عادي جدًا تدعي ربنا قبل امتحان مهم، وتخش الامتحان؛ متعرفش تحل، أو تشيل المادة، وكمان عادي، إنك تفضل تدعيه تتجوز فلانة؛ ومتكونش من نصيبك، أو تصارحها بمشاعرك، فترفضك.
أو تفضل تدعي وتتمنى وظيفة معينة، وتروح لغيرك، أو مجال عملك كله يتغير؛ وتضطر توافق على حاجة تانية، أو تدعي بشيء

وبعدها تلاقيه بيبعد عنك تمامًا.
مش كل دعاء بتدعيه هيستجاب؛ ودي حكمة من ربنا، وقد يكون في الموضوع ابتلاء لاختبار إيمانك.
المهم، نفسك متجزعش وتبطل تدعي، على أي حال كنت عليه؛ يعني متعبدش ربنا على حرف، لما يصيبك خير تفرح، ولما يبتليك نفسك تجزع.

وَمِنَ النَّاسِ مَن يَعْبُدُ اللَّهَ عَلَىٰ حَرْفٍ ۖ فَإِنْ أَصَابَهُ خَيْرٌ اطْمَأَنَّ بِهِ ۖ وَإِنْ أَصَابَتْهُ فِتْنَةٌ انقَلَبَ عَلَىٰ وَجْهِهِ خَسِرَ الدُّنْيَا وَالْآخِرَةَ ۚ ذَٰلِكَ هُوَ الْخُسْرَانُ الْمُبِينُ