وسائل التواصل الاجتماعي
الثقافة
الفعاليات
قضايا اجتماعية
التراث الثقافي
النقد الثقافي
السلوك العام
جدل عام
•• ازدواجية المعايير | المصرية تحاسب والأفروسنترك طلقاء ••
من كام يوم وفي منطقة مقابر منطقة كوم الشقافة في مدينة الإسكندرية قامت بلوجر تدعى «بسمة سيد» والمشهورة ب «فتاة اليوجا»..
من كام يوم وفي منطقة مقابر منطقة كوم الشقافة في مدينة الإسكندرية قامت بلوجر تدعى «بسمة سيد» والمشهورة ب «فتاة اليوجا»..
بنشر صور ليها علي حسابها الشخصي في انستجرام وهي بتعمل حركات استعراضية من داخل المكان الاثري ورجليها ملامسة للجدار الاثري و النقوش الأثرية بمقبرة تيجران بكوم الشقافة بالإسكندرية بشكل سيئ وخاطئ.
وده اللي خلي عدد كبير من الناس ينتقدها ويهاجم فعلها والموضوع يسمع بشكل كبير لدرجة وصلت أن تم اصدار قرار الإحالة للتحقيق و التحقيق مع مسؤولي المكان ومحاسبتهم علي انهم اهملوا وسمحوا بأن ده يحصل.
و علقت "بسمة سيد" بأنها مكنتش تقصد تسيئ للأثر او للحضارة المصرية وإن كان هدفها إنها عاوزه تشارك مع المتابعين بتوعها عظمة وجمال المقبرة، واعتذرت عن فعلها.
طبعاً تصرف بسمة ووضعية التصوير كانت امر خاطئ تماماً ومضر بالأثر وخطوة التحقيق في الامر والاهتمام بيه هي خطوة مهمة وقوية نحيي عليها المسؤولين عن ادارة المكان،
ولكن على الجانب الاخر ولو رجعنا بالذاكرة لشهر نوفمبر اللي فات هنلاقي حصلت واقعة ابشع من واقعة بسمة بكتير جداً ولم تلاقي اي اهتمام ولا محاسبة!!
وهو اللي قام بيه السائح والبلوجر الامريكي من أصل أفريقي "chakabars" واللي بيمتلك فوق المليون متابع على الانستجرام، خلال زيارته السياحية لمصر لما زار عدد من الاثار المصرية منها منطقة الاهرامات بالجيزة وعدد من المعابد والمناطق الاثرية
وقام بتصوير فيديوهات نشرها على الاستوري الخاص بصفحته على انستجرام وهو بيقوم بالتسلق على جدران المعبد المصري القديم وبيعبث بالاثار المصرية بشكل قوي ممكن انه يتلفها تماماً!
واللي كمان نشر فيديو له أثناء إيقافه من أحد افراد الأمن المصري بالمكان الاثري واللي كان بيمنعه من أفعاله ومن التصوير و اعتبره "chakabars" إنه "عربي" من الغزاة وبيمنعه من التمتع بأثار اجداده حسب وصفه
وحسب قناعاته المزيفه والمبنيه على فكر الافروسنتريك، وللأسف بمجرد ما فرد الأمن شافه بيصور تراجع وسابه بدون اي حساب.
الغريب في الأمر إن رغم إنتشار فيديو هذا الهم--جي وهو بيعبث بأثار بلدنا وبيخربها وبيتطاول على احد افراد الأمن المصري إلا انه لم يعاقب! ولم يتم التحقيق مع المسؤولين عن المكان او عن أمنه ولم يمنع من السفر او يتم اخطار سفارة بلاده باللي عمله واللي يعتبر جريمة!
ودي مش المرة الاول لأتباع فكر الافروسنتريك واللي منهم ناس بتيجي في افواج وبتتطاول على السائحين الاوروبين والزوار المصريين في الاماكن الاثرية،
فإن كنا هننتفض لخطأ مرفوض مننا كلنا عملته بنت مصرية يبقى الواجب بردو إننا نعمل نفس الأمر مع أي اجنبي يتجاوز حدودة ويخترق القانون ويتطاول على آثار مصر واهلها ونمنع اي شخص معتنق فكر عدا-ئي تجاه الشعب المصري.
إحنا بنرحب بكل سائح محترم بلدنا وشعبنا وقوانينا لكن غير ذلك اكيد محدش هيسمح ولا هيتقبل إهانة حضارتنا او شعبنا.
🔴 فيا ترى في رأيك هل هنشوف رد فعل قاسي تجاه اي تجاوز من اي أجنبي وخصوصاً معتنقين فكر المركزية الأفريقية اللي بيحاولوا يعبثوا بالآثار وبيعملوا اللي عايزينوا فيها بداعي إنها آثار أجدادهم؟
وهل هنشوف تطبيق عقوبات عليه المخطئ منم زي السائح الافروسنتري chakabars زي ما شوفنا محاسبة و وقوف عند خطأ البنت المصري؟ نتمنى ذلك..
#وعي_مصر
#القومية_المصرية
#الحضارة_المصرية
#المركزية_الأفريقية
#وعي_مصر
#القومية_المصرية
#الحضارة_المصرية
#المركزية_الأفريقية
أثناء حواره مع فرد الأمن المصري
جاري تحميل الاقتراحات...