ثريد |
سطو مسلح سعودي على بنك !
الرجل اللذي تحول من شخص مسالم الى مجرم بسرد لكم قصته اسفل التغريدة 👇🏻
سطو مسلح سعودي على بنك !
الرجل اللذي تحول من شخص مسالم الى مجرم بسرد لكم قصته اسفل التغريدة 👇🏻
اول من سطى على البنوك في المملكة العربية السعودية وكابوس اصحاب محلات الذهب في وقته قناص من الدرجة الاولى
قبل أبد الحساب @200td متخصص بالثريدات اليوميه تحصله بالمفضله بشكل مرتب  📝
بطل قصتنا اليوم هو ظافر المسعري .. احداث ظافر تدور في منتصف الثمنينات تقريبا كان يعيش ظافر حول الحساء
في يوم من الايام اخذ ظافر من اخوه ذهب اخذ ظافر الذهب وتوجه الى خط الخرج ومعه اخته ف استوقفت دوريه ظافر في منتصف الخط اول مافتشوا المرتبه وجدوا فيها هذا الذهب كان الذهب بكمياته كبيره ف صادروه رجال الامن بحجت انه مجهول المصدر
مشى ظافر وهو مغبون وغبنة ظافر وقهره في ذيك اللحظة اظهرت الجانب المظلم من شخصيته التغير الرهيب اللي حصله في هذيك اللحظة كأنه شخص يبي ينتقم من اللحظة هذي نفسها .. وبالفعل قرر ظافر انه ينتقم تحول ظافر من هذي اللحظة من شخص مسالم الى شخص ينهب ويسطوا ويسرق !
اول اهدافه كانت في الخرج وصل لمحلات الذهب وسرق اللي يقدر عليه .. في المرات الاولى كانوا يتوقعون اصحاب محلات الذهب هناك انها سرقه عارضه ولن تتكرر .. لكن للاسف استمر الوضع مع اكثر من شخص الى ان تأكدوا ان فيه شخص قاعذ يمر على محلات الذهب هناك ويسرقها
ظافر ما كان محتال ولا كان نصاب ظافر كان يسطوا على محل الذهب .. اول ما انتشر الخبر بين اصحاب محلات الذهب هناك وصلت الشرطة في وقتها .. اخذ ظافر اللي سرقه من محلات الخرج وتوجه الى اليمن
باع اللي يقدر عليه هناك ورجع ايضا تهريب للخرج ..تمكنت السلطات بعدها من تحديد هويته وانه هو ظافر المسعري ومن وقتها اصبح مطلوب .. بعد ماكثر الطلب عليه ادرك ظافر وقتها ان سوق الخرج قفل عليه ما عاد يقدر يكمل السطو عليه
فقرر انه ينقل عمليات السطو من الخرج الى الحساء مسقط رأسه وبالفعل نفس ماحصل بالخرج صار بالحساء مر اصحاب محلات الذهب وسطى عليهم هنا السلطات تأكدت ان ظافر ماراح يختصر على سوق الخرج و بس بل انتقل للحساء .. وسعوا السلطات نطاق البحث على ظافر
شاف ظافر انه يحتاج الى شريك لعمليات اكبر وبالفعل استعان بصديق قديم اللي هو مسعود .. مسعود صديق قديم لظافر ويعتبر من اللحظة هذي هو الذراع الايمن لظافر في عملياته الجايه
تنقلت عملياتهم مابين الخرج الحساء الى وادي الدواسر وكان ملاذهم الاول الربع الخالي كانوا بعد مايخلصون عمليات السطوا وينتشر نطاق البحث عنهم وتضيق فيهم الحال يتوجهون الى الربع الخالي .. في يوم من الايام كان ظافر جالس مع رفيقه مسعود وطرت عليه فكرة
قرر انه يضرب الضربه الكبيره في سوق الذهب بالحساء ما كان هدف ظافر انه يسرق محل واحد او محلين بل حدد جميع محلات الذهب بسوق الذهب الرئيسي بالاحساء وبالفعل توجهوا الاثنين وقطعوا الكهرب عن السوق كامل اول ما انقطع الكهرب دخل ظافر ومعه مسعود وسطوا على جميع محلات الذهب حرفيا في السوق
وتعتبر هذي اكبر غنيمه لهم من بدوا .. كالعادة هروبهم عن طريق الربع الخالي الى اليمن الى عمان ويبيعون الذهب هناك وبرضوا يرجعون تهريب الى الاراضي السعودية السلطات وقتها ماهي ضعيفة ولكن ظافر كان قناص زي ماقلنا من الدرجة الاولى
وصل مع ظافر لدرجة انه يرمي مراية السيارة او الكفر حق الدوريات وهو يسوق .. في احد المرات جات اخباريه ان طافر راح يكون متواجد بالخرج وبالفعل السلطات بالخرج نصبة كمين لظافر اول ماتأكدوا انه دخل الخرج قفلوا جميع منافذ الخرج
حس ظافر انه وقع بكمين فقرر الهروب وفي اثناء المطاردة حصل تبادل اطلاق نار بين ظافر وبين سلطات الخرج ف جت لظافر فكرة ذكية جدا انه يمثل وكأنه اصيب
وبالفعل بعد فترة وقف على جنب وكأنه مصاب ورمى نفسه على دركسون السيارة وقفت الدوريات وراه وبدوا يمشون بحذر الى ان تأكدوا انه توفى ولكن حدث مالم يكن بالحسبان لما اقتربوا افراد الشرطة من سيارة ظافر قام ظافر من مكانه وارداهم كلهم قىتلى رحمه الله عليهم
وقدر ظافر انه يهرب بعد فكرته الجهنميه .. كان فيه ضابط في نقطة حدوديه في الربع الخالي يدعى محمد بن ناجي المري .. محمد بن ناجي عقد العزم انه يقبض على ظافر .. كان ظافر يشوف محمد بن ناجي خصمه الاول لانه كان يضيق عليه اثناء الهروب
واغلب قصائد ظافر المسعري يتحدى فيها محمد بن ناجي .. يوم من الايام كان ناجي يطارد ظافر ف توجه ظافر الى نفود مرتفع ونزل واحتماء وراء سيارته ومعه رشاش يبي يبادلهم اطلاق النار
وبالمثل وقف محمد ابن ناجي وفرقته اللي معه واحتموا في سياراتهم استعداد لتبادل اطلاق النار .. بينما محمد بن ناجي محتمي في سيارته وجنبه انتل السيارة او اللي اسمه الاريل رمى ظافر الاريل وقطعه انتم متخلين دقة ظافر بالرماية وصلت انه يرمي الاريل من مسافة بعيده
اول مارفع راسه محمد بن ناجي وشاف ان ظافر رمى الاريل قدر الموقف وقتها وقال اللي حطى بالاريل مب عاجز يحطها براسي فقرر الانسحاب وقتها محمد بن ناجي
استمر ظافر ومعه مسعود في سرقاتهم في المناطق الثلاثه اللي ذكرناها .. ظافر ومسعود ما اكتفوا في محلات الذهب وبس واحده من اكبر سرقاتهم تعتبر لما سطوا على وكالة تايوتا في الحساء وسرقوا منها جيب جديد ومبلغ 50 الف تقريبا
والسرقة الاكبر من نوعها هي لما سطوا على بنك معروف تقدرون تبحثون عن اسمه في مدينة الخرج وسرقوه بنجاح
نهاية ظافر ماهي مأكده فيه من يقول انه تم القبض عليه في2007 وتم قصاصه ومن معه وفيه من يقول انه وجد مقىٌول وفيه من يقول انه ماتم القبض عليه وهو اصلا الان ماهو موجود بالسعودية .. انتهى
القصة مأخوذه من قناة الجميل
@iwbDan
القصة مأخوذه من قناة الجميل
@iwbDan
جاري تحميل الاقتراحات...