موضوع صندوق استثمار الذهب مش واضحه التفاصيل قوى لكنه صندوق استثمارى بغرض الاستثمار فى الذهب وتبدا الوثيقة من ١٠ جنية وبدون حد اقصى ، ويمكن للشخص استرداد الوثيقة بسعر الذهب فى يوم التسوية التى يرغب فيها ببيع الوثيقة ويستلم اموالة بعد يومين عمل ويتم فرض مصاريف بقيمة ٤.٧%من قيمة
الوثيقة ويسترد بسعر الذهب فى يوم الاسترداد وياخد فلوسة نقدا ولو حب يسترد ذهب هايكون سبيكة بدون مصنعية وهايكون سبايك فقط وبحد ادنى ٥٠ جرام للاسترداد ذهب فى صورة سبيكة ، يعنى مثلا انت اشتريت شهادات بقيمة ٥٠ الف جنية تعمل حساب عندهم وتحول المبلغ هايشترى لك مثلا قول ٢٠ جرام ذهب
بسعر النهاردة وتاخد الوثيقة وتقدر تستردها باى وقت فلوس وهايخصم ٤.٧% مصاريف ادارية ويمنحك قيمة ال٢٠ جرام ذهب بسعر يوم الاسترداد والله غلى الذهب هاتاخد اكثر رخص الذهب هاتاخد اقل وهكذا لكن ماوضحوش هل هايتم منحك اى عائد على الفترة دى من عدمة وغالبا لايوجد وكلما طالت المدة كلما
قلت المصاريف الادارية والفترة المثلى للاسترداد ٣ سنوات ولو عاوز فلوسك ذهب لازم يكون ماشتريتة لايقل عن ٥٠ جرام لكن مافيش مصنعية ولا عمولة وهوا بيتاجر بالذهب وانت معاة على المكسب والخسارة يعنى اشتريت والذهب ب٢٠٠٠ وبعت لما الذهب بقى ٢٥٠٠ هاتكسب والعكس صحيح و
ودة هايغنيك عن الاحتفاظ بذهب فى بيتك ويوفر المصنعية يعنى مثلا اسرة عندها بنت تشترى لها ٥٠ جرام السنة دى وتخلية ٣ سنين او اكثر ولما تحب تسترد هاتسترد بسعر بيع الذهب يوم الاسترداد والوثايق تبدا من ١٠ جنية وهيا للشخصيات الاعتبارية والعادية يعنى ممكن شركات او افراد
والمصاريف الادارية هاتقل كلما طالت المدة لتصل بعد ٣ سنوات صفر
وبكدة دة يتوافق مع الشريعة الاسلامية لانه على المكسب والخسارة لكن مش واضح هل بيكون عليك دفع زكاة عن الذهب الموجود عندهم من عدمة واكيد هايكون فية فتوى من هيئة الافتاء تحدد دة لان الذهب بتاعك لكنه مش عندك فى البيت فلا اعرف الفتوى الدينية بخصوصه والله اعلم
المصاريف الادارية فقط يوم الاسترداد لكن عند الشراء مافيش مصاريف ولا مصاريف فتح حساب ولكن ربما مبلغ بسيط رسوم دمغة او اى افتكاسة بيروقراطية مصرية تعمل اى دمغة بسيطة
جاري تحميل الاقتراحات...