رتبها

حول فقيه السلطان، و التكفير.. هل عبد الحي كذلك؟ -ثريد و لينكات فيديوهات
بحكم قُرب منزلنا من مسجد عبد الحي يوسف، يسّر الله لي منذ سنوات طويلة أن أحضر خطبه و محاضراته، و أعرف عن الشيخ من كلامه نفسه و ليس مما يُقال عنه، مما جعلني أجد صعوبة في تصديق الحملة الآثمة التي أُثيرت حوله.

أمس غالطتا زول عن انو الشيخ عبد الحي ما مكفر حمدوك، و عرفتا انو كلامي غلط، بعد شفتا لينك فيديو الشيخ، وعموماً دي حاجة كويسة إنو الكلام يكون بي دليلو و ما يكون ساي. و لقيت كمية من الناس شايفة الشيخ عالم سلطان،و عشان الكلام ما يكون ساي؛ لميت لينكاتي مؤرشفة بالتواريخ لدحض الفكرة دي

في الثريد دا عايزين نشوف:
هل شيخ عبد الحي كوز و عالم سلطان و كان بطبل للكيزان و ضد الشعب و الثورة ..الخ؟
فيما يلي حانزل مجموعة من اللينكات و الفيديوهات البتوضح مواقف الشيخ السياسية و الاجتماعية من 2011 و انت جاي، في عدد من القضايا.
فبسم الله:

(3)
فيما يلي فيديو يحوي كلام الشيخ عن مظاهرات 2012 ، واتكلم فيها عن حرمة سفك الدماء و ردّه على كلام وزير المالية المستفز .. و دا في أوج جبروت الكيزان.
و دا لينك الخطبة كاملة:
youtube.com

فيما يلي كلام الشيخ عن إضراب الأطباء 2016 و عدالة قضيتهم، و تردي أوضاع المستشفيات، و انو مطالبتهم بمظالمهم ليست خروجاً على الحاكم، و انو المسؤولين مفروض يتقوا الله فيهم.
ما قدرتا انزل الفيديو كامل (6 دقايق)..دا مقطع منو
و دا اللينك بتاع الكلام كامل:
youtube.com

هنا كلام الشيخ عن انتهاكات الأجهزة الأمنية و تعديها على المستشفيات و المنازل في مظاهرات ديسمبر 2019
و هنا لينك الفيديو كامل:
youtube.com

الشيخ عنده كلام شهير في خطبة تقريباً و تغريدات عن انو البشير ما يترشح و دا في سنة 2014 .. و خطبة شهيرة عن الفساد في سنة 2011
وخطبة عن حنك التحلل بتاع الكيزان كذريعة لأكل المال العام، 2015، و خطبة عن وجوب تحقيق الدولة للعدالة الاجتماعية بين الناس سنة 2016
(حانزل لينكات)

للشيخ فتوى عن انو كثرة الضرائب و الجبايات على الناس حرام و دا في سنة 2016(حانزل لينكها)
..
و خطبته في 14 ديسمبر 2018 ..قبل الثورة بأيام، للحكومة، انو من لم يستطع مواجهة الأزمات فليُخلي مكانه (حانزل لينك)
و خطبة للمسؤولين أيام أزمة الكاش بتمكين الناس من أموالهم نوفمبر 2018.

و حلقات غاية في الأهمية لمن استضافوه في برنامج بصاير، و كانت عن رايو في موضوع الحكم الاستبدادي و الجائر، و انو المطالبة بالحقوق ليست خروجاً على الحاكم، و نقده للتسبيح بحمد الحكام و تحول بعضهم لشيوخ سلاطين ..و دا كان في شهر 9، سنة 2018
حانزل لينكاتها كلها.

في ناس تصورهم عن المشايخ شايلنه من الوسائط و أبواق الليبرالز و الخواجات، عن انهم مجموعة دراويش عندهم دقون بلعقوا أحذية الحكام .. و دا تصور لازم يجهزوا ليو إجابة بعدين قدام ربنا، هل مبني على كلام ساي وللا عندهم حججهم.
و في ناس عندهم بغض ساي كدا لأهل الدين و تحدثهم في الشأن العام

كل الكلام الاتقال عن الشيخ انو عنده 11 وظيفة، و عمارة السموم في الستين حقتو، و انو افتى بقتل ثلث الشعب، و انو شال ال 5 مليون دولار في جيبو، و انو قال قتل الشباب اثلج صدورنا ..الخ
كل الشائعات دي المبنية على خم و تعليقات مجتزأة من سياقها و روجوا ليها خصوم فِكر الشيخ.

ماف شيخ سلطان بطالب صراحة بعدم ترشحه، و لا بنتقد علناً سلوكيات الأجهزة الأمنية، و لا بقيف علناً مع إضراب نقابي ضد الحكومة، و لا بكون شايف المظاهرات ليست خروجاً على الحاكم، و لا بنتقد الفساد و أكل المال العام، و لا بحرم الجبايات و سفك دم المتظاهرين..الخ
و لو بعد دا كلو في زول-

-شايفو شيخ سلطان، فبي جازو .. يجهز إجابته قدام ربنا.
شيوخ السلطان في نماذج كتيرة ليهم جوا السودان و برا السودان، في المنطقة العربية عموماً .. و أُشهِد الله أنّ شيخ عبد الحي ليس منهم، و هذا ما أدين الله به.

بالنسبة لي كون الشيخ يرى كفر حمدوك .. فدي مسألة ترجع للشيخ و حجته بعدين قدام ربنا حتكون شنو، و يتحمل مسؤولية كلامو دا .. و بما إنو الشيخ عنده خلفية عن التكفير و مسائله و ضوابطه فهو أو الزول الحيناقشه من أهل التخصص الشرعي = أدرى بالإصابة و الخطأ حول النقطة دي
لكن- .

- تجي تقول ما من حق " أي زول" يكفر " أي زول"..سواء عالم أو غيره .. فمعليش دا كلام ساي، لو (عالم من العلماء) شاف زعيط او معيط من الناس ارتكب ما يُكفر، فعادي يكفره .. و دي مسألة مناقشته فيها بترجع للعلماء و القضاء.
في ناس بضايقهم حصر مناقشة المسائل الفقهية الحساسة بين أهل التخصص-

- و عايزنها هيصة ساي، أي زول يقول رايو ..و اللذيذ إنو أمس في ناس بنزلوا أحاديث و آيات حول موضوع التكفير كنوع من مجادلة الشيخ.
و صراحة كانت استدلالات مُضحكة بياخدوها الرُضَّع و المبتدئين في طلب العلم الشرعي.
الأسلم للزول في المسائل دي " يتوقف" و ما يدلي برايو سلباً أو إيجاباً -

- قد أكون شايف الشيخ اتسرع، أو بالغ شوية ... لكن ما بقولها كشتيمة و انو دا تكفيري جاهل .. الخ في النهاية الشيخ ما شافع و مُدرِك هو بعمل في شنو.
فلا أنا و لا مواعيظ تويتر العلقوا امس = رايهم حجة في النقطة دي .. لأننا كلنا ما بنمتلك أداة النقاش الشرعية في الحتة دي.

و أنا لا أوافق الشيخ في تكفيره ذاك..و لكن ما بشتمه و لا بعتبره جاهل، و لا شيخ سلطان و لا غير ذلك من كثير من الإسفاف القريتو أمس.
و هذا مسلك دقيق .. ما يعقله إلا المنصفون، فافهم.

و ختاماً .. بعد دا كلو في ناس ما حيقتنعوا، و حيجتزؤوا التغريدات من النص .. و ديل النقاش ما موجه ليهم، و إنما للمساكين الماخدين تصور مغلوط عن الشيخ و لأول مرة يسمعوا بمواقفو دي.
فيما يلي حانزل لينكات كل تعليقات/خطب الشيخ الذكرتها من غير لينكات:

فساد الدولة وأكل المال العام وحكم التحلل 2015
youtube.com
خطبة عن الفساد 2011
youtube.com
خبر دعوة الشيخ لعدم ترشيح البشير وفي تغريدات 2014
alnilin.com
المال العام وفقه التحلل 2015
youtube.com

alnilin.com/1159441.htm

عبد الحي يوسف: تمنيت ألّا يترشح "البشير" للرئاسة وأفعال "بلة" الغائب دجل - النيلين

قال نائب هيئة علماء السودان الشيخ "عبد الحي يوسف" (إنه تمنى لو نفذ الرئيس "البشير" عهده بعدم الترشح...

عقوبة أكل المال العام 2015
youtube.com
وجوب تحقيق العدالة الاجتماعية في الدولة 2016
youtube.com
كثرة الضرائب والجبايات حرام 2016
youtube.com

دي سلسلة حلقات استضافة الشيخ، في برنامج بصائر، عن الحكم الاستبدادي، و شيخ السلطان، و التطبيل، و عن المظاهرات و المطالبة بالحقوق و رايو إنها ليست خروجاً على الحاكم.
اتسجلت شهر 9 سنة 2018
youtube.com

من لم يستطع مواجهة الأزمات من المسؤولين فلخل المكان لغيره 14 ديسمبر
youtube.com
رسالة للمسؤولين بتمكين الناس من أموالهم في البنوك 23 نوفمبر
youtube.com
نصيحة الشيخ للبشير في بيت الضيافة 18 يناير
youtube.com