بتعرف انك بتقدر تبيع نفس الخدمة يلي عم تقدمها حاليا ب10 اضعاف السعر؟
كيف ممكن تعمل هل شي؟ تابع معي هذا الثريد حتى تعرف كيف قدرت ارفع اسعار خدماتي دون ما اخسر العملاء

خليني احكيلك هل مثال
اذا صار معك وجع في القلب (لا سمح الله) وين بتروح عند دكتور عام او دكتور مختص في القلب؟
اكيد عند دكتور مختص
طيب حتى الدكتور العام عنده خبرة بمشاكل القلب وزيارته راح تكون اخف تكلفة بكتير من دكتور القلب ليش ما تروح لعند دكتور عام؟
ببساطة لانك غير واثق

ما عندك ثقة ان الدكتور العام بيقدر يساعدك بنفس الجودة يلي راح يساعدك فيها الدكتور المختص شو السبب؟
لان الدكتور العام بيتعامل مع جميع الحالات لذلك مستحيل يكون عنده نفس الخبرة الموجودة عند الدكتور المختص
الدكتور العام بيتعامل مع 10 اشخاص يوميا منهم حالة واحدة قلبية

الدكتور المختص بيتعامل مع 10 حالات يوميا و ال10 حالات عندهم مشاكل في القلب لذلك خبرته في القلب اكبر بكتير من خبرة الدكتور العام
لذلك انت عندك ثقة بالدكتور المختص انه راح يساعدك في التخلص من مشكلتك بشكل اكبر من الدكتور العام لذلك راح تدفع مبلغ اكبر وانت فرحان

نفس الشي في تقديم الخدمات و الخبرات
المختص بيتقاضى اجر اعلى بكتير من الشخص يلي بيشتغل في كل شيئ
المختص في تصميم العلامة التجارية مش مثل المصمم العام
المختص في التسويق لاصحاب الخدمات مش مثل المسوق العام
الاختصاص هو طريقك لبيع خدماتك باسعار مناسبة وعدم الحاجة للمنافسة بالسعر