أمبارح اتحركت مِن حي الشاطيء بري لبحري السيد علي ٦ ارتكازات كلها دعامة اولها ١٣ شرق النيل بعدها تاني حلة كوكو وبعدها القنطرة وبعدها ٣ في كافوري الشوارع الشفتها كلها ما فيها حياة ابدا الا شويا حلة كوكو مواصلات بسيطة الاتكاز بيسألك مواطن انت في الشنطة في شنو ماشي وين
كل ارتكاز سلوك مختلف عن القبلو بس الغالب انو بكسير تلج بيمشوك من سعد قشرة الوضع مختلف تماما حركة اخف السوق محروس بالحرامية البيلقطوا النافع المحلات محروقة تماما لغاية وصلت الدناقلة بجوا الحلة طلعوا الدعامة مرتكزين قريب وبينهبوا نزلت لفيت للبيت مع ود الحلة وترحال مشا
شلنا العايزين نشيلوا من بيتنا وانتظرنا ترحال في الشارع ، الشارع مابقيف من تمشيط الدعامة بالتاتشرات والعربات الملكية والمواتر الناس مضطرة تتحرك في ظل الوضع دا كان عشان بيمشوا البحر يجيبوا موية(قاطعة من يوم ١٥)
اتحركنا من الدناقلة على الثورة بالمؤسسة في ارتكاز شافنا اسرة ما وقفنا وبعدها ملحمة الاسرة وقفنا ارتكاز شال من السواق حاجة لعربيته مرورا بأبراج مجمع البشير والسوق مظاهر الحرب الأقسم بالله ما شفت اسوء منها ولا حتى في الصور العماير مقصوفة بدانة محروقة تماما المحلات!
الحرامية شارين مكنات الطباعة والمكيفات والكنب في الزلط! ومن هنا بيختفي وجود الدعامة بيظهر الجيش بعدها بشوية ومظاهر الحياة الطبيعية بترجع بقالات وحركة ومواصلات بكبري الحلفايا لغاية الثورة بورا كرري كلها جيش في صيدليات وبيوت مقصوفة ومحروقة واشياء بالغة اسوء من ما بيتم تصويره للأسف!
رقم الترحال الجابني من بري لبحري
096 867 2859 - جابني ب٦٠ الف
رقم الترحال الجابنا من بحري للثورة
-0912942156 جابنا ب٩٠ الف.
096 867 2859 - جابني ب٦٠ الف
رقم الترحال الجابنا من بحري للثورة
-0912942156 جابنا ب٩٠ الف.
جاري تحميل الاقتراحات...