خلي عندك النمط ده و صدقني اي علاقه هتدخلها هتنمو و تتطور للأفضل
"شجع السلوك الايجابي بدل ما تركز على السلوك السلبي"
يعني فكّره دايما انت بتحب ايه فيه
بدل ما تفكره دايما انت بتكره فيه ايه
أمثله :
بحب انك بتهتم و تسأل حتى وانت مشغول
بحب انك بتاخدي بالك من تفاصيلي
بحب انك ذكي و…

تشجيع السلوك الايجابي .. يزيد من فاعليته
و يخلي الشخص يشتغل بشكل تلقائي انه يحسن من سلوكياته السلبيه
طريقه مش الكل بيعملها
بس حقيقي لو طبقتها صح و باسلوب صادق .. هتشوف نتيجه زي السحر
حتى لو انا وحش
وانت فكرتني بالحلو اللي فيا
هتلاقيني بحاول دايما اوريك الحلو و اصلح الوحش

عكس انك تقول انك بتحب فلان
بس كل ما تشوفه تفكره بأسوأ ما فيه
و تركز معاه على كل سلوك سلبي في شخصيته كأن معندوش ولا جانب ايجابي
طبعآ الكلام ده نطبقه مع الناس المهمين بالنسبه لنا
في ناس فعلا بتبقى مؤذيه ومهما حاولت معاهم مفيش فايده .. كلامي مش عن النوعيه دي
كلامي عن شخص يعني لك…