عندي كلمتين كده للمتابعين الدائمين للشأن المصري من غير المصريين
انت عارف طبعا ان أي طفل في العالم يعرف الرئيس الأمريكي الحالي والسابق واللي قبله على الأقل، بس مفيش حد يعرف اسم رئيس بوليڤيا أو أوزبكستان مثلا، عشان الاهتمام بدولة ما يتناسب طرديا مع أهمية الدولة دي وتأثيرها
انت عارف طبعا ان أي طفل في العالم يعرف الرئيس الأمريكي الحالي والسابق واللي قبله على الأقل، بس مفيش حد يعرف اسم رئيس بوليڤيا أو أوزبكستان مثلا، عشان الاهتمام بدولة ما يتناسب طرديا مع أهمية الدولة دي وتأثيرها
فانت بتشوف أخبار كتير عن مصر ل٣ أسباب، أولا عشان انت مهتم تشوف أخبار كتير عن مصر مش عن موريتانيا أو جيبوتي مثلا، وثانيا عشان فيه أموال طائلة بقالها سنين طويلة موجهة عشان تركز على مصر وتبرز الأخبار اللي تخدم توجهات أصحاب الأموال دي وهما أطراف كتير بالمناسبة وتوجهاتهم مش واحدة
ثالثا هقولك عليها كمان شوية، فانت بتشوف أخبار كتير عن جرائم قتل أو حوادث مرور في مصر مثلا ودي حقيقة مصر فيها حوادث وجرائم كتير، بس مصر بلد تعدادها ١١٠ مليون فكل حاجة عندنا منها ملايين، فيه ملايين الفقراء وملايين الأغنياء وملايين المجرمين وملايين العلماء
شوف مثلا قائمة ستانفورد لأهم ٢٪ من علماء العالم هتلاقي مصر أكبر بكتير من أي دولة في المنطقة حتى الدول غير العربية، ودول العلماء اللي في جامعات مصرية فقط، غير المصريين اللي في جامعات العالم، لكن السوشيال ميديا عايزة تبروز لك إيه؟ وانت حابب تشوف إيه؟ واللي بيدفع قاصد يوريك إيه؟
طب ليه مابتشوفش نفس الأخبار دي من دول مجاورة؟ مفيش عندهم جرائم قتل؟ ل٣ أسباب زي ما قلتلك: أولا عشان التركيز دايما على الأهم والأكثر تأثيرا، ثانيا عشان اللي بيدفع عايز يوجهك هنا، ثالثا بقى وده الأهم عشان احنا كمصريين مش ساكتين ومابندفنش راسنا في الرمل
طول عمرنا في مصر مابنسكتش، في أسوأ فترات القمع كنا بنقاوم بالكلام وبالفن (ممكن تجوجل مدلول أغاني زي قولوا لعين الشمس ما تحماشي - يا بلح زغلول - يا بلح أبريم مثلا)، ورغم ان حكام مصر دايما مش مؤيدين لحرية التعبير عشان عارفينا شعب قليل الأدب ولسانه ٣ متر، بس عمرهم ما عرفوا يمنعونا
فهتلاقي ممثل كوميدي مثلا بيقلد رئيس الجمهورية وهو على رأس السلطة وفي عز سطوته وفي مسرحية اتعرضت على المسرح جوه مصر وفي التلفزيون عادي جدا، فين تاني في منطقتنا حاجة زي دي ممكنة؟
وده محصلش مع مبارك بس، حصل مع كل اللي حكموا البلد دي في ال٧٠٠٠ سنة اللي فاتوا ولحد النهاردة
وده محصلش مع مبارك بس، حصل مع كل اللي حكموا البلد دي في ال٧٠٠٠ سنة اللي فاتوا ولحد النهاردة
الخلاصة يعني، الفلاح المصري اللي جمع حكمة القرون دي كلها قالنا مثل مهم جدا اللي يفهمه هيفهم طريقة تفكير المصريين في الموضوع ده، قالك "أدعي على ابني.. وأكره اللي يقول آمين"
آمين؟
آمين؟
جاري تحميل الاقتراحات...