@waleed_zm انا شاهد و واقف على هالحادثة
جارنا عنده سائق اكثر من 15 سنة
آدمي وخلوق
كبروا عياله وقرر يهدم
البيت ويبنيه من جديد
بناه 3 ادوار وسرداب
السرداب ديوان ومواقف سيارات
الدرج اللي ينزل للسرداب
تحته بيت الدرج
ضاقت الدنيا وخلصت الغرف
خله بيت الدرج غرفة السايق!!
باب غرفته فيه شباك زجاج

@waleed_zm رملي غير شفاف علشان يدخل منه النور
غرفة حقيرة ماتصلح للسكن
مابالك مع شخص اعطاهم خدماته واخلاصه واحترامه بكل راحة وطيب نفس
خدمهم هو وعياله وشالهم وهم صغار ليما كبروا
منهم اللي شافه مشاغب مشاكس والحين متزوج وعنده عيال
البيت انهد وانبنى قدامه ولاسالهم وين غرفتي

@waleed_zm مع نقل العفش سال وين غرفتي
بكل استخفاف وباحترام : تحت السلم
دخلها مصدوم
علشان يدخلها لازم يوطي راسه ويدخلها منحني
هذي مكافاتي؟
هذا قدري؟
للتخفيف عليه وبكل استخفاف
راح نصبغها ابيض علشان تحس انها واسعة
يمكنك تشوفها صغيرة
قالهم مشكورين ودمعته بعينه
اختفى من البيت

@waleed_zm راح عند واحد من قرايبهم وكبيرهم
اتصل قريبهم يطلب منهم الجواز
قالهم بدون دوخة...هالهندي من حقه عليكم كونه خادمكم سنين
بدون ازعاج ونعطيل يبي يسافر
هاتوا الجواز والتذكرة
عاف الديرةوكره من فيها
فلا نستكثر على الضعيف
ولانصدق حالنا اصحاب فضل
لربما هذا دين علينا ويجب ان نخجل ونسدده