عجيب جدا تأثر وانفعال الناس بقصة أو رواية أو فيلم "إنساني" !! وأحيانا تتحرك بعض اللجان التشريعية لمناقشة مضمون القصة ! أي قصة ممكن تأليف عكسها، بل دون تأليف، لو بحثت ستجد التناقضات والشذوذ والاضطراب والمآسي موجودة في المجتمع =
ممكن تحكي قصة ووارد كمان تكون واقعية عن أب ضحى علشان أولاده وبعد عقود الأولاد طردوه من البيت والرجال الكبير نايم في الشارع وبيشحت… والناس تعيط على الأب الغلبان… وممكن رجل مهمل رمى ولاده علشان وحده لعوب من دور ولاده والناس تدعى على الأب المفترى
ممكن تحكي قصة زوج بطل تحمل زوجته وبذل من أجلها الغالي والنفيس لكنها طلعت قليلة الأصل، وهربت مع واحد سافل … والناس تتعاطف من الزوج وتتهم الزوجة، وممكن العكس تماما: الزوج شيطان والزوجة من الملائكة الأبرار
ممكن القصة تستهدف الوافدين وتظهرهم خونة وسبب خراب البلد، وممكن قصة تانية تثبت دور هؤلاء الإيجابي في المجتمع، ممكن قصة تشوه أي فئة أو وظيفة أو طبقة في المجتمع، وممكن قصص عكس ذلك تماما، ممكن تعمل ألف فيلم إن الملتحي حرامي وفاسد، وممكن في وقت تاتي أو مجتمع تاتي تقول العكس
أي حد بيفهم أو عايز يصلح لازم يدرس ويحلل .. يعني مثلا الجرائم في الأحياء الشعبية ممكن تكون مختلفة عن غيرها، والطبقة الغنية ممكن ينتشر بينهم نوعية معينة من الجرائم… وجرائم معدلتها في ارتفاع أو انخفاض … وسبب دا أيه
طيب من الذي يستخدم هذا الأسلوب ولماذا ؟؟ رأيي أن هذا منهج المفلسين والغرض مجرد حشد أي قطع … لو عنده رأي ورؤية كان عرضها بطريقة معقولة ودعمها بالأدلة ورحب بمن يناقشها… أما ما يحدث الآن فهو مجرد حشد للناس، وترهيب كل من يحاول أن يناقش
ممكن واحد يقول لكن فارق كبير بين البحث العلمي وجمهوره من المثقفين، والروايات الخفيفة التي تستهدف عوام الناس … من يقول هذا الكلام عليه أن يراجع نفسه =
الشائع ان بين القصرين تعتبر تاريخا اجتماعيا لمصر في الربع الاول من القرن العشرين …هذا طبعا صحيح، ولكنها تعتبر تاريخا سياسيا… وبالمناسبة نجيب محفوظ ذكر تفاصيل غاية في الدقة لن تجدها عند المؤرخين المتخصصين، وعرض وجهات نظر متباينة في سلاسة ودون تكلف ولا وعظ ولا أسلوب إنشائي مباشر
الجدل حول عرابي ومصطفى كامل وسعد زغلول… تباين موقف الناس من الإنجليز .. العادات الاجتماعية المختلفة في شتى المناسبات حتى الزواج والكرة … نجيب تعرض لكل هذا ولغيره ببراعة
فارق كبير بين أديب أو كاتب متخرج من قسم الفلسفة ومتعمق في كتب التراث ومهتم بالأدب العالمي… أديب يعمل بين الناس ويمشي في وسط البلد… وكاتب بدرجة "مخبر" صحفي، ويحضر حوارات ليصفق
جاري تحميل الاقتراحات...