نصيحه لصغار المستثمرين واصحاب المدخرات العائلية : لاتدخل نفسك فى دوامة الذهب او دولرة فلوسك لان به مخاطر وعدم وجود عائد منتظم ، نصيحتى اشترى شقق متوسطة التكاليف فى المدن الجديدة التابعه لجهاز المدن وتقدر تؤجرها مفروش او ايجار جديد بسهولة لنقص المعروض من تلك الشقق اولا
ولضعف القوة الشرائية لدى المستهدفين لسكنها ولكن يتوافر مستاجرين طول الوقت ودخل شهرى حلال ١٠٠% ومضمون بيع الشقة بالمستقبل باى وقت لان ثمنها معقول ( قد ياتى ذلك مع مشاكل المستاجرين كتاخر سداد ايجار ) ولكن لايوجد عسل بدون قرص النحل ومافيش حاجع سهلة ١٠٠% لكن عموما هو استثمار مضمون
واشتريها متشطبة تشطيب الجهاز وكمان ميزتها انها مضمونه الملكية لان بتشترى وبيتنازل لك المشترى بجهاز المدينة ، ولو معاك فلوس اكثر من نصف مليون الى ٥ ملايين تقدر تشترى عدة شقق فى عمارة واحدة والمهم ان تشتريها وتغير ملكيتها بجهاز المدينة والعدادات تكون باسمك والله من وراء القصد
والاسعار تتراوح بين ٣٠٠ الى ٥٠٠ الف للمساحات من ٧٠ م الى ١٥٠ متر والمهم ان يكون مسموح ببيعها بجهاز المدينة وتسال عنها فى الجهاز اولا وكام عليها مديونية ومخالفات ولاتصدق البائع الا بموجب اوراق الجهاز والبنك حتى لايكون عليها مشكلة ولا تشترى بتوكيل او عقد صحة توقيع
ولو مش عارف تشترى ازاى ؟ اسال على سمسار ( حسن السمعه ) بتلك المدن واعمل علاقه معاه كويسة وهوا هاياخد عمولة وهايقدر برضه يجيب لك مستاجرين بسهولة لان عشرات بيسالوة كل يوم وبيكون ضامن جزئى للمستاجر علشان يحافظ على علاقتك بية لانة هايكسب من وراك كل مايؤجرها لزبون
وتقدر تكتب كل شقة باسم عيل من عيالك وهاتنفعهم بالمستقبل سواء بيع او زواج
وكمان الموضوع دة يناسب الناس الى بتستحرم فوايد البنوك لان شراء عقار وتاجيرة حلال خالص وكمان فلوسك مش هاتقل قيمتها بل هاتزيد مع الزمن كل سنة هاتزيد بخلاف الايجار الى هايكون اكبر غالبا من فايدة البنك
ردا على الى بيقول لا شراء الذهب والدولار افضل ؟ شراء الذهب والدولار مضاربة وهاتكسب منها مرة واحدة اشتريت ذهب من ٦ شهور بالف وثمنه الان الفين نعم انت كسبت الف جنية لكن الجنية نفسة انخفض والالف الى كسبتها قيمتها الان ٣٠٠ جنية وكمان بدون عائد شهرى منتظم اضافة الى ارتفاع قيمتها
الى هايعوض لك قيمة انخفاض الجنية ساعة ماتبيعها ، اضافة ال ان الذهب او الدولار معرض لمخاطر الفقد او السرقة او تتقفش وانت بتبيع او بتشترى لكن شراء الشقة لا هاتتسرق ولا هاتتمسك وانت بتحاول تشتريها 😂😂 ومش مجبر تدفع عليها زكاة مال ( اعتقد مش متاكد فى النقطة دى) بخلاف الذهب
جاري تحميل الاقتراحات...