رتبها

طيب يا جماعة بكل جدية كدا تعالو اديكم نصائح للسفر للإمارات
👇🏾👇🏾👇🏾👇🏾

1. حاليا بالنسبة لحاملين الجواز السوداني، طريقة الدخول الوحيدة هي بي التقديم لي فيزا زيارة عن طريق الشارقة و الدخول من مطار الشارقة
ممكن قرايبكم القاعدين هناك يقدمو ليكم و ممكن تقدمو عبر وكالة سفر، في الحالتين لازم عنوان سكن

2. الفيزا بتكون شهر او شعرين على حسب التقديم الأولي، و ممكن تمددها تعملها ٣ شهور متواصلة، مرتين
ممكن برضو كل شهر تجددها
3. إقتمة الموارث في دبي سعرها زاد لانه، كانت ١٠٠٠ درهم و هسي يمكن حصلت ١٥٠٠،
في الشارقة بتمون عاملة زي ١٧٠٠ كدا.

4. عشان تلقى شغل في الامارات الموضوع صعب شوية و ممكن تقعد ٦ شهور و انت بتقدم و بتصرف في معيشة و إيجار و كلام كتير كدا، فإذا انت ما جاهز النصيحة جهز روحك لمصاريف ٦ شهور اكل و شراب و مواصلات وحوامة و فتيش شغل و مشي انترفيو و تكاسي و و و

5. ممكن تقدم شغل مباشر في حتات معينة بس، لكن الباقي اونلاين عن طريق مواقع التوظيف و التطبيقات اهمهم:
LinkdIn
Indeed
Dubai Careers
NaukriGulf
للتقديمات غالبا بطلبو معلوماتك كاملة،
الاسم/السي في/مكان الاقامة/نوع الاقامة بتاعتك (زيارة/اقامة(و نوعها)
جهز ليك سي في زابط و اتوكل

6. مكاتب التوظيف ما تمشو ليها، نصيحة مني ليكم، بشيلو قروشكم و بقولو ليكم بنشوف ليكم شغل و بدوكم وعود خادعة و في النهاية لمن ما يلقو و تكون عايز ترجع قروشك بتحرجرو معاك و ممكن يعملو ليك كسور و بواقي و ممكن ما يرجعوها زاتو

7. السكن:
حديكم ترتيب تكلفك السكن بالترتيب من أقل لي أكثر: (٤ امارات بس لانه غالبا فرص الشغل هنا ازبط)
1. عجمان
٢. الشارقة
٣. دبي
٤. أبوظبي
عجمان أقل أسعار و أبوظبي أعلى..
حديكم برضو الأحسن شنو في طرق السكن 👇🏾👇🏾👇🏾👇🏾

8. في اي امارة من الاربعة ديل المفروش أرخص من الفاضي، لانه الفاضي حتدفع دفعة أولى أكبر و حتجيب عفش تفرش و حتدفع كهرباء و واي فاي و في حاجة اسمها "ايجاري" دي رسوم كدا بتذفعها للحكومة
أحسن المفروش
و اذا مفكر تسكن في دبي اذا اسرة او بنات احسن مفروش، بس الاسعار شوية صعبة 👇🏾

اقلاها ٢٥٠٠ و دا سعر الاستديو (استوديو بحت صالة و مطبخ وحمام ماف غرفة)
اما اذا عزابي بتلقى ناس بكونو عايزين يشتركو سكن و دي ما بتتلقي في الموافع غالبا بتلقى بوسترات معلقة في الشارع "غرف للإبجار" "مطلوب فرد لتأجير غرف" و هكذا
ممكن برضو تسأل في البقالات الصغيرة بوروك

و في برضو "الشقق الفندقية" أسعارها ما كعبة لكن ما بتتأجر فترة طويلة غالبا أطول فترة ٣ شهور
بتتراوح من استوديو لي غرفتين
و فيها الخدمات مدفوعة (كهرباء/موية/انترنت)
في دبي اي فندق او شقق فندقية عندهم حاجة اسمها Tourism Fees و هي رسوم حكومية في فنادق بدفعوها و في فنادق لا(تدفع انت)

🙏🏾🙏🏾 نصيحة من اخوكم، لو ما جاهزين مادياً، ما تمشو الإمارات، لانكم حتتعذبو في موضوع الشغل و الإيجار 🙏🏾🙏🏾
بالتوفيق للجميع ✨

@MaarbellaO @Derwish249 @HkZuk
@Alyasaa17

@MaarbellaO @Derwish249 @HkZuk @Alyasaa17 @TramaZoul @Outlierness @_MalazEmad

@abdelo_b @AmrMElfatih @MoSeifuldin

@Dykan1_