلنا امن…وبإذن الله نسمع تم القبض قريباً…حسبي الله عليه طلع اطفال كثير مبتزهم بنفس الاسلوب الله يلعنه..
سألت مشاري ليش ماعلمتني اول ماصارت المشكلة قالي عبود حلفني ما اتكلم وانه هو الي راح يقولك وكل يوم اقوله قول لماما يقول بعد شوي..(مشاري كاتم السر..اذا تبي سرك مايعرف عنه احد قوله لمشاري) فهنت مشاري انه لما يكون في خطر عليك او على اخوك هنا لازم تتكلم هذا ماصار سر..مشاري حبيبي يحسب
يحسب انه عالج المشكله بينما لما مشاري قاله انه هيبلغ عليه راح قفل حساب عبود اعتقد علشان مايكون عليه ادله و بدأ يهدد باقي الأطفال بحساباتهم..الحمدلله لحقنا السالفه والحين انا واطفالي يبيلنا علاج من هذي الصدمة💔😩
طبعاً شكلها عصابه تتحرش بالاطفال وتبتزهم..الله يلعنهم..
طبعاً شكلها عصابه تتحرش بالاطفال وتبتزهم..الله يلعنهم..
فنبهت* مشاري ان لو في خطر
جاري تحميل الاقتراحات...