كنتي بتحبي واحد بس للاسف بعد ما عشمك بالجواز متقدمش ! كسر خاطرك وقلبك ، وفعلاً الحُب للاقوياء فقط ! ولأن ربنا ارحم من إنه ياخد منك الجميل في نظرك غير لما يبدلك بالأجمل ؛ ف بعدها بيتقدملك عريس بن ناس بيحبك ومحترم ، بس انتي للاسف مبتحبهوش وبسبب ضغط اهلك ولانها سُنة الحياه وافقتي !
طول خطوبتكم مبينساش مُناسبه تهمك ، بيوّدك ويتعامل معاكي بالحُسني ؛ اتجوزتو فبقي يخاف عليكي من الهوا الطاير زي ما بيقولو ، تتعبي ف يسهر جنبك ، وميرتاحش الا لما يشوف ضحكتك ؛ بيحب أهلك وبيحترمك ؛ كريم وبيصونك ؛ وبعدين تحسي قد اي انه مكانش يستاهل انك متحبهوش !
وتقولي فعلاً "وعسي أن تكرهوا شيء وهو خير لكم" ؛ كنت كرهاه لكن دلوقت لو اطول أعيشله عُمرين علي عُمري مُش هتأخر ، حقيقي مفيش اعظم من عوض ربنا وإختياره
صدقني أكيد راح تتعدل ، وهتضحك من تاني الايام ، مهو دايمًا لما بتتقندل ، بيقرب فرج المولي قوام !
صدقني أكيد راح تتعدل ، وهتضحك من تاني الايام ، مهو دايمًا لما بتتقندل ، بيقرب فرج المولي قوام !
وكتير مننا قرأ عن حاجة غريبة حصلت في الصين سنة ١٩٧٥ ؛ الكلاب البريه اللي عايشه جوا الغابات القريبه من البلد خرجت بعدد كبير ، وهجموا علي البلد ، وبدأوا ينبحوا بعلو صوتهم بشكل غريب ومن غير انقطاع ! اصواتهم بتعلي وبيرزعوا في ابواب البيوت ! ف الناس اترعبت اوي
عدد الكلاب كبير بشكل مُخيف ! قرروا يسيبوا اللي وراهم واللي قدامهم ويهربوا ! خدوا اللي قدروا عليه ، وكل واحد ومراته شالوا عيالهم وجريوا ، عزّلوا من البلد بحالها ، الناس خرجت بالآلاف وهما بيتلفتوا حواليهم ومرعوبين ! وبعد خروجهم بأقل من ١٢ ساعة حصل زلزال دمر البيوت ونسفها
جاب عاليها واطيها زي ما بيقولوا ، مبقاش في البلد كلها علي بعضها بيت سليم !! اهل البلد وقتها عرفوا ان الكلاب كانت بتنبح بشكل مُخيف وبعدد كبير لان الحيوان هو المخلوق الوحيد اللي بيشعر بالزلازل قبل وقوعها فكانوا بينبهوا اهل البلد عن طريق النبح المُستمر ان في هزه ارضيه هتدمرهم !
ف زي ما بيقولوا " بُكره الكويس اللي راح هتقول بعدها عنه كويس إنه راح " وربنا اسمه "الحكيم والرحيم" ياخد منك شيء بتحبه بحكمته علشان يعوضك بأشياء تعشقها برحمته ، مُستحيل يترزع في وشك باب إلا لما ربنا يفتحلك في المقابل أبواب ، متيأسيش من رحمة ربنا هتُفرج من وسع !
والقلم لما بيتقصف بتبريه فيطلعله سِن أحسن وأجمل ، فلما يتقصفلك حلم ايًا كان بقي "حُب ، دراسه ، شُغل ، صاحب" تأكد إن ربنا هيبريلك حلم جديد وأحسن واجمل من اللي إنتهي بالنسبالك ، وهيشوف النور ويعيش لأنه إختيار رباني وربنا لما يختار شيء لابد يهيأ جميع الاسباب اللي تحفظهولك !
فدايمًا قول يارب إخترلي وراضيني باللي تختارهولي وعوضني ! وزي ما اللي قبلنا قالوا : لو كان خيرًا لبقي ، وفعلاً : الخيرة فيما إختاره الله !
جاري تحميل الاقتراحات...